Kòlosè 3:22 - Ŋwàʼlè ə̀ Fèzhə̀ Mkâyn Mə̂ Fèm

²² Kɔ̂svè, ghàyn e zɨə sê pɛ̀ efɨ̀aʼ ghaynghe ə ghɛ ə̀kɨ̂m shîŋə̀ tekɨ̂m. Kə ghàyn nə fɨaʼa kə ashìŋə̀ kɛ ə ghənə fe ghàyn kə ghənə kaʼa tsîtə̀ ghàyn, pîza ghàyn e fɨaʼà se ghənə è təm ghaynghe əkɨ̂m kûmə̀ nə ghàyn fo èkɔʼsê sê Pɛ̂pɛ ə ghàyn efɨ̀aʼ.

Kòlosè 3:22 ပူးပေါင်းရင်းမြစ်များ

Matyò 6:22

“Shiə wûə nyi lâm sè wiynə vəynve. Ə shi ghɛ nyi achûŋ, ə wiyn vɛve ekɨ̂m ə nyi mə ə̀ lwiyn kê èpayn;

Matyò 8:9

Mi èngɨŋ zɨ̂mè nyi wùə pɔŋə fɨaʼà kəpî əghɨ ghe etyə̀, kyi kepî sèsokə̀ʼ ə mi etyə̀. M piə sê wùə èmɔ̀ʼ nə, ‘Ndùə,’ è və ndùə kə ndò, ə pîə se və mɔ̀ʼɔ nə, ‘Pə̂,’ e və pə̀ kə ndò. M pî sê wufɨ̀aʼa vɨ̂mè nə, ‘Nə̀yn nyi,’ è ve nə kə za mə.”

Tom èchùŋ kè kə Lûk tè nyaʼ 6:46

Kûmə̀ ghè ə ghàyn tɔŋtə kə mi nə ‘Pɛ̂, Pɛ̂pɛ,’ shîŋə̀ tèkɨ̂m, nə̂ va ghɛ zɛ m piə sê ghàyn ə?

Tom èchùŋ kè kə Lûk tè nyaʼ 7:8

M piə nyi kûmə̀ nə m pɔŋɔ fɨaʼà kəpi əghɨghe etyə̀, kyi kepî sesokə̀ʼ ə mìə etyə̀. M piə se vɨnə nə, ‘Ndùə!’ è və ndùə kə ndò, ə piə se vîə nə, ‘Pə!’ è və pə̀ kə ndò. M piə sê wufɨ̀aʼa vɨm nə, ‘Nə̀yn nyi’ è və nə kə zâ.”

Ətefɨ̂aʼ 2:46

Ghənə tè pə̂ zûŋtə̀ ə Ndɛ Ètsə̀mə tuʼ mè m̀kɨ̂m se tsə̀m, fɨə kwiə zhiə kə ə ndɛ ə ndɛ, nyi ke sə eghɛ èmɔ̀ʼ, saŋnə kə ndò.

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

Ngàleshyà 1:10

E za tyə̀nə̀ zôyn nə, m nə̂ èghɛ zɛ ə ghɨ kyiŋə mə zɛ ə Zhə̀fè kyiŋə? E za nyi nə m nə̂ nə ghɨ ghə saŋnə mə? Ə m sè kyiŋə sə̂ nə̂ nə ghɨ ghə saŋnə̂, ə mə fɨyn va wùə è fɨ̀aʼa ə̀ Klâys.

Kòlosè 3:20

Ghɔynghe, ghàyn e zɨə ə̀ pɨ̀a ghaynghe è nyì ghaynghe kè əghɛ ə̀kɨ̂m ghɛ ə ghàyn nə̀, ə̀ nyi nyiəmə kə kyiŋə nə ghàyn ə nə̂.

1 Tèsàlonikà 2:4

Ghàs pɨlə wàmnə̀ kə kə Zhə̀fè kyiŋə kûmə̀ nə è və kyàʼsè naynê ghàs ə fe nə ghàs nyi ə ghɨ ə è kàʼa è samse nə ghàs ndaʼa tom èchùŋ, nyiəmə ghàs e ndàʼà va endom vɛ əghɨ kyiŋə, pîza se nə̀yn nə Zhə̀ fɛ fe kyaʼsə̀ naynə təm ghasghe ə saŋnə̂.

Filemùyn 1:16

Se zhə̀tè zôyn, è nə vachi ke tsɨ̀yntsɨ̀yn àkɔ̀s, pîza è nə nyi ànɛ̂ ve èkɔ̀ŋ ə Klâys. M nyiə kɔ̂ŋɔ̀ vəyn, pîza ò kyi sə̂ kɔ̂ŋɔ̀ vəyn tsɛ̂ kə m kɔ̂ŋɔ̀. Ò nə kɔ̀ŋɔ̀ vəyn kə akɔ̂s kɛke, è kɨsè kûmə̀ nə è nyi chùmtè ə̀ Klâys kèpî kə ghò.