Kòlosè 3:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàyn e ndə̂mə̀ tèkwâʼtè taynte əghɛ ghe ə ghe nyi ekwùtwəyn, ə̀ vachi ə̀ghɛ ghe ə ghe nyi ə chi,

Kòlosè 3:2 ပူးပေါင်းရင်းမြစ်များ

Matyò 16:23

Njisə̀s ə kə̀mnə̀ ə pìə sê Pità nə, “Ndò ə Mì ekyàʼ ə ndə̂plè! Ò tàmtə̀ Mi nə kə M nəyn kwaʼtè ə Fezhə̀zè kûmə̀ ghè? Kûmə̀ nə kwâʼtè zɛ nə zɨ̂yn pâʼà ndò se Zhə̀fè, pîza sê wùə m̀sɔ̀ŋ.”

Matyò 6:19

“Kə ghàyn ə ndə̂mə̀ èghaʼ zayn ze fa chi, elùʼ vɛ ə shɔʼshɔʼe, è chaʼè kaʼa ve pofse, mə ghɨ echɔŋə kaʼa kəm nji kepî ə ndɛ ə chɔŋ vəynve.

Tom èchùŋ kè kə Lûk tè nyaʼ 12:15

ə fɨnə piə sê nɔ̂yn nə kɛ nə, “Ghàyn tɔ̂ʼnə̀ kûmə̀ əshi ə fɨə kûmə̀ nə ndam ə wùəe va ke kûmə̀ efɨa e tsɨə vɛ ə è kyi, ə kɔ̀ŋ ə è və kyi naʼapi zàyn.”

Tom èchùŋ kè kə Lûk tè nyaʼ 16:11

Ə ze se nyi mə ze ə ghaʼ ghàyn se kyi eghaʼ ə mbize, ə̂ tə fo ndè kàyntè eghaʼ sê ghàyn ə?

Filìpây 1:23

M zhiynə kə ndò əfètəyn ə̀ghɛ nə ghɨ̂yn, kyiŋə nâʼà sə ŋaŋ se za achi kɨ̀yn se ndù sə̂ nyi ghasè Klâys, ə nyi èghɛ zɛ ə ze tsɔ̂fə̀ kwənə,

Kòlosè 3:1

E nyi zôyn kəpi, kə Zhə̀fè zòmsè Klâys, ghàyn ə zômə̀ kepî ghâyn ghə̀ vəyn. Nyiəmə, ghàyn e kyi ə̀təm efɨa vɛ ə ve nyi ekwùtwəyn, eluʼ vɛ ə Klâys tsɨs ə və fekyə̀ fə efɔ̀ynfè ə Zhə̀fè ekɔyn etwɔve.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.