Kòlosè 3:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

Kòlosè 3:12 ပူးပေါင်းရင်းမြစ်များ

Matyò 24:22

Pîza Zhə̀fè nyi mə è və fàftè tuʼ mə ètsòs nə mɨ̂yn. Ə È tè tàʼa nə̀yn zamə, mə wùə vîvè tə sɔ̂ fɨə va. Kûmə̀ kə ə̀ghɨ və kə È chɔʼ ndə̂m È tə fâftə̀ mtuʼ nə mɛ.

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Matyò 24:31

Ə tə tɔŋə èsɔŋ, ə è tom fɨsê sètsì sə vəynse ə tepòlə̀ tembi tekɨ̂m tèkyàʼ nə se kwi zûŋtè ə̀ghɨ ghɛ Zhə̀fè chitê se zhə̀tè apàs ə mbike amɔ̀ʼ se nduə tàyn ə kə mɔ̀ʼɔke.

Ŋwàʼlè ə̀ Mâk 13:20

Pîza Pɛ̂pɛ nyi mə è və fàftè tuʼ mə ètsòs nə mɨ̂yn. Ə è tè tàʼa nə̀yn zamə, mə wùə vîvè tə sɔ̂ fɨə va. Kûmə̀ kə ə̀ghɨ və kə è chɔʼ ndə̂m, è və fàftè tuʼ nə mɛ.

Ŋwàʼlè ə̀ Mâk 13:22

Ghɛ ə kaŋkaŋə pîə nə ə nyi vɛ Zhə̀fè chɔʼ ndə̀m, è ghɛ ə kaŋkaŋə pîə nə ə nyi sèfɨ̀aʼtè, tə fɨə mtuʼ nə mɛ. Ghənə tə nə̀ ə tyəynə̀ sèchwìə, fɨnə nə̂ əghɛ ə kayntəghe. Ghənə tə nə̂ nyiə se kyìŋsə nâʼàpî ə̀ghɨ Fèzhə̀ ghɛ ə Zhə̀fè chɔʼ, ə ghənə kyi ndom ətəyn.

Ŋwàʼlè ə̀ Mâk 13:27

È tə tomə sètsì sə vəynse ə tepòlə̀ tə mbi tekɨ̂m nə se kwi zùŋtè ə̀ghɨ ghɛ Zhə̀fè chɔʼ ndə̂m, se ndò ə epòlə mbize emɔ̀ʼ se nduə tàyn ətə̂ zə mɔ̀ʼɔze.

Tom èchùŋ kè kə Lûk tè nyaʼ 1:78

Ə̀ tə nə̂ esəyn eko èghaʼâ ə Fèzhə̀ fə ghasènìfe kə zhwi nə zɨnə mə payn ə ghâsènì ətu.

Tom èchùŋ kè kə Lûk tè nyaʼ 18:7

Ə̀ nyiə kàʼa ə pɨl faŋ Fèzhə̀ se zɨtê echi zɛ ə ghɨ fəynfe ghɛ ə fe chɔʼte chîə sê fəynfe, èchwì ètuʼu ə? Ə fe za kàʼa ə fe ə puʼsə̂ kə ndò ghənə ə?

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

Ŋwàʼlè ə̀ Pɔ̂l sê ghɨə Lûmghè 9:11

Ə̀ tè nyi tsɔ̀fə kə ə piə ghɔyn nə ghɨ̂yn, mə ghənə paʼà nyìəm kê se nə chùŋ kɨ̀sə pi, Zhə̀fè ə tsà se Lèpekà nə, “Vayn èndumə tə nə̂ ə è və nyi wùə àfɨ̀aʼ sê vayn etətə̂” Zhə̀fè tè nəyn zɨnə mə kə ze ə nyi nə ə̀ nəyn zhi nə vayn emɔ̀ʼ ə nyi ə və mɔ̀ʼɔ etyə̀. Ə̀ tè nyi ə vəyn ekɔ̀ŋ se chitê ə wùə vɛ ə è kɔ̀ŋə̀, ə̀ vachi kûmə̀ ə̀ghɛ ghɛ ə wùə təyn tè nəyn.

1 Kɔlìŋ 13:4

Kɔ̂ŋè nyi ewəynsê ewìynze è təm əchûŋghè; ə̀ vachi sə̂ naynə̂ àfɨa kɔ̂ŋə̀ nə ə̀ fe nyì sə̂ kyi gho, pî se pfɨ̀yn angàŋtè, pî sə kyi èghaŋsê ewìynze.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ɛfesùs 1:4

Tsɔ̀fə kə è pom mbi, ə̀ tè se nyi mə è və chɔʼtê ghâsènì tɔynə̂ ə Klâys nə ghâsènì tə pə̂ ə nyi əghɨ zoghe, kyi va tsasze ə Zhə̀fè əshi.

Ɛfesùs 4:2

Ghàyn nə ngɨmnə̂ sengɨŋ saynse, pɔynə̂ fɨnə wəynsə̂ èwiyn, lɛ̂sə̀ sètsas saynse kûmə̀ èkɔ̂ŋ.

Ɛfesùs 4:24

Ə̀ tè zaʼle ghàyn nə ghàyn nji wiyn efe vɛ ə tè fɛte nə ve nə fusə̂ Fèzhə̀ sə ndamə kàyntè èndam ə chichi è vəyn fɨnə zo.

Ɛfesùs 4:32

Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

Filìpây 1:8

Zhə̀fè nyiə ke ndô nə m pîə səmɔʼ nə m nyîə kɔŋə̀ ghàyn àchûŋ è kɔ̂ŋ zɛ ə Klâys Njisə̀s tè tyə̀yn nâʼà è ngɨŋ ə vəyn.

Kòlosè 3:10

Zôyn, ghàyn ə kàynè maʼ wiyn efeve. Zhə̀fè ə ndə̀m ndam efeze ə ghàyn fètəyn, ə nə̀ ze zɛ ə ze ndəmə kə ghàyn ə nyi kə vəyn, tɔʼ ke vəyn nâʼà àchûŋ, ə vəyn vɛ ə è pom ghàyn. Kə ghàyn kyi ndam efe zɨ̂nə̀, ze ə nə̀yn,

1 Tèsàlonikà 5:15

Kə ghàyn nə pomə̂ nə wùə ə ghàyn ə fètəyn nə pə̂ynsè pi è pi, pîza ghàyn e zâŋsə̀ mɔ̂msə̀ sə̂ nə̂ ə̀ghɛ ə chûŋə̀ sê ngɨŋ saynse, è kɨsè se ghɨghe əkɨ̂m.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

2 Pità 1:10

Nyiəmə, ə ghɔnyì ghɨmə, ghàyn kyi fɨ̂aʼ etyaʼa se tyə̀yn səmɔʼ nə ghàyn nyì kepî əfètəyn ə̀ghɨ̀ ghɛ Zhə̀fè tɔŋə nə ghe chumte vəyn, ə chɔʼɔ nə ə nyi ə̀ghɨ ə vəynghe. Ə ghàyn nə̀ ghɛ ghɨ̂nə̀, ə ghàyn tə tàʼa kyî echyâsè ghâyn ghə̀ Zhə̀fè.

1 Njɔyn 4:19

Ghâsènì kɔ̀ŋə̀ sèngɨŋ sə ghasènìse kûmə̀ nə Zhə̀fè ə tə kɔ̀ŋ ghâsènì sə shi.

2 Njɔyn 1:13

Ghɔ ànɛ̂ vê zhɔyn vɛ ə Zhə̀fè chɔʼ zâ tomə ètɔŋtê sê ghò.

Etyə̂yn ə paynsêzè 17:14

Ghənə tə səʼə̀ àngyə̀s sê Va Ndzè, ə Va Ndzè no zhi ghənə kûmə̀ nə è nyi Pɛ̂pɛ sê ghə Pɛ̂pɛ əkɨ̂m, fɨyn nyi Fɔ̀yn se fɔ̂yntè kè tekɨ̂m, è nyi yî ghə̀ ghɨ vəyn ghɛ ə Zhə̀fè nyi mə fe ə tɔŋə̂, ə chɔʼɔ, ghənə e chûmtə̀ vəyn è təm ə ghənə̂ghè əkɨ̂m.”