Kòlosè 3:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Zôyn, ghàyn ə kàynè maʼ wiyn efeve. Zhə̀fè ə ndə̀m ndam efeze ə ghàyn fètəyn, ə nə̀ ze zɛ ə ze ndəmə kə ghàyn ə nyi kə vəyn, tɔʼ ke vəyn nâʼà àchûŋ, ə vəyn vɛ ə è pom ghàyn. Kə ghàyn kyi ndam efe zɨ̂nə̀, ze ə nə̀yn,

Kòlosè 3:10 ပူးပေါင်းရင်းမြစ်များ

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ŋwàʼlè ə̀ Pɔ̂l sê ghɨə Lûmghè 13:12

Tuʼve se nyi ke se zo, pɨəynke se panə mɨ̂sə̀ pə̂ ndò. Ə ghâsènì zàmaʼà ə̀ghɛ pi ghɛ ə ghâsènì tè nə̂, ə maʼ fɨa eghɔ̀ŋ vɛ ə nô ətəyn əfètə̂ epayn.

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

Ŋwàʼlè ə̀ Pɔ̂l sê ghɨə Lûmghè 6:4

Mô mɛ ə ghâsènì tè fi chwîtə̀ nə ghâsènì ə kwu, ə vɛ ə pfɨ̂mə̀ ghâsènì è Vəyn. Zɨnə mə tè kyayn se nə̀yn nə ghâsènì kyi ndam efeze. Zɨnə mə nyi kepî èghɨ kə pɨ̀a tè zòmse Klâys, è pɔmsê ə Vəynze endam efeze.

Ŋwàʼlè ə̀ Pɔ̂l sê ghɨə Lûmghè 8:29

Ghɨ ghɛ ə Zhə̀fè tè nyi mə fe ə kàynè chitê nə tsɨnè ə̀ ghənə ə nyi kə zə Vâ Vəyn, kə vayn nə vɨnə mə tə pəyn ə è və nyi Vâ ə̀shi se ghɔnyì ə vəynghe.

2 Kolìŋ 3:18

Ghâsènì əkɨ̂m nyîə kyi èpomsê ə Fezhə̀zè shîŋə̀ kɛ ə kyaʼ tə ghasènìte nyi ndɔ̀ʼɔ kɨyte, ə kyì epomsê nə zɛ mə, ə ze pə̂ se Pɛ̂pɛ, mə è nyi Sezuʼ, se kwiynə̂ ghâsènì nə ə nyi ke kə vəyn kə ghâsènì ə kyi èpomsê zɛ ə ze nyanə nduə kə èshike.

2 Kolìŋ 4:16

Ə̀ za nyi eghɛ zɛ ə ghàs pɔ va sə̂ nə̂ èfɨ̂aʼ nə zɨ̂yn. Naʼapi kə njà sewìyn sasse pɔylə ndùə, zuʼ sas se e tɛ nduə kə èshike.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ngàleshyà 3:27

Nâʼà ghàyn əkɨ̂m ghɛ ə tè fi môm ə Klâys ezə, nyi kə ghɨ ghɛ ə ghe nyi mə ə màʼ Klâys Njisə̀s ə ghàyn ewìyn kə sendzɨs.

Ngàleshyà 6:15

Kɨ̀sə se nam ghaynghe, kɨ̀sə ə tàʼa se, zɨnə mə kyi va ghɛ zhîze se nə̀yn. Ghɛ etɛ nyi ke nə, Zhə̀fè nəyn, ə ò kɛse ə ô nyi wùə èfe.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Ɛfesùs 2:15

È və kim nâʼà lwɔ̂ŋ ə Njûsvè ekɨ̂m tɔynə̂ ə vəyn ekwu nə zɨ̂yn kə ghɨ ghasènìə fɨ ke sə wùə èmɔ̀ʼ tɔynə̂ ə vəyn, ə pɔ̂ynè ə nyi.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

Kòlosè 3:14

Etûə ə̀ghɛ nə ghɨnə mə əkɨ̂m, ghàyn e kɔ̂ŋə̀ sèngɨŋ saynse. Ə̀ nyi ekɔ̂ŋ ə ze tsɨ̂yntè fɨave ekɨ̂m nə ve ə nyi sə afɨa àmɔ̀ʼ.

Filemùyn 1:6

M tsə̂mə̀ nə ndom vɛ ə ghàyn nyì ghâsènì sə afɨa àmɔ̀ʼ ə ndəmə̂, tɔynə̂ endom vɛ ə ghàyn kê ghɛ ə chûŋ ghɛ ə Zhə̀fè nyi mə fə nə̀yn sê ghâsènì. M kyiŋə nə ghɛ nə ghɨnə kyayn kə ghɨghə fo èpomsê sê Klâys.

Ipilù 6:6

mə ə ghənə kɛse mâʼà kyî epomə̂ ə ghənə̂zè, ə ze ə pɔynə̂ va se nə̀yn nə ghənə kɛse kwiynê, kûmə̀ nə ghənə fɨyn payntê Va Fèzhə̀ awâmnè ə ghomsə̂ vəyn ə ghɨghə shi sə fe.

1 Njɔyn 2:3

Ə ghâsènì ndə̀mə̀ lwɔ̂ŋ ə Fezhə̀vè, ə zə nyi səmɔʼ nə ghâsènì nyîə ke Fəynfe.

1 Njɔyn 2:5

Pîza mə ə ndə̀mə̀ pîndè ghɛ zɛ ə fe piə, ə kɔ̂ŋ zɛ ə è kyi sê Zhə̀fè ə nyi mə zə lwiyn kwəyn. Ə̀ za nyi endom vɛ ə ghâsènì ke ətəyn nə ə nyi sə afɨa amɔ̀ʼ ghasènìə ghə̀ Zhə̀fè.

Etyə̂yn ə paynsêzè 21:5

Wùə vɛ ə è tè tsɨs əfekyə̀ fə efɔ̀yn nə fɛ ə ke pì nə, “M nə̀ nə̂ ə ghɛghe əkɨ̂m kɛse ə nyi ke ə̀ fe.” È və fɨnə pìə sê mi nə, “Nyàʼ ghɛ nə ghɨ̂nə̀. Nâʼàpî ndè kàʼa è samse ghəynghe kûmə̀ nə ghe nyi səmɔʼ.”