Kòlosè 2:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Pomə̂ zɛ ə ghàyn pomə ghɛ zɛ ə tyə̀ynsè sɨ̂nə̀ zaʼle ghàyn nyì səmɔʼ. Ghàyn e fo àzɔ̀ŋnè se Zhə̀fè shîŋə̀ tèkɨ̂m əghɛ ə̀kɨ̂m.

Kòlosè 2:7 ပူးပေါင်းရင်းမြစ်များ

Tom èchùŋ kè kə Lûk tè nyaʼ 6:48

È nyi kə wùə vɛ è tè piə è pɛ ndɛ vəyn ə fɛtə̂ tɨmə àchi ətəynke nâʼà àchuŋ ə ndə̀mə̀ àchiə ndɛ təynke è chîə, kwuŋke ə tə pə̀ ə chiynə ndɛ ətəyn, e zə tàʼa nə̀ʼlè kûmə̀ nə è tè nyi mə ə fɛte pɛ.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

2 Kolìŋ 1:21

Ə̀ nyì ke nâʼà Fezhə̀ è ngɨŋə̂ Vəyn ə fe nə̂ nə ghàs è ghàyn ə nyi sèchùmtè èpàm setɛ sə Njisə̀s sè, ə̀ ndo Fəynfe ə kɨmnə̂ ndə̂mə̀ ghàs.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Ɛfesùs 4:21

E nyi ke nâʼà səmɔʼ nə ghàyn ə tè zɨ ghɛ kûmə̀ vəyn, e fɨnə zaʼlə ghàyn è ghɛ ghɛ ə ghe nyi səmɔʼ kûmə̀ Njisə̀s.

Ɛfesùs 5:20

Ghàyn e fo àzɔ̀ŋnè sê Zhə̀fè fɛ ə nyi Pɨ̀a kûmə̀ nâʼàpî ghè kè shîŋə̀ tekɨ̂m kûmə̀ Pɛ̂pɛ ə̀ ghâsènì Njisə̀s Klâys.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.

1 Tèsàlonikà 5:18

fo àzɔ̀ŋnè nâʼàpî eghɛ èkè zɛ ə ze kyâyn, kûmə̀ nə ə̀ zɨnə nyi eghɛ zɛ ə Zhə̀fè kyiŋə nə ghàyn ə nə̂ tɔynə̂ ə Klâys Njisə̀s.

2 Tèsàlonikà 2:17

Fe nə̀ nə̂ ə ghàyn ə kyi ə̀təm ə tɛ è tyaʼa sə̂ nə̂ fɨnə wâmnə̀ kə ə̀ghɛ ə chûŋghè shîŋə̀ tekɨ̂m.

Ipilù 13:15

Ə ghâsènì ə tsîtə̀ Fèzhə̀ shîŋə̀ tekɨ̂m kə efo ə ghasènìze tɔynə̂ ə Njisə̀s. Zɨnə mə nyi kə efo ə ghâsènì fo è kyə̀ ècho se tyə̀yn nə è nyi Pɛ̂pɛ.

Ipilù 13:9

Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

Njût 1:12

Ezhoghɛ ə ghàyn tsɨsə se zhi efɨazhiəve kə əghɨ epoməghe, ghɨ nə ghɨyn e nyi ke kə eliŋ ə ghàyn əfètəyn ə pɔŋ pəyn tsɨsə sè zhiə, ghomə va. Pîza ghənə nyi kə sengyəyn sɛ ə se kyi va ghomə̂zè, mə ghənə tɔ̂ʼnə̀ kə sê ngɨŋ sə ghənə̂sè. Ghənə nyi kə sembàʼ ə fofke pɨaʼà, pîza pə̂ va è ghol zhîze. Ghənə nyi kə mkaʼ mɛ m̀ mu tsɛ̂ va twɔmve, pi ashìŋə̀ etwɔmke, nyi kə mkaʼ mɛ ə nyi mə ə chɔʼ paʼsə̂ kə è ghaŋte ətəyn, m̀ me nyi mə m̀ mə kwu.

Njût 1:20

Pîza, se ghàyn ə soyn sɨmse chûŋsè, ghàyn e tsâmtə̀ sèngɨŋ saynse sə̂ ndəmə̂ ə ghàyn ekyî epomə̂ zɛ ə ze lote nyi èŋwaʼze. Ə tyaʼ ə Sezuʼ se Ŋwaʼase ə tsâmtə̀ ghàyn sə̂ tsə̂mə̀.

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.