Kòlosè 2:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Pî kə m va ə ghàyn ə fètəyn ə njà èwìyn, m pa nyi ke ndô ghâsènì ə sezuʼ. Pi kə m va ghâsènì, m saŋnə̂ ndò kûmə̀ nə kyî epomə̂ zaynze sê Klâys nyiə tɛ.

Kòlosè 2:5 ပူးပေါင်းရင်းမြစ်များ

Ətefɨ̂aʼ 2:42

Ghənə ə fɨnə fo sèngɨŋ sə ghənə̂sè sə̂ zɨtə̂ ə̀ghɛ ghɛ ə ghɨətom ə Njisə̀sghè tè zaʼlə. Ghənə tè nyì sə eghɛ èmɔ̀ʼ yîghə̀ ghɨ pomə ə Klâysghè. Ghənə əkɨ̂m tè tsə̂mə̀ fɨnə zhiə kɨŋnə̂ luʼve mɔ̀ʼ.

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

1 Kɔlìŋ 11:34

Mə chɨ̀ŋ zafə wùə se ghàyn, è və zhiə ə ndɛ, kə shîŋə̀ kɛ ə ghàyn pə̀yn sə eghɛ emɔ̀ʼ, ə è tàʼa nə̀yn eghɛ kə Zhə̀fè fo tsôsvè sê vəyn. Sê ghɛ ə mɔ̀ʼɔghe, shîŋə̀ kɛ m pə̂yn, ə m chise ghàyn eghɛ zɛ ə ghàyn kyi se nə̀yn.

1 Kɔlìŋ 14:40

pîza ə kyi sə̂ nə̂ ə̀ghɛ ə̀kɨ̂m endom echûŋvè è kɨsè ə mbaŋə ə mbaŋə.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

Kòlosè 2:1

Ghàyn za m tsayn se ghàyn ndom vɛ m nyi mə mə fɨ̂aʼ ətəyn sə ŋaŋ sê ghàyn è ghɨə Làndisyà è kə m fɨ̂aʼ nâʼà etyaʼke sê ghɨ ghɛ ə nyi ndɔ̀ʼɔ tyəm fe mi.

1 Tèsàlonikà 2:17

Ghàs kyiŋə se pì ə ghɔnyìə ghasə nə, ə̀ tè nyi kə ghɨ yîghe nə̂yn nə ghàs ndo za ghàyn sə fendîŋə̀ fə ashìŋə̀ nyî, ghàs ə ndò kə è wiyn vasve pîza təm ghasghe ə faŋa kwâʼtə̀ kə ghàyn. Ghàs tè nyîə kyiŋə nâʼà sə ŋaŋ se fe ghàyn, ə mɔ̂mə̀ nâʼà è tyaʼa se kɛsə pə̂ fe ghàyn.

1 Tèsàlonikà 3:8

Ghàs nyîə saŋnə̂ sə̂ ndamə zôyn fɨnə fànə̀ va kûmə̀ nə pomə̂ atyaʼ zaynze sê Zhə̀fè ndùə kə èshike.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 6:19

Kwaʼtè elɨmtə nə zɨnə̀ ə ghâsènì kyi nə̂ nə ndam ə ghasènìze ə tyəm luʼve emɔ̀ʼ, nəʼlə̀ va, kèpi endom vɛ ə ankɔ̀ kyiə ngwùʼ eghaʼâ əfètə̂ enjwì ə fengwaŋve. Wùə vɛ ə ghâsènì lɨmtə vəyn e təm ə ghasènìghe əkɨ̂m nə è tsamte ghâsènì nyi Njisə̀s, vɛ ə è njiə ndûə ə Zhə̀fè əshi, kèpî endom vɛ ghɨə kɔʼsə nə eshyə̀ engaŋtə kwəynəghe tè njiə ndûə epàm mə̂ àpàŋ ə sendzɨske, njiə ndûə eluʼ eŋwaʼa ngaŋtə kwəynəve.

1 Pità 5:9

Ghàyn tyəm ə ghàyn ə tɛ ə ghàyn ekyî epomə̂zè kə ghàyn tàʼa pomə̂ eghɛ zɛ ə è pìə kûmə̀ nə ghàyn nyîə ke nə ghɔnyì ghaynghe ghɨə pomə fe kəpî èkyì ə ngəʼ nə zɨ̂yn mbi èkɨ̂m.