Kòlosè 2:3 - Ŋwàʼlè ə̀ Fèzhə̀ Mkâyn Mə̂ Fèm

³ Ə̀ nyi Klâys ə è kàʼa è nəyn ə ghàyn fɛte kê ə̀ghɛ ə Fezhə̀ghè. Ghɛ nə ghɛ mə nyîə ngəs kyi m̀kɔʼnè.

Kòlosè 2:3 ပူးပေါင်းရင်းမြစ်များ

Matyò 10:26

“Kə ghàyn fɨyn fayn əghɨ msɔ̀ŋghe kûmə̀ nə ghɛ zhize va ə ndətə̀ ə ze tə faŋə se fɨ ə ndayn. Nâʼà pîghè vɛ ə ndətè, ə tə kê.

Tom èchùŋ kè kə Lûk tè nyaʼ 11:49

Kûmə̀ nyi, zɛ ə tɔŋtə nə, ‹Tɔf eghaʼâ ə Fezhə̀zè› pi nə, ‹M nə̀ tomə sèfɨ̀aʼtè seghaʼâsè è ndùətomse sê ghənə, ə ghənə zhwite ghəmɔ̀ʼɔ, ə fo ngəʼ sê ghəmɔ̀ʼɔ.›

Ŋwàʼlè ə̀ Pɔ̂l sê ghɨə Lûmghè 11:33

Ghàyn fe kə Zhə̀fè kyi ghaʼze ə! Ghàyn fe kə è ke ghɛghe əkɨ̂m, kyi ètɔf eghaʼâzè ə. Wùə vîvè vayn kàʼa è ke kə Zhə̀fè nə̀ ghɛghe. Wùə vîvè vayn kàʼa è ke ndom vɛ ə Zhə̀fè nə̀ ghɛghe ətəyn.

1 Kɔlìŋ 1:24

Pîza sê ghɨ ghɛ ə Zhə̀fè tɔŋə, kɨ̀sə ə̀ nyi əghɨə Njûsə̀, kɨ̀sə ə̀ va əghɨ ə Njûsə̀, ghənə ke nə Zhə̀fè tyə̀nə̀ àtyaʼ ə vəynke è tɔf eghaʼâ ə vəynze tɔynə̂ ə Klâys.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

Ɛfesùs 1:8

Fe tɔ̀ʼnə̀ ndò è ghâsènì endom kayntəve.

Kòlosè 1:19

E nyi nyî kûmə̀ nə Zhə̀fè ə tə kɔ̀ŋ Vəyn ə ndə̀mə̀ Vəyn nə È və nyi èghɨ kə̂ Vəyn nâʼàpi ə ghe.

Kòlosè 1:28

Ə̀ za nyi eghɛ zɛ ə ghàs ndàʼà tom ə̀ Klâys sê nâʼàpî ndè. Ghàs fo etəftê, zaʼlə̂ ghənə è tɔf eghaʼâzè ekɨ̂m zɛ ə Zhə̀fè nyi mə fə fo se ghàs. Ghàs nə̀ nyiəmə kûmə̀ nə ghàs kyiŋə nə ghənə ə nyi chichi ə Zhə̀fè əshi kə ghɨ ghɛ ə fɨəyn ə ghənə̂zè nyi mə zə kàynè tɛ ə fètə̂ èpomə̂.

Kòlosè 1:9

Ghɛ nə zɨ̂nə̀ ə tə nə̀yn, ghàs e tsə̂mə̀ sê ghàyn se zhə̀tè etuʼ vɛ ghàs tè zɨ ghɛ ətəynghe. Ghàs tsə̀mə̀ nə Zhə̀fè nəyn ə ghàyn fɛte kê eghɛ zɛ ə fe kyiŋə nə ghàyn nəyn. Ghàs tsə̀mə̀ nə Zhə̀fè fo ghàyn ètɔfze, è kɨsè tɔf eghaʼâzè kə ghàyn fɛte kê ə̀ghɛ ə Sezuʼə achûŋ.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

Kòlosè 3:3

Ghàyn e ke nə kə Klâys kwu, ə̀ nyì kəpiə ghàyn ə kwu kepî ghâynghə̀ vəyn.

2 Pità 1:5

Kûmə̀ èghɛ nə zɨnə mə, ghàyn mɔmse nâʼà è tyaʼa sə̂ nə̂ ə̀ghɛ echûŋə̀ se kwəynsə ə ghàyn ekyî epomə̂zè. Ghàyn e nə̂ chùŋ nə zɨ̂yn kə ghɨ ghɛ ə ghe kyi tɔfze.

Etyə̂yn ə paynsêzè 2:17

Ə̀ kyi pîndè tùŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè. Ə̂ nò zhi pîndè pi, ə m fo fɨazhiə e ndətə vîve se vəyn, e tɔŋtə̂ nə manà, ə m fɨyn fo èchi fɨfə zhîze se vəyn mə ə nyàʼ zə e fe zhîze ətəyn, wùə vîvè e ke va, ə̀ tsɛ̂ kə va wùə vɛ ə m fo chi ətəyn se vəyn.›”