Kòlosè 2:23 - Ŋwàʼlè ə̀ Fèzhə̀ Mkâyn Mə̂ Fèm

²³ Lwɔ̂ŋ nə vɨnə mə tyə̂nə̀ kəpi nə ve nyiə kyi ètɔf eghaʼâzè nyiə nyi əfètə̂ ə̀təyn kûmə̀ nə ve zaʼlə̂ ə̀ghɨ nə, ghɨghe è ngɨŋə̂ ghənə kyi sə̂ kyi ə̀təm sə nə̂ ə̀ghɛ ə tɛghe, se tyə̀yn nə ghənə nyîə ndɨŋə chûmtə̀ Fèzhə̀. Lwɔ̂ŋ ətəynve zaʼlə̂ ə̀ghɨ nə ə ghənə njî ngɨŋ sə ghənə̂sè əchi, ə ghənə ndəm ngɨŋ sə ghənə̂sè əfètə̂ ngəʼ ètsɨ̀ə. Pîza əghɨghe tè chùmtə pîə èlwɔ̂ŋ ətəynve kə ghe, lwɔ̂ŋ ətəynve tè va se tsàmtə ghənə se nə̀yn nə kə ghənə ə kyi èkwaʼtè epize.

Kòlosè 2:23 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

Ɛfesùs 5:29

Wùə pâʼà tyəmə pânə̀ ngɨŋ ə̀ vəyn. È nə̂ è fɛtə zhiə fɨnə tɔ̂ʼnə̀ è wiynə vəyn kè eghɨ kə Klâys tɔ̀ʼnə̀ è ndɛ ə̀ Fèzhə̀.

Kòlosè 2:18

Kə ghàyn za nə wùə ə pîə sê ghàyn nə ghàyn kyi sə̂ njiə sèngɨŋ saynse əchi. Kə ghàyn za kepî nə wùə tsayn se ghàyn nə ghàyn kyi sə̂ ngɨmnə̂ sètsì kə è ngɨmnə. Ə ghàyn nə̀yn zamə ə njise mâʼtè vayn vɛ ə Zhə̀fè pì nə è nə̀ fo sê ghàyn. Nâʼàpî ndè vɛ ə è zaʼlə zamə, è pìə nə zhi fe ətelaynəlayn. Kyì ə wûə nə vɛ mə ghaŋsə̂ èwiyn səndô, è ghɛ ə pi ghɛ ə ghe fɨə ə vəyn ətəm, mə è kyi va ghɛ zhîze se pì.

Kòlosè 2:22

Lwɔ̂ŋ nə vɨ̀nə èkɨ̂m wàmnə̀ kûmə̀ kə èfɨa, ve nyi se pə̀yn sə efɨa sə ndô shîŋə̀ kɛ ə nyi mə ə nə̀yn fɨ̂aʼzè ətəyn. Lwɔ̂ŋ nə vɛ mə è zaʼlêtè nyi əghɛ mə ə̀ fɛte əghɨ è ghoghe.

Kòlosè 2:8

Ghàyn e tɔ̂ʼnə̀ se fe nə kə wùə tə lesə̂ ghàyn se zaʼlə ghàyn è ghɛ ə akaŋghe. Ghɛ zɛ ə ghənə zaʼlə ghàyn ətəyn nyi ezaʼlê mə ze ndo pə̂yn sê pɨ̀a ə pɨa ə ghənə̂ghè, mə ze chûmtə̀ èlwɔ̂ŋ ə ghɛ mbighe. Zaʼlê nə zɛ nyi zɛ ə ze ndô pə̂ se ghɨ msɔ̀ŋghe, ə̀ vachi se Klâys.

1 Timotì 4:3

Ghɨ nə ghɨ̂yn zaʼlə̂ ə̀ghɨ nə kə ghənə ə malə̂, fɨnə pìə nə ghənə pamə tèkyì te fɨazhiə tîte. Pîza mə Zhə̀fè fɛte efɨa ezhiə nə vɨ̂yn nə ghɨ ə pomə ghɛ ə nyi mə ə kê səmɔʼ ə zhiə mə ə fo zɔ̀ŋnèkè sê Zhə̀fè.

1 Timotì 4:8

Se zaʼlê ewiyn vɛve, e tsɔ̂fə̀ ndò endom vîve, pîza se kê eghɛ ə Fezhə̀zè tsɔ̀fə̀ kə ndom tekɨ̂m kûmə̀ nə zɨnə mə tsâmtə̀ ndò wùə ezhoghɛ è pa ndamə, è kɨsè ashìŋə̀ kɛ ə è nyi mə è və kwu.