Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kòlosè 2:18 - Ŋwàʼlè ə̀ Fèzhə̀ Mkâyn Mə̂ Fèm

18 Kə ghàyn za nə wùə ə pîə sê ghàyn nə ghàyn kyi sə̂ njiə sèngɨŋ saynse əchi. Kə ghàyn za kepî nə wùə tsayn se ghàyn nə ghàyn kyi sə̂ ngɨmnə̂ sètsì kə è ngɨmnə. Ə ghàyn nə̀yn zamə ə njise mâʼtè vayn vɛ ə Zhə̀fè pì nə è nə̀ fo sê ghàyn. Nâʼàpî ndè vɛ ə è zaʼlə zamə, è pìə nə zhi fe ətelaynəlayn. Kyì ə wûə nə vɛ mə ghaŋsə̂ èwiyn səndô, è ghɛ ə pi ghɛ ə ghe fɨə ə vəyn ətəm, mə è kyi va ghɛ zhîze se pì.

အခန်းကိုကြည့်ပါ။ ကော်ပီ




Kòlosè 2:18
42 ပူးပေါင်းရင်းမြစ်များ  

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.


Ghənə ə zàmaʼà səmɔʼ kûmə̀ Fèzhə̀, pɨlə chumtə̀ èkwaŋ. Ghənə ə zàmaʼà sə̂ ngɨmnə̂ Fèzhə̀ fɛ ə Fe pom fɨave ekɨ̂m, ə pɨlə faŋə kɔʼsə̂ èfɨa vɛ ə È pom. Ə̀ nyi Fezhə̀ ə ghənə ə kyi sə̂ tsîtə̀ sə teshìŋə̀ tèkɨ̂m. Ə ze ə nyi ke zamə.


Kûmə̀ nə ghɨ ghɛ ə ghənə nə̂ kyì əghɛ nə ghɨ̂yn fɨaʼà chîəva sê Pɛ̂pɛ ə̀ ghâsènì Klâys, pîza ghənə nə̂ kə ə̀ghɛ ghɛ ə ghe tsɔ̂fə̀ sê ghənə. Ghənə njîə èwâmnè echùŋè, è wâmnè efɔməze se lɛsə əghɨ ghɛ ə tɔʼ keva ghɛze.


Kɔ̂ŋè nyi ewəynsê ewìynze è təm əchûŋghè; ə̀ vachi sə̂ naynə̂ àfɨa kɔ̂ŋə̀ nə ə̀ fe nyì sə̂ kyi gho, pî se pfɨ̀yn angàŋtè, pî sə kyi èghaŋsê ewìynze.


Ghàyn pa ndamə kə kə̂ ghɨ mbiə. Ghə̀ʼkè nyîə nyi ə ghàyn əfètəyn, ghàyn e zɔ̂ə sèngɨŋ saynse, zɨnə mə e tyə̂nə̀ nə ghàyn nyi əghɨ ə mbighe, ndamə kə kə mbi kyiŋə.


Ghɨ mɔ̀ʼɔghe ə ghayn ə fètəyn ghaŋsə̂ èwiyn, kəpiə m tə fɨnə pə̂ fe va ghàyn.


M wàmnə̀ əghɛ nə ghɨnə̀ ə ghɔnyì ghɨmə kûmə̀ ngɨŋ zə̀m ghasè Àpolòs kə̂ ze tsamte ghàyn, kə ghàyn zaʼle se ghàs sə nə̂ kə èghɛ zɛ ə nyaʼ ə ŋwàʼlè ə̀ Fezhə̀. Famə endom kə wùə sê ghàyn tə ghaŋsê èwiyn nə wùə vîvè ə ghàs ə fètəyn tsɛ̂ ndò və mɔ̀ʼɔ.


M kyiŋə se pì eghɛ zôyn kûmə̀ efɨazhiə vɛ ə màʼtə̀ sə eshyə̀ sê fɨ̂aʼsèvè. Ghâsènì ke ndô nə, ‘Ghâsènì əkɨ̂m nyîə kyi ètɔf.’ Tɔfze e pə̂ kə è ghaŋsə̂ ewiyn pîza kɔ̂ŋzè e nə̂ nə ghɨghe ə ndəmə̂.


Pîə ghàyn ke ndô nə ə səynə̂ ènyɨŋ, ghɨghe e nyɨŋə, tsɨ̂ə kə nyi, pîza ə̂ nə̀ nyɨŋə zhiə kə wùə èmɔ̀ʼ, è ve kyîə èmâʼte ətəynve. E za tyə̂nə̀ nə ghàyn kyi se fɛtə nyɨŋ endom se zhi se kyî emaʼte ətəynve.


M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.


M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.


M pîə sê ghàyn ezə ə Pɛ̂pɛze fɨnə kwəynsə̂ nə kə ghàyn fɨyn ndam kə ghɨ etumə. Ghənə kyi ke tèkwâʼtè tə azùŋə zuŋte.


Kə wùə tə lesê ghàyn èwâmnè ezomze. Ə̀ nyi kûmə̀ ə̀ghɛ nə ghɨ̂nə̀ ə Zhə̀fè nyɔ̂ʼsə̀ tɔŋ sê ghɨ ghɛ ə ghe zɨə va vəyn.


M pa mɔ̂msə̀ kə se ndùə əshi se nduə fɨ elùʼ vɛ m ndûə, kə m kaʼa m kyi fɨa vɛ ə Zhə̀fè nyi mə Fə ndə̀m se mi ekwùtwəyn. È və tɔŋɔ̂ mi nə m ndu awulə tɔynə̂ ə Njisə̀s Klâys.


Lwɔ̂ŋ nə vɨnə mə tyə̂nə̀ kəpi nə ve nyiə kyi ètɔf eghaʼâzè nyiə nyi əfètə̂ ə̀təyn kûmə̀ nə ve zaʼlə̂ ə̀ghɨ nə, ghɨghe è ngɨŋə̂ ghənə kyi sə̂ kyi ə̀təm sə nə̂ ə̀ghɛ ə tɛghe, se tyə̀yn nə ghənə nyîə ndɨŋə chûmtə̀ Fèzhə̀. Lwɔ̂ŋ ətəynve zaʼlə̂ ə̀ghɨ nə ə ghənə njî ngɨŋ sə ghənə̂sè əchi, ə ghənə ndəm ngɨŋ sə ghənə̂sè əfètə̂ ngəʼ ètsɨ̀ə. Pîza əghɨghe tè chùmtə pîə èlwɔ̂ŋ ətəynve kə ghe, lwɔ̂ŋ ətəynve tè va se tsàmtə ghənə se nə̀yn nə kə ghənə ə kyi èkwaʼtè epize.


M tsâ se ghàyn nyî kə wùə ə va se lesê ə ghàyn è wâmnè efɔməze, ə ghàyn ə kwaʼtə̀ nə ghɛ zɛ ə è tsà sê ghàyn nyì achûŋ.


Ghàyn e tɔ̂ʼnə̀ se fe nə kə wùə tə lesə̂ ghàyn se zaʼlə ghàyn è ghɛ ə akaŋghe. Ghɛ zɛ ə ghənə zaʼlə ghàyn ətəyn nyi ezaʼlê mə ze ndo pə̂yn sê pɨ̀a ə pɨa ə ghənə̂ghè, mə ze chûmtə̀ èlwɔ̂ŋ ə ghɛ mbighe. Zaʼlê nə zɛ nyi zɛ ə ze ndô pə̂ se ghɨ msɔ̀ŋghe, ə̀ vachi se Klâys.


Ghənə kyiŋə sə̂ nyi setyə̀ynsè sə alàŋ ə Fèzhə̀kè, pîza ndəʼ ke va nâʼà əghɛ ghɛ ə ghənə pîə, è ghɛ ə ghənə zaʼlə, wâmnə̀ kâyntə̀ ə̀ghɛ kûmə̀ ə̀ghɛ nə ghɨ̂yn pîə nə ghe nyi səmɔʼ.


Zuʼse Ŋwaʼase tyə̂nə̀ paynsə̂ nə, ə̀ tə nə̂ ə nyi ə mtuʼ me kwùŋsə̂m, ə ghɨ mɔ̀ʼɔ kwiynse ə tàʼa fɨnə pomə̂ ezaʼlê zɛ ə ze nyi səmɔʼ kûmə̀ Klâys Njisə̀s, ghənə tə pɨlə zɨə se zuʼsə akaŋse, ə ghənə ə nə̂ ə̀ghɛ ghɛ ə pamə̂ tə satàyntè fo.


Ghənə kyiŋə kə fèzhəmə̂ nə fe payn ə ghənə nyiŋə è zhwi ə̀ wùə, chɨ̀ŋ ə̀ ghənə̂ se nə̀yn ə pi pɔ tsɛ̂ va. Ghənə lə̂ŋtə̀, ghɨ ghɛ ə pɔ ə ghənə epomə̂ ə pfɨ̂ə njiə atam. Wùə vîvè vayn kàʼa è tsɛ ghənə è shiə fɨəghe. Ndi ə̀ Fèzhə̀ nyi ə ghənə ə tu!


M nyâʼà ə̀ghɛ ghɨ̀nə se ghàyn kûmə̀ ə̀ghɨ ghɛ ə ghe mɔ̂msə̀ se lesə̂ ghàyn.


Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.


Tɔynə̂ ə sechwìə sekayntə sɛ ə tè za nə è zə nə̂ ə nyàm èpamə ə̀shi zɛ əshi, è zə lesə̂ ə̀ghɨ ə̀kɨ̂m ghɛ ə tè ndamə əchi. Nyàm èpamə ə̀təyn ə tsà se ghənə nə ghənə fɛte fɨ̂aʼsèkè sə̂ kɔʼsə̂ nyàm èpamə ə̀shi zɛ ətəyn ə tè ndəmse è fɛ̂ eghɔ̀ŋze pîza è pa ndamə zâ.


Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.


Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”


Ə̀ faŋ ke fèndîŋə̀ kə m pəyn. Fɛte ndə̀m fɨa kɛ ə ò kyi, kə wùə tə kyi fi èmâʼtè ve vɛ ò nò zhi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ