Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kòlosè 2:16 - Ŋwàʼlè ə̀ Fèzhə̀ Mkâyn Mə̂ Fèm

16 Nyiəmə, kə ghàyn pomə nə ghɨ tsayn sê ghàyn nə ghàyn ə nə̀yn tsas kûmə̀ nə ghàyn zhi afɨa kyîke kɨ̀sə se mɨ mlɨ̂ mîmè, pi kûmə̀ nə ghàyn səʼ epɨyn zhîze, pi nə ghàyn səʼ epɨyn zɛ ə səʼə echo njɔŋ, pi èpɨyn etuʼ endaʼze.

အခန်းကိုကြည့်ပါ။ ကော်ပီ




Kòlosè 2:16
42 ပူးပေါင်းရင်းမြစ်များ  

Ə̀ va chi àfɨa kɛ ə wùə zhiə ə ke nə̂ nə è və zo va ə Zhə̀fè əshi, pîza ə̀ pɨl nyi èghɛ zɛ ə ze fɨə ə wùə echo ə ze nə̂ nə è və zo va.”


“E nyi nyî kûmə̀ nə ə fɨake nji ə vəyn ewìyn, ə ke tàʼa ndù ə vəyn ətəm, ə ke nji ə tàʼa ndùə ə vəyn endwɔ̀ ə ke kɛse tsɛ fɨ ke ndò.” (Njisə̀s tè wàmne nyi se tyə̀yn nə nâʼà èfɨa zhiəve kɨ̂m nə̂ zo kwənə̂ se zhi.)


Ə ghâsènì pɨl nyaʼ ŋwàʼlè ə tsayn sê ghənə nə kə ghənə zhi fɨazhiə vîve mə ve zo kwəynə̂ va kûmə̀ nə ə fo vəynve sê zhə̀mè, ə ghənə ə nyɨŋə̀ va è zəynghe kɨ̀sə ə ndômnè, ə kwɨlə va nyàm zhîzè mə ə paʼà se mîzè, pî se zhi mndəm.


Ghàyn ghɛ ə ghàyn zhiə kə mbàszè, kûmə̀ ghè ə ghàyn tsɛsə̀ saʼze əghɨ mɔ̀ʼɔghe ə tuə? Ghàyn ghɛ ə ghàyn zhiə nâʼàpî ghè, kûmə̀ ghè ə ghàyn chìynə̀ ghɨə mɔ̀ʼɔghe ə? Nâʼà ghâsènì əkɨ̂m tə tyəmə̂ ə Zhə̀fè əshi, ə fe saʼ ghâsènì.


Ghàyn nyîə ndə̂mə̀ nə tuʼ mə̂ mɔ̀ʼɔ̂m, è njɔŋ sə mɔ̀ʼɔse, è ngàm sə mɔ̀ʼɔse kèpi è pìŋ shîse nyîə kyi m̀kɔʼnè tsɛ̂ shise.


E nyi zôyn kəpi ghàyn ə kwu paʼse ghâynghə̀ Klâys. Nyiəmə lwɔ̂ŋ ə mbive fɨyn kyi va tyaʼke ə ghàyn ətu. Ə̀ nəyn ghe nə ghàyn ə pa chûmtə̀ èlwɔ̂ŋ nə vɛ mə kəpiə mbi fɨyn kyi ndò tyaʼke ə ghàyn ətuə?


Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.


Fɨa nə vɨnə ə tsâ nyî, kyi ke èghɛ se nə̀yn èfɨa e zhiəve è kɨsè lɨ̀m, è lwɔ̂ŋ əmɔ̀ʼɔve sə̂ shûə ə̀gho, ə̀ vɨnə nyì ke elwɔ̂ŋ ə senjyà sə ewìynse, nyi se mì ashìŋə̀ kɛ Zhə̀fè kɛse fɛte fɨave sə fe.


Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ