Kòlosè 1:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghɛ nə zɨ̂nə̀ ə tə nə̀yn, ghàs e tsə̂mə̀ sê ghàyn se zhə̀tè etuʼ vɛ ghàs tè zɨ ghɛ ətəynghe. Ghàs tsə̀mə̀ nə Zhə̀fè nəyn ə ghàyn fɛte kê eghɛ zɛ ə fe kyiŋə nə ghàyn nəyn. Ghàs tsə̀mə̀ nə Zhə̀fè fo ghàyn ètɔfze, è kɨsè tɔf eghaʼâzè kə ghàyn fɛte kê ə̀ghɛ ə Sezuʼə achûŋ.

Kòlosè 1:9 ပူးပေါင်းရင်းမြစ်များ

Njɔyn 7:17

Ə̂ nyì pîndè èpɨaʼtêzè se nə̀yn eghɛ zɛ ə Zhə̀fè kyiŋə, ə è və ke nə ghɛ zɛ M zaʼlə ndo se Zhə̀fè mə sè Mìə, mə M wamnə̀ sə Mì atyaʼa?

Ətefɨ̂aʼ 12:5

Ə ndə̀mə̀ Pità ə ndɛ̂ chaʼ, ghɨə poməghe ə faŋa epàm tsə̂mə̀ sê Zhə̀fè ètəmghe əkɨ̂m.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

1 Kɔlìŋ 1:5

Kûmə̀ nə ghàyn nyì sə afɨa àmɔ̀ʼ e Klâys, ghàyn ə kyi fɨa echûŋvè ekɨ̂m, fɛtê ke se ndàʼa tom ə̀ Fezhə̀, fɨyn kyi ètɔf èkɨ̂m.

Ɛfesùs 1:8

Fe tɔ̀ʼnə̀ ndò è ghâsènì endom kayntəve.

Ɛfesùs 5:10

Ghàyn mɔmse zaʼlê sə̂ ke fɨnə nə̂ ə̀ghɛ ghɛ ə Zhə̀fè kɔ̂ŋɔ̀.

Ɛfesùs 5:17

Ghàyn mɔmse sə̂ ke eghɛ zɛ ə Pɛ̂pɛ kyiŋə nə ghàyn ə nə̂. Kə ghàyn nə ndamə kə engô.

Ɛfesùs 6:6

Ghàyn e zɨə sê ghənə kə ghɨ fɨaʼa Klâysə̀ kè nâʼà səmɔʼ, kè eghɨ kə Zhə̀fè kyiŋə. Kə ghàyn nə zɨə sê ghənə kè ashìŋə̀ kɛ ə ndə̂m shiə ə ghàyn ewìyn kûmə̀ nə ghàyn kyiŋə nə ə ke nə ghàyn fɨ̂aʼà àchûŋ.

Filìpây 1:4

m piə tsə̂mə̀ nə Zhə̀fè tsamte ghàyn nâʼà ə̀kɨ̂m pî ashìŋə̀ àkè, m tsə̂mə̀ è èsaŋnêzè.

Kòlosè 1:6

Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

Kòlosè 4:12

Ghàyn fi tɔŋtêzè mə ze ndo sê Èpafalàs mə ə̀ nyì kepî wùə mɔʼɔ̂ ə ghàyn anɔ̀yn, ə̀ nyi wùə èfɨ̀aʼa sê Klâys. È nyiə zâŋsə̀ tsə̂mə̀ se ghàyn shîŋə̀ tekɨ̂m, tsə̂m ə vəynze sê Zhə̀fè e nyi nə ghàyn ə tyəm ə ghàyn epomə̂ kə ghɨ ghɛ ə nyi mə ə ndəmə̂, e ke nə ghənə lote nyi ə̀ ghɨ epoməghe, kè endom se ngɨmnê se Zhə̀fè ə Fəynfe ekɔ̀ŋ.

Kòlosè 4:5

Ghàyn e tɔfə endom vɛ ə ghàyn ndamə ətəyn ghâynghə̀ ghɨ ghɛ ə̀ va əghɨ epoməghe, nə̂ èfɨaʼ echûŋzè nâʼàpî ətəfè zhəmə̂ fèkè fɛ ə ghàyn kyi.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

1 Tèsàlonikà 5:17

tsə̂mə̀ sê Zhə̀fè shîŋə̀ tekɨ̂m,

2 Tèsàlonikà 1:11

Ə̀ za nyi eghɛ zɛ ə ghàs tsə̂mə̀ sê ghàyn shîŋə̀ tekɨ̂m nə Zhə̀fè ə ghasènìfe nəyn ə ghàyn ə ndamə èndam zɛ ə ze kwəynə mə za nyi zɛ ə fe tɔŋɔ ghàyn nə ghàyn ə ndamə. Ghàs tsə̂mə̀ nə fe fo tyaʼa ə ghàyn ə nə̂ ə̀ghɛ əchûŋ ghɛ ə ghàyn kɔ̂ŋɔ̀ sə̂ nə̂, ə fɨyn nəyn mɨ̂sè ə̀ghɛ ghɛ ə kyî epomə̂ zaynze ə Njisə̀s tyə̀nə̀ nə ghàyn ə nə̂.

Filemùyn 1:4

Filemùyn soyn vɨ̂m, m piə m tsə̂mə̀ nâʼàpî ashìŋə̀ àkè mə tɔŋtə̂ ezə zɛze, fo àzɔ̀ŋnè sê Zhə̀ fɛ ə m kɔʼsə.

Filemùyn 1:6

M tsə̂mə̀ nə ndom vɛ ə ghàyn nyì ghâsènì sə afɨa àmɔ̀ʼ ə ndəmə̂, tɔynə̂ endom vɛ ə ghàyn kê ghɛ ə chûŋ ghɛ ə Zhə̀fè nyi mə fə nə̀yn sê ghâsènì. M kyiŋə nə ghɛ nə ghɨnə kyayn kə ghɨghə fo èpomsê sê Klâys.

Ipilù 10:36

Ghàyn e wəynsə̂ kə ndò kə ghàyn nəyn ghɛ zɛ ə Zhə̀fè kyiŋə nə ghàyn nəyn, endom nə vɨnə mə ə ghàyn kyi fɨa kɛ ə è tè tsɨ̀ne nə è tə fo sê ghàyn.

Ipilù 13:21

m tsə̂mə̀ nə Zhə̀fè fo nâʼàpî àfɨa echûŋ àke kɛ ə ghàyn nə̀ njîə se nə̀yn eghɛ zɛ ə è kɔ̀ŋə̀ ətəyn, m tsə̀mə̀ nə tɔynə̂ ə Njisə̀s Klâys, è nə̀ nə̂ tɔynə̂ ə ghâsènì ghɛ zɛ ə ze tsɔ̂fə̀ sê vəyn. Ə pomsêzè ə nyi sê Njisə̀s Klâys sə teshìŋə̀ tèkɨ̂m. Ə ze ə nyi ke zamə.

Njə̂m 1:5

Pîza, ə wùə se ghàyn làʼà tɔf eghaʼâzè, e və tsə̀mə̀ sê Zhə̀fè, ə Fe fo zəynze sê vəyn kûmə̀ nə Zhə̀fè fo sê nâʼàpî ndè èsaŋnêzè, e vayn zɔ̀ ə ghô ashìŋə̀ kɛ ə ò pfɨf sê vəyn.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

1 Pità 2:15

Ghɛ zɛ ə Zhə̀fè kyiŋə nyi nə ghàyn ə nə̂ ə̀ghɛ əchûŋghè endom nə vɨ̂yn kə ndam zaynze nəyn kə cho ə ngô əghɨ̀ ghɛ ə tsɨ̂nə̀ wâmnə̀ kə ndô ghɛ zɛ ə ghənə keva kɨm mɔŋ.

1 Pità 4:2

Famə endom, ə ghàyn tə tàʼa ndamə mɨ̀sè endam zaynze fâ əchi endom vɛ ə njà sewìynse kyiŋə, ə ghàyn ə pɨlə ndamə kè kə̂ Zhə̀fè kyiŋə.

1 Njɔyn 2:17

Mbi tsɛ̂ ndò, paʼsə̂ è fɨa vɛ ə ghɨə nyɨŋə epàm ətəyn, pîza wùə vɛ ə è nə̂ kə kə̂ Zhə̀fè kyiŋə, tə nə̂ ə è və nyi yî Zhə̀fè shîŋə̀ tekɨ̂m.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.