Kòlosè 1:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.

Kòlosè 1:6 ပူးပေါင်းရင်းမြစ်များ

Matyò 24:14

Ə tom èchùŋ zɨ̀nə̀ kûmə̀ èfɔ̂yn ə Fezhə̀vè waŋ ke luʼ tekɨ̂m ə mbi kə ghɨghe ə tendaʼ tèkɨ̂m ə ke səmɔʼ. Ə̀ nyì fumə ashìŋə̀ kə kwùŋseke tə pə̂.”

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Ŋwàʼlè ə̀ Mâk 16:15

È və pìə sê ghənə nə, “Ghàyn ndu luʼ tekɨ̂m ə mbi ə ghàyn ndaʼa tom èchùŋ sê ghɨghe əkɨ̂m.

Ŋwàʼlè ə̀ Mâk 4:8

Shi yîghe ə tàyntə̀ kə nâʼà ə mchi mê chùŋə̀m. Ngwàʼ ə̀təyn ə fòlə̀ ə ndəmə̂ ə pɔŋɔ. Puʼtə mɔ̀ʼɔte e fɨə kyi ə̀shi m̀ghɨm mta, tə mɔ̀ʼɔte kyi ə̀shi m̀ghɨm tufə, tə mɔ̀ʼɔte kyi ə̀shi ewuʼə.”

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 17:19

Kûmə̀ ghənə, Mə fo ngɨŋ zɨm sê Ghò kə ghənə pɔŋ fo sèngɨŋ sə ghənə̂sè sê Ghò səmɔʼ.

Njɔyn 4:23

Pîza shîŋə̀kè pə̂ ndò, mə kə kâynè pəyn, mə ghɨ ghɛ ə ngɨmnə Zhə̀fè səmɔʼ tə ngɨmnə̂ Fèzhə̀ ə Sezuʼ è kɨsè səmɔʼ. Ə̀ ghɨnə nyi əghɨ ghɛ ə Pɨ̀a kyiŋə nə ə ngɨmnə̂ zhi səmɔʼ.

Ətefɨ̂aʼ 11:18

Ə pə̀ kə ghɨ Njûsə̀ zɨte ghɛ zɛ ə Pità pì, ghənə tàʼa fɨnə piə pofsê eghɛ kûmə̀ vəyn, ə zhə̀tə̀ tsîtə̀ Fèzhə̀, “Ghənə tè piə nə, ghâsènì ə fe nə Zhə̀fè ə pɔŋ fo kèpi ndom sê ghɨ ghɛ ə̀ vachi ə̀ghɨ ə Njûsghè nə ghənə kwiyne ə za ghɛ epiə ghənə ə kɛse pəyn se Zhə̀fè, ə kyi ndam zɛ ə ze tə mîə va.”

Ətefɨ̂aʼ 12:24

Pîza ghɛ Fezhə̀zè ə ndəmə̂ ə waŋə ndûə kə èshike.

Ətefɨ̂aʼ 16:14

Ə̀ tè nyi əfètəyn ə̀ zəyn nə ghɛ, vîvè e nyi ətəyn, zə vəynze e nyi Lindyà mə è fɨ endaʼ ə Tyàtilàzè. È tè pəʼlə tekɔyn tə sendzɨste, se pâŋə̀, tɛ èkɛve. È tè ndamə ngɨmnə̂ kə Fèzhə̀. Pɛ̂pɛ ə chwìə èkwâʼtè ə vəyn nə è ndəm tuke eghɛ zɛ ə Pɔ̂l tè wàmnə̀ ə è pomə zəynze.

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ŋwàʼlè ə̀ Pɔ̂l sê ghɨə Lûmghè 1:13

Ghɔnyì ghɨmghe kɔ̀ŋghè, mə pɨaʼte nâʼà sə teshìŋə̀ tetsɨəte se pə mòtè ə ghàyn, kyiŋə nə ghàyn ke nə ə̀ nyi eghɛ zɛ m tè kwàʼtə se nə̀yn. Pîza zhəmke e panə va kə m pəyn fe ghàyn kûmə̀ ə̀ghɛ ghɛ ə ghe tâsə̀ mi, pi se kɔʼɔ zaʼâ fa ashìŋə̀. M kyiŋə se pə mòtè ə ghàyn kə fɨ̂aʼ ə ghàyn ə fètəyn, efɨ̂aʼ zɛ ə ze nə̀ muə twɔmve, eghɨ kə m tè fɨ̂aʼ əghɨ ghɛ ə̀ va əghɨ ə Njûsghè ə fètəyn.

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

Ŋwàʼlè ə̀ Pɔ̂l sê ghɨə Lûmghè 15:28

Shîŋə̀ kɛ m mɨsè fɨ̂aʼ nə kɨ̂ynə̀ ə Njèlusalɛ̀m, ə fo èkɛ ə ghənə̂ vɛ ə tsɨte sê ghənə, m ndo fɨ se ndù endaʼ ə Sɨ̀pênzè. Ə̀ nyì fumə ashìŋə̀ ə m tə tyəmə se fe ghàyn.

Ŋwàʼlè ə̀ Pɔ̂l sê ghɨə Lûmghè 16:26

Pîza, zôyn kə səmɔʼ nyi mə è zə fɨ pəyn ə ndayn tɔynə̂ əghɛ ghɛ ə fɨ̀aʼtèsè tè nyaʼ ə ŋwàʼlè ə Fèzhə̀. È tè nəyn nyiəmə kə ghɨə ndaʼà tekɨ̂m tə zɨ se vəyn. Zɨnə mə kyayn kə Zhə̀fè tè pi nə ze tə kyanə̀. Ə̀ nyi vəyn vɛ ə è nyì sə teshîŋə̀ tèkɨ̂m.

2 Kolìŋ 10:14

Ghàs pâʼà pfɨ̀yn ngàŋtèkè kûmə̀ àfɨaʼ mə ghàs paʼà nə̀yn kəynke, ze fə kàʼa ə zə nyi zamə ezhoghɛ ə ghàs fə nyi mə ə paʼà pə̀yn se ghàyn, pîza ə nyi ghàs ghɛ ə ghàs tè tsafte pəyn se ghàyn è tom èchùŋ kûmə̀ Klâys.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ɛfesùs 3:2

M ke nə ghàyn ə zɨ nə Zhə̀fè tɔynə̂ ə vəyn afùʼ ə fo fɨ̂aʼ nə zɨ̂nə̀ nə mə nə̂ sê ghàyn.

Ɛfesùs 4:21

E nyi ke nâʼà səmɔʼ nə ghàyn ə tè zɨ ghɛ kûmə̀ vəyn, e fɨnə zaʼlə ghàyn è ghɛ ghɛ ə ghe nyi səmɔʼ kûmə̀ Njisə̀s.

Ɛfesùs 4:23

Ə tè zaʼle nə ghàyn maʼa ndamə emɨ nə zɛ ə pɨlə kwâʼtə̀ èndom efeve.

Ɛfesùs 5:9

M pìə nyi kûmə̀ nə ə payn nyi pî ghayn, ə ghɛ chûŋghè ə fɨə fu, ghɨghe ndamə tèndam tə chichite fɨnə nə̂ kə èghɛ zɛ ə ze nyi səmɔʼ.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Filìpây 4:17

M pîə va nyi kûmə̀ nə m kyiŋə nə ghàyn tom mâʼte vîve sê mi. M pɨlə kyiŋə se fe kə Zhə̀fè pɔsə ghàyn fɨnə pɔsə̂ kwəynsə̂.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

1 Tèsàlonikà 1:5

kûmə̀ nə ghàs tè zaʼlə va tom èchùŋ sê ghàyn kè etùə ècho, ghàs ə tə ndàʼà kepî è tyaʼa, è Zuʼse Ŋwaʼase, è pomə̂ etɛze nə ze nyi səmɔʼ. Ghàyn ke ndô kə ghàs tè ndamə ə ghàyn ə fètəyn. Ndam nə zɨ̂nə̀ tè nyi se tsàmtə ghàyn.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

2 Tèsàlonikà 2:13

Ghɔnyìə, ghàs kyi ndô sə fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn. Pɛ̂pɛ ə kɔ̀ŋ ghàyn, ghàyn e nyi anɔ̂yn ə ghɨ̀ kɛ ə fe tè chɔʼ ə zhə̀te se sɔzà tɔynə̂ efɨ̀aʼ zɛ ə Zuʼse Ŋwaʼase nə̂, è kɨsè tɔynə̂ ə ghàyn ekyî epomə̂zè eghɛ zɛ ə ze nyi səmɔʼ kə è nəyn ghàyn ə ghàyn ə nyi ə̀ ghɨə vəyn ghe ŋwaʼaghe.

1 Pità 5:12

Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.