Kòlosè 1:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.

Kòlosè 1:5 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:33

Ghàyn pəʼle fɨa vaynve ə ghàyn fo kɛ ətəyn sê ghɨ afɨfə. Ghàyn fɛte shəyn saynse kə sə vayn kàʼa ə se pof kə ndəm ghaʼ zɛ ə wùə vâyn kàʼa è zhi mɨ̂sè ətəyn, ə ndəm ekwùtwəyn sê ghàyn, elùʼ vɛ ə wùchɔŋɔ vâyn kàʼa è tayn ətəyn se nji, mə shɔshɔʼve vâyn kàʼa ə ve tayn fu se kwɨlə pofse.

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 13:26

Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

Ətefɨ̂aʼ 23:6

Ə̀ tè nyi kə Pɔ̂l fe nə ghɨ yîghe fa anɔ̀yn nyi əghɨ ə Sandùsîə, yîghe nyi ə̀ghɨ Falàsîə, è və pɨa pîə nâʼà sə ŋaŋ nə, “Ghɔnyì ghɨmə, m nyi wùə ə̀ Falàsî, mə pɨ̀a ghɨmə tè nyi ə ghɨə Falàsîə. Ə saʼa mi fayn kûmə̀ nə m pomə̂ nə Zhə̀fè tə nə̂, ə ghɨ kwutəghe zomə.”

Ətefɨ̂aʼ 24:15

M kyi kepî èkwaʼtè èghɨ sê Zhə̀fè kə ghɨ ghɨ̀nə kyi, te nyi nə, ghɨ ghəkɨ̂m kɨ̀sə ghe chûŋə̀ kɨ̀sə ghe pighe tə kɛsə̂ zômə̀.

Ŋwàʼlè ə̀ Pɔ̂l sê ghɨə Lûmghè 10:8

Ghɛ zɛ ə ŋwàʼlè ə Fèzhə̀ pìə nyi nə, “Ghɛ ə Fezhə̀zè nyì paʼse ke nyîə sê ghò. Nduə kə èshike sə̂ ndâʼà zəynze, e kayne nyi ndò ə ghò əfètə̂ təm.” Tom nə zɛmə nyi tom zɛ ə ghàs ndàʼà nə ghàyn kyi sə̂ kyî èpomə̂.

1 Kɔlìŋ 13:13

Nyiəmə, ə̀ nyi əghɛ ghɨ̀nə̀ ə̀ ta ə ghâsènì kyi sə̂ kyi, epomə̂, è ghɛ ghɛ ə ghâsènì kwàʼtə̀ se kyi, è kɔŋè; pîza ghɛ eghaʼâzè famə əghɛ ə̀kɨ̂m nyi ekɔ̂ŋ.

1 Kɔlìŋ 15:19

Ghâsènì e sè nyi mə və fo ngɨŋsə ghasènìse sê Klâys nə È tsamte ghâsènì, è nyi se tsàmtè kûmə̀ kə èndam zɛ ghâsènì ndamə ə mbi zôyn, ə zə kwəynə̂ kə ə nə kosə̂ èsəyn sê ghâsènì tsɛ̂ kə ə kosə nâʼàpî se ndè və mɔʼɔ ə mbi.

2 Kolìŋ 5:19

Ghɛ zɛ ə ghàs pìə nyi nə Zhə̀fè tè kɛse njî pəyn ə̀ghɨ ə̀kɨ̂m se ngɨŋ ə vəyn tɔynə̂ ə Klâys. È lɛ̀se fo sèpi sə ghɨ̀sè ə fɨnə fo tom sê ghàs, nə ə ndàʼà èndom vɛ ə ghɨə kaʼa kɛse pəyn sê vəyn ətəyn.

2 Kolìŋ 6:7

Zhə̀fè ə fo tyaʼa sê ghàs, ghàs e ndàʼà kə èghɛ zɛ ə ze nyi səmɔʼ sê ghɨghe. Fɨa eghɔ̀ŋ vɛ ə ghàs nô è vəyn fɨnə kɨ̂ŋtə̀ sèngɨŋ sasse ətəyn nyi tendom tə chichite.

Ngàleshyà 2:14

Ə pə̀ kə m fe nə ghənə nə̂ ə̀ghɛ, ghe va chichi kə səmɔʼ zɛ ə tom èchùŋ zaʼlə, mə wàmnə̀ sê Pità kə ghɨghe əshi ə̀kɨ̂m ə pìə nə, “Ò kwì zayn sə̂ nyi wùə Njû, ndamə kə wùə vɛ ə vachi wùə ə Njûs ə. Ò kàʼa o kâynə̀ zàyn nə ghɨ ghɛ ə̀ vachi ə̀ghɨ ə Njûsə̀ nə ghənə ə ndamə kə ghɨə Njûsghə?”

Ngàleshyà 2:5

Ghàs tè pâʼà pomə̂ ghɛ ghənə nə zɛ nâʼà səkɔs kûmə̀ nə ghàs tè kyiŋə nə səmɔʼ zɛ ə è nyi ə tom èchùŋ faŋ sê ghàyn.

Ngàleshyà 5:5

Zuʼsə Fezhə̀sè tɔynə̂ ekyî epomə̂zè nyîə nə̂ nə ghàs ə kyi ke èkwaʼtè se tə nə̀yn sə nyi chichi ə Zhə̀fè əshi.

Ɛfesùs 1:13

Zhə̀fè ə fi kepî ghàyn ghɨ Ɛfesùsghè ə sɔ̀zâ ghàyn tɔynə̂ ə Klâys kə ghàyn zɨ tom è chùŋ zɛ ə è nyi səmɔʼ ə pomə. Ə̀ tè nyi kə ghàyn pomə, Fə chwìə ghàyn è Zuʼse Ŋwaʼa sɛ ə Fe tè tsɨ̀ne,

Ɛfesùs 4:21

E nyi ke nâʼà səmɔʼ nə ghàyn ə tè zɨ ghɛ kûmə̀ vəyn, e fɨnə zaʼlə ghàyn è ghɛ ghɛ ə ghe nyi səmɔʼ kûmə̀ Njisə̀s.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

1 Timotì 1:15

Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Taytùs 1:2

Səmɔʼ nə zɨ̂yn nə̀ nə ghənə ə ke səmɔʼ nə ghənə nyîə kyi èndam mə ze tə mîə va, mə nyi endam zɛ ə Zhə̀ fɛ ə fe wamə va tè tsɨ̀ne sê ghənə tsɔ̀fə kə pom mbi.

Ipilù 7:19

Lâŋ ə Mosîskè tè kyi va tyaʼa se nə̀yn nə fɨa kyîke ə kwəynə mɨ̂sə̀. Pîza Zhə̀fè ə tsɨ̀nè ghâsènì è fɨa kɛ ə ghâsènì kwàʼtə̀ lɨmtə, mə ke tsɛ̂ ndò lâŋkè, ə̀ nyi afɨa ətəynke ə ke tyə̀nə̀ ndom nə ghâsènì ə kɨŋtə̂ paʼsə̂ ndùə sê Zhə̀fè.

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

1 Pità 3:15

Ghàyn e pɨlə ngɨmnə̂ Klâys kə Pɛ̂pɛ ə ghàyn ətəm. Ghàyn e tsɨs shîŋə̀ tekɨ̂m, pfɨ̂tə̀ se fɨ̀ysə nâʼàpî ndè ezhoghɛ è pfɨf ghɛze kûmə̀ èkwaʼtè elɨmtə zɛ ə ghàyn kyi ə ghàyn ətəm. Ghàyn e nə̂ nyi è pɔynə̂, è kɨsè ngɨmnêzè.

2 Pità 1:12

Kûmə̀ nyi, m nə zâŋsə̀ pɨ̂əytə̀ kə ndò ghɛ nə ghɨ̂yn sê ghàyn nâʼàpî kə ghàyn ke ghəynghe, tyəm tɛ ə səmɔʼ zɛ ə tè zaʼle ghàyn ətəyn.

1 Njɔyn 3:3

Ə ghɨghe əkɨ̂m ghɛ ə ghe ndə̂mə̀ təmə ghənə̂ghè se vəyn, ndəm ngɨŋ sə ghənə̂sè è ŋwâʼe kèpî kə è nyi è ŋwaʼze.