Kòlosè 1:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghàs nyîə fo àzɔ̀ŋnè sê Zhə̀fè shîŋə̀ tekɨ̂m, ə Pɨ̀a se Pɛ̂pɛ ghâsènì Njisə̀s Klâys, ezhoghɛ ə ghàs tsə̀mə̀ sê ghàyn.

Kòlosè 1:3 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 15:6

Zɨnə tə kyânə̀ kə ghàyn əkɨ̂m tsɨynte choze emɔ̀ʼ se tsìtə Fezhə̀, ə Pɨ̀a ə̀ Pɛ̂pɛ ə̀ ghâsènì Njisə̀s Klâys.

1 Kɔlìŋ 1:4

M fo àzɔ̀ŋnè sê Zhə̀ fɨmfe shîŋə̀ tekɨ̂m kûmə̀ ghàyn, kûmə̀ àfùʼ kɛ ə è fo sê ghàyn tɔynə̂ ə Klâys Njisə̀s.

2 Kolìŋ 1:3

Ə ghâsènì fo zɔ̀ŋnèkè sê Zhə̀fè ə Pɨ̀a Pɛ̂pɛ ə̀ ghâsènì Njisə̀s Klâys, ə Pɨ̀a è kosə nə èsəyn, ə Fezhə̀ fɛ ə tsâmtè tekɨ̂m fɨə pə̀ sê Vəyn.

Ɛfesùs 1:15

Ə̀ za nyi əghɛ ghɛ ə ghe nə̂ m fo àzɔ̀ŋnè sê Zhə̀fè, kwâʼtə̀ ghàyn ə mì etsə̀m shîŋə̀ tekɨ̂m sə fighɛ m zɨ kyî epomə̂ zɛ ə ghàyn kyi sê Pɛ̂pɛ ə̀ ghâsènì Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀.

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

Filìpây 4:6

Kə ghàyn fɨyn kayn mbi kûmə̀ èghɛ. Ghàyn e pɨlə tsə̂mə̀ kə ndò, ndɔnə nâʼàpî ghè sê Zhə̀fè kə ghàyn kyiŋə. Ə ghàyn tsə̀mə̀, ghàyn e fo àzɔ̀ŋnè sê Vəyn.

Kòlosè 1:13

È və fɨsê ghâsènì etyə̂ àtyaʼ ə alɨma, ə pə̀yn è ghâsènì əfètəyn efɔ̀yn ə Vâ vəyn vɛ ə è kɔ̀ŋə̀.

Kòlosè 1:9

Ghɛ nə zɨ̂nə̀ ə tə nə̀yn, ghàs e tsə̂mə̀ sê ghàyn se zhə̀tè etuʼ vɛ ghàs tè zɨ ghɛ ətəynghe. Ghàs tsə̀mə̀ nə Zhə̀fè nəyn ə ghàyn fɛte kê eghɛ zɛ ə fe kyiŋə nə ghàyn nəyn. Ghàs tsə̀mə̀ nə Zhə̀fè fo ghàyn ètɔfze, è kɨsè tɔf eghaʼâzè kə ghàyn fɛte kê ə̀ghɛ ə Sezuʼə achûŋ.

1 Tèsàlonikà 1:2

Ghàs fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn əkɨ̂m. Ghàs tsə̀mə̀ sê ghàyn shîŋə̀ tekɨ̂m ezhoghɛ ə ghàs tsə̀mə̀.

2 Timotì 1:3

M fo àzɔ̀ŋnè sê Zhə̀ fɛ ə m fɨaʼà sê fəynfe mə təm ghɨmə saʼa va mi kèpî endom vɛ ə pɨ̀a ghɨmə tè fɨ̀aʼa. M fo àzɔ̀ŋnè se Vəyn kə m pɨ̂əytə̀ ghò ə mì etsə̀m shîŋə̀ tekɨ̂m, èchwì è kɨsè etuʼve.