Kòlosè 1:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

Kòlosè 1:24 ပူးပေါင်းရင်းမြစ်များ

Ŋwàʼlè ə̀ Mâk 10:39

Ghənə ə pomə. Njisə̀s ə pìə sê ghənə nə, “Səmɔʼ ghàyn nə̀ fe ngəʼ zɛ ə m nyi se fe ə ghàyn fɨyn kwu.

Ətefɨ̂aʼ 5:41

Ghɨətom ə Njisə̀sghè ə ndò elùʼ nə vɛ, saŋnə kə nyi kûmə̀ nə Zhə̀fè ə fe nə ghənə ə kwəyn se kyîə eghomə̂ kûmə̀ ezə Njisə̀szè.

Ŋwàʼlè ə̀ Pɔ̂l sê ghɨə Lûmghè 5:3

Ghâsènì fɨnə saŋnə̂ kûmə̀ ètsôs vɛ ə zɨə, ke nə kwâʼtèzè pə̀ ndò ekol ətəmze.

Ŋwàʼlè ə̀ Pɔ̂l sê ghɨə Lûmghè 8:17

Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.

1 Kɔlìŋ 12:27

Nâʼà ghàyn əkɨ̂m nyi ewiyn ə Klaysvè, mə nâʼàpî ndè nyi apâs ewìyn ətəynke.

2 Kolìŋ 12:15

M nə̀ nə̂ m mə saŋnə̂ se pofsê nâʼàpî akè kɛ m kyi se paʼsê è ngɨŋ zɨ̂mzè kè endom se tsàmtè ə ghàyn. Kûmə̀ ghè m kɔ̂ŋɔ̀ tsɛ̂sə̀ ghàyn nyi, ghàyn e kɔ̂ŋɔ̀ kə mi se chə ə?

2 Kolìŋ 6:10

Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.

2 Kolìŋ 7:4

M fɛte ke ndò ghàyn, pfɨnə̀ àngàŋtè nâʼà sə ŋaŋ kûmə̀ ghàyn, ə ghàs ə tetsòs tèkɨ̂m, m pa kyi kendò təmə ghaʼâghè, nyi mə mə lwiyn èsaŋnêzè.

Ɛfesùs 1:23

Ndɛ ə̀ Fèzhə̀ nə zɨ̂nə̀ nyi ewiyn ə Klaysvè, fiə àtyaʼ akɨ̂m kè sê vəyn, ə̀ nə̂ vəyn nə nâʼàpî ghè ə nyi, nâʼàpî ghayn.

Ɛfesùs 3:1

Ə̀ nyi ke kûmə̀ ètsɨ̂yntè ə ghâsènì nə zɨ̂nə̀ ə m tsə̂mə̀ sê Zhə̀fè kûmə̀ ghàyn. M nyi wùə ə ndɛ̂ chaʼ kûmə̀ èfɨ̀aʼ zɛ ə Klâys Njisə̀s fo sê mi nə mə ndàʼà tom èchùŋ sê ghàyn ghɨ etumə.

Ɛfesùs 3:13

Ə̀ za nyi eghɛ zɛ ə m pìə sê ghàyn nə kə ghàyn pɔ kûmə̀ ètsôs vɛ ə ghàyn zɨə nə m fe ndò kûmə̀ nə m ndaʼà tom èchùŋ sê ghàyn ghɨ ghɛ ə̀ vachi ə̀ghɨ ə Njûsghè. Ghàyn kyi sə̂ ke nə ghɛ ətəynze ndùə kə sə ghàyn ə chùŋ.

Filìpây 3:10

M kɔ̂ŋə̀ se kê ə Klâys, kyiŋə se kyî atyaʼ kɛ ə è tè kyi kə è tè zòmə. M kyiŋə sə̂ pa zɨə kə ngəʼ eghɨ kə è tè zɨə. M kɔ̂ŋə̀ se kyiə kəpì etsôs vɛ ə è tè kyi, se zaʼâ kə ə zhwi kepî mi kə tè zhwi Vəyn.

Kòlosè 1:18

È nyi atu sê ghɨə pomə nâʼà ə̀kɨ̂m, ghe nyi kə ewiyn ə vəynve. Ə̀ fo vəyn ndamze sê ghɨə vəynghe, kûmə̀ nə ə̀ nyi vəyn wùə əshi vɛ ə Zhə̀fè tè zòmse, mə è tə nə̂ ə è və nyi sə teshìŋə̀ tèkɨ̂m. Zɨnə mə tè kyayn kə fɨave ekɨ̂m ə nyi ə vəyn etyə̂ àtyaʼ.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

Njə̂m 1:2

Ghɔnyì ghɨm ghe poməghe, ghàyn e saŋnə̂ nâʼà sə ŋaŋ, ezhoghɛ ə kyì tə temɔ̀mtè pə̀yn ə ghàyn endom,