Kòlosè 1:23 - Ŋwàʼlè ə̀ Fèzhə̀ Mkâyn Mə̂ Fèm

²³ Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Kòlosè 1:23 ပူးပေါင်းရင်းမြစ်များ

Ŋwàʼlè ə̀ Mâk 16:15

È və pìə sê ghənə nə, “Ghàyn ndu luʼ tekɨ̂m ə mbi ə ghàyn ndaʼa tom èchùŋ sê ghɨghe əkɨ̂m.

Tom èchùŋ kè kə Lûk tè nyaʼ 22:32

pîza mə tsə̀m se ghò nə kə̂ pomə zɛze nə pfɨ mɨ̂sè. O kɛse pəyn se mi o nəyn kə təmə ghɔnɛ ghə tɛ.”

Tom èchùŋ kè kə Lûk tè nyaʼ 6:48

È nyi kə wùə vɛ è tè piə è pɛ ndɛ vəyn ə fɛtə̂ tɨmə àchi ətəynke nâʼà àchuŋ ə ndə̀mə̀ àchiə ndɛ təynke è chîə, kwuŋke ə tə pə̀ ə chiynə ndɛ ətəyn, e zə tàʼa nə̀ʼlè kûmə̀ nə è tè nyi mə ə fɛte pɛ.

Njɔyn 15:6

Ghɨ ghɛ ə tàʼa faŋə kə Mì ewìyn, ə nə nji tsɨsè ghənə kə ngɔ̂nə̀ fèkàʼ. Ə ngɔyn ə̀təyn ə nyi tsɛ ke mə è zə zom. Ə komtə̂ ekyì ə sengɔyn nə sɨ̂nə̀ mə ə màʼà ndzɨsə̂ ewùs, elùʼ vɛ ə se nə pɛ.

Ətefɨ̂aʼ 1:17

Njondàs vâ nyi wùə ə ghâsènì anɔ̀yn. Njisə̀s tè chɔʼ vəyn nə è və nə̂ èfɨaʼ zɨ̀yn kèpî kə È tè chɔʼ ghâsènì.”

Ətefɨ̂aʼ 1:25

nə è nji luʼə wùətom vɛve Njondàs kə è tè za ə ndùə elùʼ vɛ ə è kyi sə̂ nyi ətəyn.”

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ətefɨ̂aʼ 2:5

Ə̀ tè nyi əshɨŋ nə zɛ̂, ghɨ Njûsə̀ ghɛ ə ghe tè kɔʼsə Zhə̀fè e nyi ə Njèlusalɛ̀m mə ghənə fɨ pə̂yn ə tendaʼ, te tsɨ̀ə kə nyi ə mbi.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 26:16

Pîza, ndwi tyəm è gholə. M fɨ ə ghò ekyàʼ se chɔʼɔ ghô sə wûə èfɨ̀aʼa vɨ̂mè. Ò nə̀ tsâ sê ghɨə mɔ̀ʼɔghe ghɛ ghɛ ə ò fe sè Mi ndâyn è ghɛ ghɛ M tə tyə̂nə̀ sê ghò mtuʼ me pə̂m.

Ətefɨ̂aʼ 4:12

Ə̀ nyì ke Vəyn ènɨŋ ə È kàʼa ə È sɔza ə̀ghɨ, kûmə̀ nə Zhə̀fè pâʼà fɨyn fo wùə vîvè ə mbi kə è kàʼa ə è sɔza ghâsènì.”

Ŋwàʼlè ə̀ Pɔ̂l sê ghɨə Lûmghè 10:18

Pîza pfɨf zɨmze nyi nə, ze nyi ndô səmɔʼ nə ghənə tè pâʼà zɨ tomə̀ təyn ə? Ghənə tə fɛtê zɨ zə̂ynzè àchûŋ. Ə nyàʼ ə ŋwàʼlè ə̀ Fèzhə̀ nə, “Ə tə zɨ kyə̀ ghɨ̀ nə ghɛ ə ghe tè ndàʼa tom èchùŋ pôlə̀ tə mbi tekɨ̂m. Wâmnè ə ghənə̂zè ə tə ndù fɨ pôlə̀ tə mbi tekɨ̂m.”

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 5:5

Ə ghâsènì kyi kwâʼtèzè, ə ghâsènì tə tàʼa fɨ è gho zomghe kûmə̀ nə Zhə̀fè ə tyə̀yn se ghâsènì kə Fe tɔ̂ʼɔ̀ kɔŋə̀ ghâsènì, kə È nə̀yn kɔ̂ŋ ə Vəyn zɛ ze nji ə ghâsènì əfètə̂ təm. È nəyn zɨnə mə kə È fo Zuʼse Ŋwaʼa vəynse sê ghâsènì.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

1 Kɔlìŋ 3:5

Nâʼà pîza, Àpolòs nyi nde, Pɔ̂l e nyi ndè? Pîə ghàs nyì ke ə̀ghɨ ə fɨaʼa ə Fèzhə̀ kə fe fo se tsàmtè ə ghàyn nə ghàyn pomə zə, nâʼàpî ndè e nə̂ kə èfɨaʼ zɛ ə Pɛ̂pɛ fo nə è və nə̂ ə?

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

2 Kolìŋ 11:23

Ghənə pìə nə ghənə nyi əghɨ fɨaʼa sê Klâys. M pɔŋɔ fɨ̂aʼà kəpî sê Klâys, nə̂ èfɨ̂aʼ ətəyn tsɛ̂ ghənə. M wàmnə̀ kə nâʼà kə m zhya ndò. Mə fɨ̂aʼ tsɛ̂ ghənə. Ə fà mi əchaʼ kə teshìŋə̀ teshìŋə̀ tsɛ̂ kə fâ ghənə. Ə nyi mi vɛ ə nyi mə ə pus sə teshìŋə̀ tetsɨəte tsɛ kə nyi mə ə pus ghàyn, ə fɨnə shwîe kyîŋə̀ èkwu shîŋə̀ tetsɨəte tsɛ̂ ghàyn.

2 Kolìŋ 3:6

Ə̀ nyi Vəyn kə è nə̀yn nə ghàs ə kɔʼɔ kwəynə̂ sə ndaʼà kûmə̀ m̀kâyn me fɛ̂m, ə paʼà nyàʼ chi kàyn me fɛ nə mɨ̂nə̀ mə ə ŋwàʼlè kə ə nyâʼə̀ lâŋkè, pîza ə̀ nyi Sezuʼ. Lâŋ kɛ ə nyi mə ə nyaʼ ndô nyîə zhwiə, pîza Zuʼse fo èndam.

2 Kolìŋ 4:1

Zhə̀fè ə Vəyn ekosê esəynze ə fo fɨ̂aʼ zɨ̀yn nə ghâsènì nəyn, kûmə̀ zɨnə mə, ghâsènì kyi ndô təm ə təynghe se nə̀yn efɨaʼ ətəynze.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ngàleshyà 4:11

M fânə̀ nə fɨ̂aʼ zɨm zɛ ə m tè nə̀yn ə ghàyn əfètəyn ə njìsè ke səndô!

Ngàleshyà 5:5

Zuʼsə Fezhə̀sè tɔynə̂ ekyî epomə̂zè nyîə nə̂ nə ghàs ə kyi ke èkwaʼtè se tə nə̀yn sə nyi chichi ə Zhə̀fè əshi.

Ngàleshyà 5:7

Ghàyn tè kwiə kə nâʼà endom echûŋ. M ke va nə ə̀ tè fɨyn tâsè ghè ghàyn nə kə ghàyn kyi faŋsê èghɛ zɛ ə ze nyi səmɔʼ ə?

Ngàleshyà 6:9

Kə ghâsènì nə pɔ se nə chùŋ, kûmə̀ nə ghâsènì tàʼa pɔ, ə shîŋə̀kè tə kwəyn, ə ghâsènì kwi, mə nyi emaʼtè ə ghasènìve.

Ɛfesùs 1:18

M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,

Ɛfesùs 2:21

Ə̀ nyi vəyn vɛ ə è kokyi ndɛ nə zɨ̂yn, è ze kɔʼɔ se fɨ sə ndɛ ètsə̀mə ə̀ Pɛ̂pɛ.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Ɛfesùs 4:16

È nə̂ pɨ̂as ewìyn vekɨ̂m e nyi ke afɨa àmɔ̀ʼ, nâʼàpî azhûŋ àkè ewìyn e tsâmtə̀ se kyiə ewiyn ekɨ̂m. Naʼapi apâs àkè e piə ke fɨaʼà ndò, ke fɨ̂aʼà kə ke kyi sə̂ fɨ̂aʼà, wiynve ekɨ̂m e ndəmə̂ fɨnə fɛtə tɛ kûmə̀ nə pɨ̂as ətəyn nyîə kɔ̂ŋɔ̀ sèngɨŋ.

Kòlosè 1:25

Ə̀ nəyn Fezhə̀ nə mə nyi wùə èfɨaʼa sê ghɨ ghɛ ə ghe pomə se Klâys. È və tom mi nə m tɔʼ ndaʼà tom nə zɨnə mə se ghàyn achûŋ.

Kòlosè 2:7

Pomə̂ zɛ ə ghàyn pomə ghɛ zɛ ə tyə̀ynsè sɨ̂nə̀ zaʼle ghàyn nyì səmɔʼ. Ghàyn e fo àzɔ̀ŋnè se Zhə̀fè shîŋə̀ tèkɨ̂m əghɛ ə̀kɨ̂m.

1 Tèsàlonikà 3:3

kə ndɔ̀ʼɔ tsôs tɨ̂nə̀ ə ghàyn nyi ətəyn nəyn ə ghàyn ə fɨnə pomə̂ va sê Klâys. Nâʼà ghàyn nyiə ke nə ə̀ nyi endə̂m ə Fezhə̀zè nə ghɨ nə fo ngəʼ nə zɨ̂yn sê ghâsènì.

1 Tèsàlonikà 3:5

Ə̀ za nyi eghɛ zɛ ə ze tè nəyn mə tiynsə̂ Timotì. M tè tiynse nə è pəyn fe nə ghàyn ghe tɔ̀ʼɔ̀ samsə̂ Klâys, è kûmə̀ nə m tè vayn kàʼa m fɨyn kol ə̀təm sə̂ ndamə, ke va nə ə̀ kyàynə̀ ghè sê ghàyn ə. M tè fànə kə nə ndə̂plè kàʼa è zə nyi mə è zə mɔ̀m ghàyn, ə nə̀ nə fɨ̂aʼ etsɨə kɛ ə ghàs tè nəyn ə ghàyn əfètəyn ə njìse səndô.

1 Tèsàlonikà 5:8

Pîza, ghâsènì nyi əghɨ ə zo chwîghè. E za tyə̀nə̀ nə ghâsènì kyî se fɛtə̂ kyiə sengɨŋ sə ghasènìse. Kyî epomə̂ ə ghasènìze sê Zhə̀fè è kɔ̂ŋ ə ghasènìzè kyi se kɨ̀ŋtè ə ghâsènì kə akɨ̀ŋtè angàŋtèkè. Kwâʼtè elɨmtə ə ghasènìze nə ə nə̀ sɔza ghâsènì kyi se kɨ̀ŋtə ghâsènì kə afɔ eghɔ̀ŋke.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

1 Timotì 1:12

M fo àzɔ̀ŋnè sê Pɛ̂pɛ ə ghâsènì Klâys Njisə̀s kə È fo tyaʼa nə mə nə̂ èfɨ̂aʼ nə zɨ̂nə̀, ə fɨnə fe mi kə wùə vɛ ə è kwənə, ə chɔʼɔ mi nə m nəyn fɨ̂aʼ ə vəynze,

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Taytùs 3:7

Kûmə̀ àfùʼ Zhə̀fè ə tə nə̀yn nə ghâsènì ə nyi chichi, è kɨsè nə ghâsènì ke səmɔʼ nə ə tə kyîə èndam zɛ ə ze tə mîə va.

Ipilù 10:38

Ghɨ ghɨm ghɛ ə ghe ndamə chichi tə faŋa ə ghənə ə ndamə kûmə̀ èpomə ə ghənə̂zè sê mi. Pîza mə ə wùə sê ghənə kɛsê ə mi epàm m mə saŋnə̂ va ghasè ghənə.”

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.

Ipilù 6:19

Kwaʼtè elɨmtə nə zɨnə̀ ə ghâsènì kyi nə̂ nə ndam ə ghasènìze ə tyəm luʼve emɔ̀ʼ, nəʼlə̀ va, kèpi endom vɛ ə ankɔ̀ kyiə ngwùʼ eghaʼâ əfètə̂ enjwì ə fengwaŋve. Wùə vɛ ə ghâsènì lɨmtə vəyn e təm ə ghasènìghe əkɨ̂m nə è tsamte ghâsènì nyi Njisə̀s, vɛ ə è njiə ndûə ə Zhə̀fè əshi, kèpî endom vɛ ghɨə kɔʼsə nə eshyə̀ engaŋtə kwəynəghe tè njiə ndûə epàm mə̂ àpàŋ ə sendzɨske, njiə ndûə eluʼ eŋwaʼa ngaŋtə kwəynəve.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

1 Pità 1:5

Ghaʼ nə zɨnə nyì sê ghàyn ghɛ ə Zhə̀fè tɔ̀ʼnə̀ è tyaʼ ə vəynke tɔynə̂ ekyî epomə̂ zɛ ə ghàyn kyi, ghàyn e nyi se tə kyi esɔ̂za zɛ ə fe pɨaʼte se fo sê ghàyn ə fetuʼ fe kwuŋsəfe.

1 Njɔyn 2:27

Pîza, ghàyn nyi mə ə kyî Zuʼse Ŋwaʼase, se ndamə ə ghàyn ə fètəyn, kûmə̀ zɨnə mə, ghàyn fɨnə kyiŋə va nə wùə zaʼle ghàyn èghɛ zɛ ə ze nyi səmɔʼ. Kûmə̀ nə Zuʼse zaʼlə̂ ghàyn è nâʼàpî ghè vɛ ə ghàyn nyì se kê, mə ghɛ zɛ ə Zuʼse zaʼlə nyi səmɔʼ, ə̀ vachi àkaŋ. Zamə, ghàyn faŋ ke sə afɨa àmɔ̀ʼ ghâyn ghə̀ Klâys kə ə Zuʼse zaʼlə.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.