Kòlosè 1:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Zhə̀fè ə lɛ̀sè fo pisə ghasènìse kûmə̀ nə Va ə vəyn ə zhɔyn tuə ghasènìke è ndə̂m mɛ ə è tè sɨ̀s awâmnè.

Kòlosè 1:14 ပူးပေါင်းရင်းမြစ်များ

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Tom èchùŋ kè kə Lûk tè nyaʼ 5:20

Ə̂ pə̀ kə̂ è fe pomə̂ zɛ ə ghənə tè kyi, è və piə sê kèngɛchi nə kɛ nə, “Mə lɛ̀sè fo pi sɛse ə pə!”

Ətefɨ̂aʼ 10:43

Ə̀ nyi kûmə̀ Vəyn ə fɨ̀aʼtè sekɨ̂m tè wàmnə̀ pîə nə, ə̂ pomə pi ndè sê Vəyn, ə Zhə̀fè lɛ̀sè fo əghɛ ə piə vəynghe. Zɨnə mə tə kyanə̀ atyaʼ kɛ ə ke nyi ə Vəyn ezə.”

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Ɛfesùs 4:32

Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

Kòlosè 2:13

Ə̀ tè nyì sə shi, ghàyn e nyi kəpiə ghàyn kwu ndô kûmə̀ èlwɔ̂ŋ ə Fezhə̀ vɛ ə ghàyn tè kyim. Ə̀ tè nyì fumə ashìŋə̀ ndɔ̀ʼɔ Klâys nyiəm nji tsɨsè tsɨnè èpi ə ghàyn ewìyn. Pîza Zhə̀fè ə fo ghàyn èndam efeze zôyn kə è zòmsè ghâsènì, ghasènìghə̀ Klâys. È və lɛ̀sè fo pi sə ghâsènì sekɨ̂m.

Kòlosè 3:13

Ghàyn e kyi ə̀təm ə kolə sê ngɨŋ saynse, lɛ̂sə̀ fo nâʼàpî ndè vɛ ə è nyi mə è və nə̀yn pofsê se ghò. Ghàyn e lɛ̂sə̀ fo sèngɨŋ saynse kè eghɨ kə Pɛ̂pɛ nyi mə è və lɛ̂sè fo ghàyn.

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 9:12

Klâys tè paʼà njì ndəm mə nyàm nyiə kə pfɨ kɨ̀sə nyàm ə̀ mbɔ̀lɔ se nji è mənə̀m Elùʼ eŋwaʼ engaŋtə kwəynəve. È tè pɨl nji ke mndəm mə Və̂ynmè ə nji fu, shîŋə̀ze èmɔ̀ʼ, ə zhɔnə àtuə ghasènìke kè eshîŋə̀.

Ipilù 9:22

Ə̀ tè nyi etuʼ vɛ ə Lâŋà chisə ghɨ, ə̀ tè kwùʼ nyi ke m̀fɨa m̀shàʼ nyi ə tè shùə va è ndə̂mə̀, mə ə vayn kaʼa lɛse fo pi mə ə paʼà tsosê ndə̂mə̀m.

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

1 Njɔyn 1:9

Ə ghâsènì kyi komə̂ ewìynze kûmə̀ sèpi sə ghasènìse, ə Zhə̀fè lɛse fo sepi sə təynse, ə È shu zose ghâsènì nâʼàpî ə ghe vɛ e va chichi ə ghâsènì endam ə Vəyn əshi. È nə̀ nə̂ nyiəmə kûmə̀ nə È pìə pi nə ghɛ, È və nə̀ kə zamə.

1 Njɔyn 2:12

M nyâʼà ə̀ghɛ nə ghɨ̂yn sê ghàyn ə ghɔyn ghɨmə kûmə̀ nə Zhə̀fè ə lɛ̀sè fo pi saynse kûmə̀ èzə ə Njisə̀s Klâyszè.

1 Njɔyn 2:2

Ə̀ nyi vəyn vɛ ə tè fo sə efo kûmə̀ sèpi sɛ ə ghâsènì tè nəyn, È və kwuə se zhɔyn atu ə ghasènìke, ə̀ va ke ə ghâsènì ə tu, pîza sê ghɨghe ə kɨ̂m ə mbi.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Etyə̂yn ə paynsêzè 14:4

Ə̀ ghɨnə nyi ə ndômnè ghɛ ə ghe tè ndəm ngɨŋ sə ghənə̂sè sə̂ nyɨ̂ŋə̀ va è zəynghe, ə faŋə kə zamə è zə ghənə̂zè. Ə̀ nyi ghənə ə tè chùmtə Va Ndzè nâʼàpî ghayn kə è tè nduə. Zhə̀fè ə tə zhɔyn fɨsê tu ə ghənə̂vè ə fètə̂ ə̀ghɨ̀ msɔ̀ŋghe ə chi, ə fo ghənə kə m̀tam mə shîəm sê Zhə̀fè è Vâ Ndzè.

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.