Kòlosè 1:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ M tsə̂mə̀ nə Zhə̀fè fo tyaʼa kayntə ə Vəynke sê ghàyn kə ghàyn ə tɛ, kə ghàyn ə kolə ə̀təm, fɨnə kyîə ə̀təm, ghàyn e saŋnə̂ əghɛ ə̀kɨ̂m.

Kòlosè 1:11 ပူးပေါင်းရင်းမြစ်များ

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 5:41

Ghɨətom ə Njisə̀sghè ə ndò elùʼ nə vɛ, saŋnə kə nyi kûmə̀ nə Zhə̀fè ə fe nə ghənə ə kwəyn se kyîə eghomə̂ kûmə̀ ezə Njisə̀szè.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

2 Kolìŋ 4:7

Pîza ghàs ghɛ ə kyi fɨa m̀kɔʼnè ə sezuʼ nə zɨ̂nə̀ nyi ke kə sètɔ̀yn sə achaʼse endom kə sə tyə̀nə̀ nə tyaʼ aghaʼa kwəynəke kyi Fèzhə̀, ə̀ va chi ghàs.

Ɛfesùs 3:16

Zhə̀fè nyiə kyi èghaʼ nâʼà sə ŋaŋ. Ə̀ za nyi eghɛ zɛ m tsə̂mə̀ nə fe fo tyaʼa ə ghàyn ə təm tɔynə̂ ə və Sèzuʼ,

Ɛfesùs 4:2

Ghàyn nə ngɨmnə̂ sengɨŋ saynse, pɔynə̂ fɨnə wəynsə̂ èwiyn, lɛ̂sə̀ sètsas saynse kûmə̀ èkɔ̂ŋ.

Ɛfesùs 6:10

Se kwùŋsè, m pìə nə ghàyn zaʼne kə Zhə̀fè ewìyn, ə fe fo tyaʼa sê ghàyn kûmə̀ nə fe kyi ndô tyaʼa kayntəke.

Filìpây 4:13

M kaʼa m tsɛ tɔynê nâʼàpî mtsəfle m̀kè tɔynə̂ atyaʼ kɛ ə Klâys fo sê mi.

2 Pità 1:6

Famə ə ghàyn etɔf, famə ə ghàyn e kyîə sèngɨŋze, ghàyn e kyi kepî èwəynsê, wəynsə kə va ndô pîza fɨnə ndamə èndam zɛ ə ze nə̂ Zhə̀fè e saŋnə̂,

Njût 1:25

Ə pomsêzè ekɨ̂m ə nyi sê vəyn vɛ ə̀ nyì ke vəyn Zhə̀fè, ə vəyn vɛ ə è nyi sɔ̀zà ə̀ ghâsènì tɔynə̂ ə Njisə̀s Klâys Pɛ̂pɛ ə̀ ghâsènì. Zhə̀fè tè kyi epomsê, è ghaʼze, è tyaʼke. È tè saʼa è tyaʼ eghaʼâkè tsɔ̀fə kə ə se pomə mbi, è pa nyi ke zamə, nyi se faŋ sə̂ nyi ke zamə nâʼà kə ghè tə ghayn. Ə ze ə nyi ke zamə.

Etyə̂yn ə paynsêzè 14:12

Zɨnə mə tyə̂nə̀ nə ghɨə Fezhə̀ kyi sə̂ kyi ekol ətəmze, əghɨ ghɛ ə ndə̂mə̀ saʼ tə Fezhə̀tè, pomə sê Njisə̀s è təm ə ghənə̂ghè əkɨ̂m.