Kòlosè 1:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

Kòlosè 1:10 ပူးပေါင်းရင်းမြစ်များ

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 15:8

Ə nə̀ fe èpomsê ə Pɨ̀a vɨ̂mzè ə ghàyn mu twɔmve setsɨ̀. Ə zɨnə mə nəyn ə ghà ə nyi sèchùmtè èpàm sɨmse.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Ŋwàʼlè ə̀ Pɔ̂l sê ghɨə Lûmghè 1:13

Ghɔnyì ghɨmghe kɔ̀ŋghè, mə pɨaʼte nâʼà sə teshìŋə̀ tetsɨəte se pə mòtè ə ghàyn, kyiŋə nə ghàyn ke nə ə̀ nyi eghɛ zɛ m tè kwàʼtə se nə̀yn. Pîza zhəmke e panə va kə m pəyn fe ghàyn kûmə̀ ə̀ghɛ ghɛ ə ghe tâsə̀ mi, pi se kɔʼɔ zaʼâ fa ashìŋə̀. M kyiŋə se pə mòtè ə ghàyn kə fɨ̂aʼ ə ghàyn ə fètəyn, efɨ̂aʼ zɛ ə ze nə̀ muə twɔmve, eghɨ kə m tè fɨ̂aʼ əghɨ ghɛ ə̀ va əghɨ ə Njûsghè ə fètəyn.

Ŋwàʼlè ə̀ Pɔ̂l sê ghɨə Lûmghè 4:12

Zɨnə mə tè nyì kə è və nyi kepî pɨ̀a ə̀ghɨ̀ ghɛ ə nyi mə ə se nam ə ghənə̂ghè, mə ghənə ə pomə kepî Zhə̀fè eghɨ kə pɨ̀a ghâsènì tè pomə ndɔ̀ʼɔ nyiəm se ə̀nam ə vəynghe.

Ŋwàʼlè ə̀ Pɔ̂l sê ghɨə Lûmghè 6:4

Mô mɛ ə ghâsènì tè fi chwîtə̀ nə ghâsènì ə kwu, ə vɛ ə pfɨ̂mə̀ ghâsènì è Vəyn. Zɨnə mə tè kyayn se nə̀yn nə ghâsènì kyi ndam efeze. Zɨnə mə nyi kepî èghɨ kə pɨ̀a tè zòmse Klâys, è pɔmsê ə Vəynze endam efeze.

2 Kolìŋ 2:14

Pîza, zɔ̀ŋnèkè nyi sê Zhə̀fè kə è zàŋsə̀ kwìə ndùə è ghâsènì è tyale tɔynə̂ ə Klâys se tyə̀yn nə ghâsènì ə tɨm zhi, tɔynə̂ ə ghàs, tom ə̀təyn e waŋə ndûə kə luʼ tekɨ̂m, ghɨ ghe kê Vəyn.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

2 Kolìŋ 5:9

Ə̀ za nyi eghɛ zɛ ə ghâsènì mɔ̀msə̀ nâʼà sə ŋaŋ sə̂ nə̂ ə̀ghɛ ghɛ ghɛ ə ghe tsɔ̂fə̀ sê Pɛ̂pɛ, kɨ̀sə ghâsènì nyi ghâsènì ghə̀ Pɛ̂pɛ kɨ̀sə ghâsènì va ghasènyìə ghə vəyn.

2 Kolìŋ 9:8

Zhə̀fè nyîə kyi àtyaʼ se pɔsə̂ ghàyn è fɨave ve tsɨ̀ə tsɛ̂ vɛ ə ghàyn kyiŋə, kə shîŋə̀ tekɨ̂m, ə ghàyn ə kyi èfɨa èkɨ̂m vɛ ə ghàyn kyiŋə, fɨyn kyi kwəynê sə̂ nə̂ ə̀ghɛ ə chûŋ ghətəyn,

Ɛfesùs 1:17

M pîə m tsə̀mə̀ nâʼàpî ashìŋə̀ àkè, m chyatə̂ Fèzhə̀ Pɛ̂pɛ ə ghâsènì Njisə̀s Klâys, mə za nyi Pɨ̀a vɛ ə è kyi tyaʼa nə è fo Zuʼsə vəyn sɛ ə se fo tɔfe fɨnə tyə̂nə̀ paynsə̂ ə̀ghɛ kayntə ə vəynghe kə ghe nəyn ə ghàyn ə fɛte ke vəyn.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Ɛfesùs 4:1

M sè chyatə̂ ghàyn kûmə̀ èfɨ̀aʼ nə zɨ̂nə̀ ə Pɛ̂pɛ nə̂yn sê ghâsènì nə, ghàyn nə ndamə tèndam, te kwəynə̂ endom vɛ ə Zhə̀fè tè kyiŋə nə ghàyn ə ndamə ətəyn etuʼ vɛ fe tè tɔŋɔ fɨse ghàyn. Ghàyn ke nə m nyi nyî, nyi wùə ə ndɛ̂ chaʼ kûmə̀ efɨ̀aʼ zɛ m nə̂ sê Pɛ̂pɛ.

Ɛfesùs 4:13

se zaʼâ kə ghâsènì ə̀kɨ̂m tə tsɨ̂yntè ə nyi sə afɨa àmɔ̀ʼ ə ghâsènì ekyî epomə̂zè fɨyn nyi ke sə̂ afɨa àmɔ̀ʼ eghɛ zɛ ə ghâsènì ke kûmə̀ Va Fèzhə̀. Nyî ə ghâsènì ghəʼne kwəyn ə sè nyi kepî kə Klâys.

Ɛfesùs 5:10

Ghàyn mɔmse zaʼlê sə̂ ke fɨnə nə̂ ə̀ghɛ ghɛ ə Zhə̀fè kɔ̂ŋɔ̀.

Ɛfesùs 5:15

Ghàyn ə tɔ̂ʼnə̀ endom vɛ ə ghàyn ndamə ətəyn. Kə ghàyn nə ndamə kə engô, ghàyn e ndamə kə əghɨ ə tɔfəghe.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 4:18

M pîə sê ghàyn zôyn nə mə kotê nâʼà fɨave ekɨ̂m vɛ ə ghàyn tè tom, ə kyiə kwəynsə̂ pi və mɔ̀ʼɔve. Èpàfàlonditùs ə tə pə̀yn nâʼà pî è ghè vɛ ə ghàyn tè fo nə è pəyn fo sê mi. Fɨa nə vɨ̂yn nyi kə emaʼte, è foze kə fo sê Zhə̀fè, ve lɨ̂mtə̀ fɔmə kə nyî, mə Fə fi, ve tsɔ̀fə sê vəyn.

Kòlosè 2:19

Kyì ə wûə nə vɛ fɨnə pomə va se Klâys mə ə̀ nyi Klâys vɛ ə È nyi atu se ghɨ ghɛ ə pomə. Kè kə wiynve kɨm nyi etyə̀ àtyaʼ atuke, ə̀ nyì kepî zamə kə ghɨghe əkɨ̂m ghɛ ə pomə Klâys nyi ə vəyn etyə̂ àtyaʼ kə ghənə ə nyi kə wùə èmɔ̀ʼ. Kè kə ghaŋmè kokyiə zûŋtè ə wùə ewìyn kə è və nyi wùə èmɔ̀ʼ, ə̀ nyì kepî zamə kə Klâys tsɨ̀yntə̀ ghɨ ghɛ ə ghe pomə sê vəyn, kə ghe ə nyi wùə èmɔ̀ʼ ə vəyn tyə̀.

Kòlosè 2:6

Kə ghàyn nyi mə ghàyn ə tə pomə̂ Klâys Njisə̀s kə Pɛ̂pɛ vâyn, ghàyn e pa nə̂ kə ə̀ghɛ kə è kyiŋə.

Kòlosè 3:20

Ghɔynghe, ghàyn e zɨə ə̀ pɨ̀a ghaynghe è nyì ghaynghe kè əghɛ ə̀kɨ̂m ghɛ ə ghàyn nə̀, ə̀ nyi nyiəmə kə kyiŋə nə ghàyn ə nə̂.

Kòlosè 4:5

Ghàyn e tɔfə endom vɛ ə ghàyn ndamə ətəyn ghâynghə̀ ghɨ ghɛ ə̀ va əghɨ epoməghe, nə̂ èfɨaʼ echûŋzè nâʼàpî ətəfè zhəmə̂ fèkè fɛ ə ghàyn kyi.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

2 Timotì 2:4

Nâʼàpî sokə̀ʼ èkè vɛ ə è nə̀ fɨ̂aʼ ə vəynze, mɔ̂msə̀ sə̂ fɨ̂aʼà àchûŋ se nə̀yn nə wùtwɔ ə̀ vəyn ə saŋnə̂. È nə̀ va fɨ̂aʼtè mə ə̀ kyi sə̂ nə̂ ə̀ghɨ mə ə̀ va sesokə̀ʼ.

Taytùs 3:1

Ò pɨ̂əytə̀ ə̀ghɨ poməghe nə ghənə tsose ngɨŋsə ghənə̂sè əchi ə zɨə sê ngômnàyn, è ghɨə ngômnàynghe. Ghənə kyi va sə̂ tɛ è tuve, nyi è pɨaʼtêzè shîŋə̀ tekɨ̂m se nə̀yn eghɛ zɛ ə ze nyi achûŋ.

Taytùs 3:14

Ghɨ ə ghasènìghe kyi se zaʼlê sə̂ nə̂ ə̀ghɛ əchûŋə̀, mə ghənə tsâmtə̀ ə̀ghɨ fo èfɨa vɛ ə ghənə ndɨŋə lâʼà. Ə ghənə nə̂ nyî, ə ghənə kyi ndam zɛ ə ze muə twɔmve.

Ipilù 11:5

Ə̀ tè nyi kûmə̀ èkyî èpomə̂ ə Enɔ̀kzè, ə ze tè nəyn, Zhə̀fè ə njìə kɔʼɔ è vəyn ekwùtwəyn ndɔ̀ʼɔ è kwu. Wùə ə tàʼa fɨnə fe nə è ndù ghayn kûmə̀ nə Zhə̀fè tè se nyi mə fə njì kɔʼ è vəyn. Ŋwàʼlè ə Fèzhə̀ pi nə Zhə̀fè tè pi e njìə Enɔ̀k mə è və nə̀yn fe saŋnə̂.

Ipilù 13:16

Kə wùə nə lɛ̂sè sə̂ nə̂ eghɛ echuŋzè sê wùə kɨ̀sə sə̂ chyàtə̀ àfɨa kɛ ə è kyi se fo wùə ə̀ mɔʼɔ. Ghɛ nə ghɨnə nyi sê Zhə̀fè kə efo, ghe nə̂ nə fe ə saŋnə̂.

Ipilù 13:21

m tsə̂mə̀ nə Zhə̀fè fo nâʼàpî àfɨa echûŋ àke kɛ ə ghàyn nə̀ njîə se nə̀yn eghɛ zɛ ə è kɔ̀ŋə̀ ətəyn, m tsə̀mə̀ nə tɔynə̂ ə Njisə̀s Klâys, è nə̀ nə̂ tɔynə̂ ə ghâsènì ghɛ zɛ ə ze tsɔ̂fə̀ sê vəyn. Ə pomsêzè ə nyi sê Njisə̀s Klâys sə teshìŋə̀ tèkɨ̂m. Ə ze ə nyi ke zamə.

2 Pità 1:8

Ə ghàyn nə̀ ghɛ nə ghɨ̂yn, nə̂ ndûə kə eshike, ghɛ zɛ ə ghàyn nə̀ ke kûmə̀ Pɛ̂pɛ ə̀ ghâsènì Njisə̀s Klâys ndəmə, ə twɔm echûŋvè mu ə ghàyn endam.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.

1 Njɔyn 3:22

Mə ghâsènì pfɨfə pi ghè sê vəyn ə è fo kûmə̀ nə ghâsènì nyîə ndə̂mə̀ èlwɔ̂ŋ ə Vəynve, fɨnə nə̂ ə̀ghɛ ghɛ ə è kɔ̂ŋɔ̀.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

3 Njɔyn 1:6

Ghənə tsàyn kɔ̂ŋ zɛ ò kyi sê ndɛ̂ ə̀ Fèzhə̀ zɛ ə è nyì fâyn. Nə̀yn nə kwîə ə ghənə̂zè ə nyi achûŋ endom vɛ ə Zhə̀fè kyiŋə.