Njɔyn 9:7 - Ŋwàʼlè ə̀ Fèzhə̀ Mkâyn Mə̂ Fèm

⁷ ə pìə sê vəyn nə, “Nduə shù kyâʼ zɛze andɨ̀l ə Silùomə̀.” (Silùom nə zɨ̀yn tè nyi ewàmnè endaʼze nə, “Tom.”) Wùə ə̀təyn ə ndùə, ə shùə èkyaʼa vəyn ə kɛsə̂ pə̂ mə è fe ndò.

Njɔyn 9:7 ပူးပေါင်းရင်းမြစ်များ

Matyò 11:5

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Tom èchùŋ kè kə Lûk tè nyaʼ 13:4

Ghàyn fɨyn kwàʼtè kèpi eghɛ zɛ ə ze tè kyàyn sê ghɨ Silùomə̀ ghɛ njòse famə. Ndɛ̂ chi zɛ ə tè pɛ, è tyàfə̀ nyi ə tə pfɨ̀ə zhwite ghənə nâʼà ə̀kɨ̂m. Ghàyn kwàʼtə̀ nə ghənə tè nə̀yn sepi se tsɛ̂ sə ghɨ ə̀kɨ̂msè ə Njèlusalɛ̀m fu mə?

Tom èchùŋ kè kə Lûk tè nyaʼ 2:32

Sɔ̂sè nə zɨnə mə tə nə ə ze ə nyi epayn zɛ e tyə̂nə̀ paynsə̂ ndôm vɛve sê ghɨ ghɛ ə̀ va əghɨ ə Njûsghè, fo èpomsê sê ghɨə Isìlâyghè, əghɨ ghɛ.”

Njɔyn 10:36

Kè sê Mi, Pɨ̀a ə chɔʼ Mi ə tomə ndzɨsə̂ ə mbi. E se kwî zàyn nə ghàyn ə pîə nə M sôylə̀ Fezhə̀, kûmə̀ nə M pi nə M nyi Vâ ə̀ Fèzhə̀?

Njɔyn 11:37

Pîza ghɨə mɔ̀ʼɔghe ə pìə nə, “Piə ə tè nəyn Vəyn nə wùə èfòfə vɛ ə fe tèluʼ ə? È se faŋ se nə̀yn nə kə Lazalùs kwu kûmə̀ ghè?”

Njɔyn 9:11

È və pə̀ynsə̀ nə, “Wùə vɛ ə tɔŋtə nə Njisə̀s fə tayne achaʼ ə zɔʼɔ ə mì əshi, ə pìə nə m ndu shu ekyâʼ zɨmze andɨ̀l ə Silùomə̀, m vɛ m ndû, ə shù mɨ̂sə̀ tso kə nyî ə zhə̀tə̀ se fe!”

Njɔyn 9:39

Njisə̀s ə ke pì sê vəyn nə, “M pəyn fâ mbi se saʼ əghɨ, se nə̀yn nə ghɨ ghɛ fe va ə fe, ə ghɛ ə ghe fe, ə ghe fof.”

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,