Njɔyn 9:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Kè kə tuʼve pa panə, ghâsènì kyi se nə̀yn efɨaʼa ə Vɛ zə È tom Mi; tuʼe chîə pə̂ ndò mə wùə vayn kàʼa è fɨyn fɨ̂aʼ.

Njɔyn 9:4 ပူးပေါင်းရင်းမြစ်များ

Matyò 20:7

Ghənə pə̀ynsə̀ nə, ‘Ə̀ nyi kûmə̀ nə wùə paʼà njì ghàs efɨ̀aʼ.’ È və pìə sê ghənə nə ghənə pɔŋ səʼ ə fɨ̂aʼà ə vəyn afùʼ.

Ŋwàʼlè ə̀ Mâk 3:3

È və pìə sê kwuə àkɔyn nə vɛ nə, “Tsɛ fɨ pə̀yn əshi fàyn.”

Njɔyn 10:32

Njisə̀s ə pìə sê ghənə nə, “Mə nə̀yn ghɛ ə chûŋə̀ setsɨ̀ ə ghanə shi kə Pɨ̀a Vɨm fo tyaʼa nə M nəyn, famə əfètə̂ ə̀ghɛ, ə̀ nyi zɨ̂yn zə ə ghàyn kyiŋə se tɨmnə̂ Mi sə tə?”

Njɔyn 10:37

Ə M nə̂ va fɨ̂aʼ zɛ ə Pɨ̀a Vɨm tom nə M nəyn, kə ghàyn pomə sê Mi.

Njɔyn 12:35

Njisə̀s ə pìə sê ghənə nə, “Ə ghàyn fe pa kyi epayn kè sə fendiŋə̀ fə ashìŋə̀fè nyî, ə ghànə kwîə, luʼte e pa panə, kə lɨma nə̂ ka ghàyn. Ə wùə kwìə alɨm, ə è və fe kê va nə e ndùə ghaynze ə?

Njɔyn 17:4

Mə tè fo pomsê ekayntəze sê ghò ə chi, mə mɨ̂sè fɨ̂aʼ kɛ ò tè fo nə M nəyn.

Njɔyn 4:34

Njisə̀s ə pìə sê ghənə nə, “Fɨazhiə vɨmve nyi se nə̀yn efɨaʼ ə Vɛ ə È tom Mi nə M nəyn è kɨsè se mɨsè efɨ̂aʼ zɛ ə È tom nə M pəyn nəyn.

Njɔyn 5:19

Njisə̀s ə ke pə̀ynsə̀ ghənə nə, “M pîə sê ghàyn səmɔʼ nə Vâ Fèzhə̀ vayn kàʼa è nəyn ghɛze sə və ngɨŋ, È nə̀ kə èghɛ zɛ È fe Pɨ̀a e nə̂. Ghɛ zɛ ə Pɨ̀a nə̀, ə̀ nyì kepî zəynze ə Vayn nə̂.

Njɔyn 5:36

Pîza, M kyi ndô tsɛ̀ èsaʼ è tsɨ̂ə tsɛ vɛ Njɔyn tè kyi. Fɨ̂aʼ tɛ M nə̂, mə nyi tefɨaʼ tɛ ə Pɨ̀a Vɨ̂mvè tè fo nə Mə nə̂, fɨ̂aʼ tə təynte wâmnə̀ ndò ə Mì azhəm chwîtə̀ nə ə̀ Mi tè tom Pɨ̀a.

Njɔyn 7:33

Njisə̀s ə pìə sê ghənə nə, “M pa nyi ghâsènì kè sə fendiŋə̀ fə ashìŋə̀fè nyi, ə M kɛse ndu se vɛ ə è tom Mi.

Ətefɨ̂aʼ 4:20

Ghàs vayn kàʼa kɨmte cho ghasghe sə̂ pîə kə èghɛ zɛ ə ghàs fe ə fɨnə zɨə.”

Ngàleshyà 6:10

E za tyə̀nə̀ nə ə ghâsènì kyi ndomnə̀fè nâʼà pî ashìŋə̀ àkè se nə chùŋ, ghâsènì mɔmsə̀ se nə kə sê ghɨ ghəkɨ̂m, fɨnə nə̂ nâʼà setsɨ̀ sê ghɨ ghɛ ə ghâsènì ghə̀ ghənə kyi kyî epomə̂zè emɔ̀ʼ.

Ɛfesùs 5:16

Ə wùə sê ghàyn fe ndom se nə chùŋ, è və zàŋsə̀ nə̂ kə ndò kûmə̀ nə ə̀ tsɨ̀ə kə pi zôyn.

Kòlosè 4:5

Ghàyn e tɔfə endom vɛ ə ghàyn ndamə ətəyn ghâynghə̀ ghɨ ghɛ ə̀ va əghɨ epoməghe, nə̂ èfɨaʼ echûŋzè nâʼàpî ətəfè zhəmə̂ fèkè fɛ ə ghàyn kyi.