Njɔyn 9:39 - Ŋwàʼlè ə̀ Fèzhə̀ Mkâyn Mə̂ Fèm

³⁹ Njisə̀s ə ke pì sê vəyn nə, “M pəyn fâ mbi se saʼ əghɨ, se nə̀yn nə ghɨ ghɛ fe va ə fe, ə ghɛ ə ghe fe, ə ghe fof.”

Njɔyn 9:39 ပူးပေါင်းရင်းမြစ်များ

Matyò 11:5

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Matyò 15:14

“Kə ghàyn kyi fɨmsê pɔ̀m ghənə! Ghənə nyi etu mə ə fòf chisə̂ ə̀ghɨ ə fofə; mə shîŋə̀ kɛ ə wùə èfòfə tsɛ̂ əshi və mɔ̀ʼɔ chùmtə̀ vəyn, ə ghənə əkɨ̂m pfɨə nji epə.”

Matyò 6:23

Pîza, mə shi ghɛghe va achûŋ, ə wiyn ve və nyi əfètə̂ àlɨm. Ə fɨa kɛ ə ke nyi se chwìtè epayn se ghò pɨl nyi àfɨa kɛ ə ke ndə̂mə̀ ghò alɨm, ə nyi nə lɨm kɛ ə ò nə̀ nə̂ ə ò nyi əfètə̂ ətəyn nə̀ nə kə fɨ̂mə̀ àfɨa!”

Tom èchùŋ kè kə Lûk tè nyaʼ 1:79

È kyiŋə se nə fo epayn sê ghɨ ghɛ ə ghe tsɨs ə fɨtə̂ àlɨm, nyɨ̂ŋsè ekwuke e paʼsə̂ sê ghənə, se fɨnə tyəyn endom epɔynəve sê ghâsènì.”

Tom èchùŋ kè kə Lûk tè nyaʼ 13:30

M piə nə, ghɨ ghɛ ə ghənə nyi epàm zôyn, tə nə̂ ə nyi əshi, ə ghɛ ə ghe nyi əshi, tə nəyn ə nyi epàm.”

Tom èchùŋ kè kə Lûk tè nyaʼ 2:34

Simyòn ə pɔsə̂ ghənə ə ke pi sê Mèli nə, “Ò ke nə Zhə̀fè ə ndə̀m vayn vɨ̂yn nə è tə ndwisè ə̀ghɨə Isìlây ghè, ghe tsɨ̂ə kə nyi, ə è pfɨse yîə, ghe tsɨ̂ə kəpi za. Ə̂ è faŋ kepî sə chwiə zɛ ghɨə nə nyə̂ʼsə̀,

Tom èchùŋ kè kə Lûk tè nyaʼ 4:18

“Zuʼ sə Pɛsè nyi ə mìə tu kûmə̀ nə è chɔʼ mi nə mə tsâ tom èchùŋ sê ghɨ ghɛ ə nyi mə pɔ. È və tom mi nə m tɔŋɔ ndâʼà sê ghɨ ghɛ ə tè nyi mə kyitê, nə tuʼve ə kwəyn kə za ghənə, ə fɨnə tomə mi nə m ndaʼa sê ghɨ fofə nə tuʼve ə kwəyn kə ghənə fe luʼte, se fɨnə fɨsê əghɨ ghɛ ə nyâplə̀ ə̀ ghənə ə ngəʼ,

Tom èchùŋ kè kə Lûk tè nyaʼ 7:21

Ghənə piə pə̂ ndò, Njisə̀s e tsuʼə ə̀ghɨ ashìŋə̀ nə kɛ, ghe tsɨ̀ə kə nyi ə tekyì tə tezafte tîte ə ghənə tè zafə è təynte fɨnə chûmə̀ fɨsə sèzuʼ se pise, fɨnə nə̂ nə fòf etsɨəve ə kɛsə̂ fe tèluʼ.

Njɔyn 12:31

Shîŋə̀ kə pə̀yn kə Zhə̀fè saʼ mbi zɨ̀nə̀, ə tyaʼa fɔ̀yn vɛ ə è saʼa mbi zɨnə pfɨ.

Njɔyn 12:46

M pəyn ə mbi kə epayn kə nâʼàpî ndè vɛ ə è pomə sê Mi tàʼa faŋ alɨm.

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 3:19

Ə̀ nyi nyiə kə Zhə̀fè tə tsɛsə̀ saʼa Vəynze: paynze ə nji ə mbi, pîza ghɨghe kɔ̂ŋɔ̀ kə àlɨm tsɨ̂ətsɛ̂ kə kɔ̂ŋə̀ paynze kûmə̀ sèpi sə ghənə̂sè.

Njɔyn 8:12

Njisə̀s ə fɨnə wâmnə̀ sê ghɨə Falàsîə pîə nə, “M nyi epayn ə mbize. Ə chùmtè pîndè Mi, ə è tə tàʼa kwì alɨm pîza ə è tə kyî èpayn zɛ ə ze fo ndame.”

Njɔyn 8:15

Ghàyn saʼa è tɔf ə wûə m̀sɔ̀ŋze, M saʼa va wùə vîvè.

Njɔyn 9:25

È və fɨnə pə̀ynsə̀ kə nə, “M ke va nə È nyi wùə ə̀ghɛ piə mə È va: Ghɛ ze mɔ̀ʼ m ke nyi nə m tè nyi mə mə fòf sè fe zôyn.”

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

2 Kolìŋ 2:16

Ə̀ nyi sê ghɨ ghɛ ə ghe njisə̀ ndûə, lɨ̂m endiŋ ətəynke e pofə, mə ke kaʼa ə ke zhwi ghənə. Pîza se ghɨ ghɛ ə Zhə̀fè sɔ̀zâ, lɨ̂m ətəynke e fɔmə, fo èndam. E za nyi nə wùə vîvè vayn kàʼa è nəyn fɨ̂aʼ nə zɨnə mə.

Ɛfesùs 5:14

E nyi nyî kûmə̀ nə ə̀ nə̀ èpayn nə nâʼàpî ghè payn ə ndayn. Ə̀ za nyi eghɛ zɛ ə ze tè nəyn wùə vîvè ə pìə nə: “Zə̀mə ə sèmbɨəyn ə wùə vɨ̂yn. Zòmə kə Klâys fo payn sê ghò.”

2 Tèsàlonikà 2:10

È tə fɨaʼà nâʼàpî endom epi èkwə̀ se lesê əghɨ ghɛ ə ghe njisə̀ ndûə. Ghənə tə njisə̀ kûmə̀ nə ghənə ə tə tə se kɔ̀ŋə səmɔʼ, kə è sɔza ghənə.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

1 Njɔyn 2:11

Wùə vɛ ə è panə̀ ànyìə vəyn ndamə alɨm, kwîə tsɛ̂ əfètə̂ alɨm, mə ke ə nə̀yn vəyn è ve fe va nə e ndùə ghayn zə.