Njɔyn 9:35 - Ŋwàʼlè ə̀ Fèzhə̀ Mkâyn Mə̂ Fèm

³⁵ Kə Njisə̀s zɨ nə ə chùm fɨse wùə vɛ ə è tè tsuʼ za ə ndɛ̂ atsɨ̀ynte, È və kyiŋə wùə ə̀təyn. Ə pə̀ kə È fe vəyn ə pfɨfə sê vəyn nə, “Ò pomə ndò sê Vâ wùə ə?”

Njɔyn 9:35 ပူးပေါင်းရင်းမြစ်များ

Matyò 14:33

Chùmtè epàm sɛ ə se tè nyi ə ngwùʼ èghaʼâ e sè ngɨmnə̂ Njisə̀s piə nə, “Ò nyì ke nâʼà Va Fèzhə̀ səmɔʼ.”

Matyò 16:16

Shimùyn Pità ə pìə nə, “Ò nyi vɛ ə chɔʼ ndə̂m, ə Va Fèzhə̀ fɛ ə fe ndamə.”

Matyò 4:3

Ndə̂plè ə pə̀ sê Vəyn ə pìə nə, “Ə ò nyi vâ Fèzhə̀, O tsâ sê chi ghɨnə nə ghe kəmne sə apayn ə kwaŋke.”

Ŋwàʼlè ə̀ Mâk 1:1

Zɨ̀nə̀ nyi zhə̀te ə̀ tom èchùŋə̀ Njisə̀s Klâys, ə vâ Fèzhə̀.

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 1:34

Mə fe kə ghɛ nə zɨ̂nə̀ kyàyn, sè tsâ sê ghàyn nə, “Ə̀ vɨ̀nə nyi Va Fèzhə̀.”

Njɔyn 10:36

Kè sê Mi, Pɨ̀a ə chɔʼ Mi ə tomə ndzɨsə̂ ə mbi. E se kwî zàyn nə ghàyn ə pîə nə M sôylə̀ Fezhə̀, kûmə̀ nə M pi nə M nyi Vâ ə̀ Fèzhə̀?

Njɔyn 11:27

Maltà ə pomə ə pìə nə, “M pomə̂ ndò ə Pɛ̂ nə ò nyi vɛ ə chɔʼ ndə̂m, mə za nyi Va Fèzhə̀ vɛ ə Zhə̀fè tè tsɨ̀ne nə È tə pə̂ ə mbi.”

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Njɔyn 20:31

Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.

Njɔyn 3:36

Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”

Njɔyn 5:14

Ə mòtə̀ tso, Njisə̀s ə fɨnə fe vəyn ə Ndɛ Ètsə̀mə ə pìə sê vəyn nə, “Zɨte, o tɛ zôyn. Kə ò fɨyn nəyn pi, ə va za ə ghɛ e kyayn sê ghò, ə zə kwûəmnə̀ kə nyi.”

Njɔyn 6:69

Mə zôyn, ghàs pomə̂ ndò ke nə ə̀ nyì ghô wùə è Ŋwaʼa vɛ ə è ndò pə̂yn sê Zhə̀fè.”

Njɔyn 9:22

Pɨ̀a vəyn yî nyì ə̀ vəyn tè wàmnə̀ nyî kûmə̀ kə ghənə tè fànə ghɨə chisə ghɨə Njûsghè. Ghənə tè nyi mə ə ndə̀m nə ə̀ tɔ̀ʼ pi ndè nə Njisə̀s nyi wùə vɛ ə nyi mə chɔʼ ndəm, ə chum vəyn, ə è və fɨnə njiə va ə ndɛ̂ atsɨ̀ynte.

Njɔyn 9:34

Ghɨ ətəyn ghe ə pə̀ynsə̀ sə̂ vəyn nə, “Ə tè piə ghô ə pi ə njìə kɔʼsə̂ kə ghò ə fètə̂ təyn, ô sè kyiŋə se zaʼlə ghàs zo?” Ghənə ə ke chùmə fɨsə vəyn ə ndɛ atsɨ̀ynte.

Ətefɨ̂aʼ 8:36

Ghənə e sè kwîə ndûə ə ndùə zaʼâ elùʼ vîve, ə fe m̀mo, wùə nə vɛ ə pìə sê Filìp nə, “Fe kə mômə. Ò vayn kàʼa ò fo mi èmôm zôyn kûmə̀ ghè?”

Ətefɨ̂aʼ 9:20

È və ndò ə chəmə ndùə kə ə sendɛ sə atsɨ̀yntese ə shɨŋ nə zɛ ə zhə̀tə̀ sè ndàʼà tom èchùŋ nə Njisə̀s nyi Vâ ə̀ Fèzhə̀.

Ŋwàʼlè ə̀ Pɔ̂l sê ghɨə Lûmghè 1:4

Zhə̀fè ə tə tyə̀yn tɔynə̂ atyaʼ ə Sezuʼ Eŋwaʼake nə È nyi Vâ Fèzhə̀ kə È ndwìsè Vəyn ekwu. Vayn nə vɛ mə nyi Pɛ̂pɛ ə̀ ghâsènì Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 10:20

Fɨ̀aʼtè Ìsayà ə tə pomə kepî wàmnə̀ kə Zhə̀fè tè pi. È tè pì ə fètə̂ ghɨ̀ nə, “Ghɨ ghɛ ə tè kyiŋə̀ va mi, ə fe mi. Mə tyə̀yn ngɨŋ zɨm sê ghɨ, mə paʼà tyəmə̂ pfɨfə mi.”

1 Njɔyn 4:15

Nâʼàpî ndè vɛ ə è pì nə Njisə̀s nyi Va Fèzhə̀, è və nyi sə afɨa amɔ̀ʼ yî Zhə̀fè, Zhə̀fè e nyi sə afɨa amɔ̀ʼ yî vəyn.

1 Njɔyn 5:10

Naʼapi ndè vɛ ə è pomə sê Va Fèzhə̀ nyîə ke èghɛ nə zɨ̂nə̀ ə və ətəm. Naʼapi ndè vɛ ə è tàʼa pomə se Va Fèzhə̀ njìə Fèzhə̀ sə wùə àkaŋ kûmə̀ nə è pâʼà pomə ghɛ zɛ ə è pì kûmə̀ Va vəyn.

1 Njɔyn 5:13

M nyâʼà ə̀ghɛ ghɨyn sê ghàyn ghɛ ə ghàyn pomə sê Vâ Fèzhə̀ kə ghàyn ə ke nə ghàyn nyîə kyi èndam zɛ ə ze tə mîə va.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

1 Njɔyn 5:5

Ə̀ nyiə kàʼa ə̀ tɨm zhi ndè mbi ə? Ə̀ nyì ke vɛ ə è pomə nə Njisə̀s nyi Va Fèzhə̀.

3 Njɔyn 1:10

M tə pə̀ nâʼàpî ashìŋə̀ àkè ə m tsàyn sê nɔ̂yn əghɨ̀ ə poməke ghɛghə kɨ̀m ghɛ ə è nə̀ mə ghe nyi etipì. M tə tsâ ə̀ghɛ ə kwəmnə ghɛ ə è pì kûmə̀ ghâsènì è kaŋ kɛ ə è wam. È tè nə̂yn zâ ze ə tàʼa mìə kə zamə. È tə sə̂ fiə ə̀ ghɔ nyiə fɨnə tâmtə̀ əghɨ ghɛ ə kyiŋə sə̂ fiə, chûmə̀ fɨsə ghənə ə anɔ̀yn ə ghɨ ə poməke.