Njɔyn 9:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ Ghɨ ətəyn ghe ə pə̀ynsə̀ sə̂ vəyn nə, “Ə tè piə ghô ə pi ə njìə kɔʼsə̂ kə ghò ə fètə̂ təyn, ô sè kyiŋə se zaʼlə ghàs zo?” Ghənə ə ke chùmə fɨsə vəyn ə ndɛ atsɨ̀ynte.

Njɔyn 9:34 ပူးပေါင်းရင်းမြစ်များ

Tom èchùŋ kè kə Lûk tè nyaʼ 11:45

Tyə̀ynsè alâŋ vîvè ə piə sê Njisə̀s nə, “Tyə̀ynsè, ò piə əghɛ ghɨ̀nə̀ nyi, sôylə̀ kepî ghàs.”

Tom èchùŋ kè kə Lûk tè nyaʼ 14:11

Nâʼàpî ndè vɛ ə è kɔʼsə ngɨŋ ə vəyn ekwùtwəyn, Zhə̀fè nə̀ tsosə̂ vəyn əchi, ə naʼapi ndè vɛ ə è njiə ngɨŋ ə vəyn əchi, ə Zhə̀fè nə kɔʼsê vəyn ekwùtwəyn.”

Tom èchùŋ kè kə Lûk tè nyaʼ 18:17

M piə sê ghàyn səmɔʼ nə, ə̀ faŋ pi ndè se pomə efɔ̀yn ə Fezhə̀e kə vayn pɔ, è vâyn tə nji elùʼ efɔ̀yn nə ghâyn.”

Tom èchùŋ kè kə Lûk tè nyaʼ 6:22

Chùŋ nyi sê ghàyn ezhoghɛ ghɨ pânə̀ ghàyn, chûmə̀ ghàyn ə etsɨ̀ynte, sôylə̀ ghàyn fɨnə pofsə̂ əzə ghaynghe kè kûmə̀ kə Va Wùə.

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Njɔyn 8:41

Ghàyn nə̂ kə ə̀ghɛ ghɛ ə pɨ̀a vayn nə̂.” Ghənə ə pə̀ynsə̀ nə, “Zhə̀fè È ngɨŋə̂ Vəyn nyi ke Pɨ̀a vɛ ə ghàs kyi, ghàs e nyi ə̀ghɔ Vəynghe səmɔʼ.”

Njɔyn 9:2

Chùmtè èpàm sə vəynse ə pfɨfə sê vəyn nə, “Tyə̀ynsè, ə̀ nə̀yn pi ə ndè nə ə piə wùə vɨ̀nə mə è və fòfə? Ə̀ nyi pi ə̀ vəyn mə zə pɨ̀a, mə zə nyìə?”

Njɔyn 9:22

Pɨ̀a vəyn yî nyì ə̀ vəyn tè wàmnə̀ nyî kûmə̀ kə ghənə tè fànə ghɨə chisə ghɨə Njûsghè. Ghənə tè nyi mə ə ndə̀m nə ə̀ tɔ̀ʼ pi ndè nə Njisə̀s nyi wùə vɛ ə nyi mə chɔʼ ndəm, ə chum vəyn, ə è və fɨnə njiə va ə ndɛ̂ atsɨ̀ynte.

Njɔyn 9:35

Kə Njisə̀s zɨ nə ə chùm fɨse wùə vɛ ə è tè tsuʼ za ə ndɛ̂ atsɨ̀ynte, È və kyiŋə wùə ə̀təyn. Ə pə̀ kə È fe vəyn ə pfɨfə sê vəyn nə, “Ò pomə ndò sê Vâ wùə ə?”

Njɔyn 9:40

Ghɨ ə Falàsîə yîghe ə ghe tè nyì fu yî ghə̀ Njisə̀s ə zɨə èghɛ zɛ ə È pì ə pfɨfə sê vəyn nə, “Ghàs ke ndô nə Ò pìə va nə ghàs ə pɔŋ fof ə?”

1 Kɔlìŋ 5:13

Kè kə ŋwàʼlè ə̀ Fezhə̀ pìə nə, “Ghàyn chum fɨsê wùə èpi vɛ ə ghàyn ə fètəyn.” Zamə, ə Zhə̀fè tə saʼ ə̀ghɨ ghɛ ə ghe va ə ghâsènì anɔ̀yn.

Ngàleshyà 2:15

“Ghâsènì èngɨŋ sə ghasènìse nyi əghɨ Njûsə̀ kè nâʼà epîə, vachi ə̀ghɨ ghɛ ə va əghɨ ə Njûsə̀ mə nyi əghɨ ə pighe,

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

1 Pità 5:5

Kwuŋte, ghàyn tsose ngɨŋ saynse əchi sə zɨə se chəʼse. Ghàyn maʼ ngɨmnêzè kə sendzɨs sefɨaʼase sə̂ fɨ̂aʼà sê ngɨŋ saynse kûmə̀ ŋwàʼlè ə̀ Fèzhə̀ nyi mə è zə pì nə, “Zhə̀fè pânə̀ əghɨ ghɛ ə ghe ghaŋsə wiynve, pîza è fo àfùʼ sê ghɨ ghɛ ə ghe ngɨmnə ngɨŋsə ghənə̂sè.”

3 Njɔyn 1:10

M tə pə̀ nâʼàpî ashìŋə̀ àkè ə m tsàyn sê nɔ̂yn əghɨ̀ ə poməke ghɛghə kɨ̀m ghɛ ə è nə̀ mə ghe nyi etipì. M tə tsâ ə̀ghɛ ə kwəmnə ghɛ ə è pì kûmə̀ ghâsènì è kaŋ kɛ ə è wam. È tè nə̂yn zâ ze ə tàʼa mìə kə zamə. È tə sə̂ fiə ə̀ ghɔ nyiə fɨnə tâmtə̀ əghɨ ghɛ ə kyiŋə sə̂ fiə, chûmə̀ fɨsə ghənə ə anɔ̀yn ə ghɨ ə poməke.

3 Njɔyn 1:9

M tè nyàʼ ŋwàʼlè sê ndɛ ə̀ Fèzhə̀ zâynzè, pîza Ndûətifìs vɛ è kyiŋə sə nyi àtu əghɨ̀ ə poməke ə tə nə zhi zɨtə̂ va ghɛ zɛ ə m pîə ətəyn.

Etyə̂yn ə paynsêzè 13:17

Wùə tè vayn kaʼa è zhɔyn kɨ̀sə se pəʼlê mə è kyi va chwìə zə̂yn, ə nyi èzə ə nyâm èpamə ə̀təynze, ə̀ puzâ ə nyi akɔ̂yn kɛ ə ke tyəm sə vəyn ezə.