Njɔyn 9:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Ghàs nyîə ke nə Zhə̀fè ə tə wàmnə̀ sê Mosîs, pîza kepî va nə wùə vɨ̀nə ndò ghayn zə!”

Njɔyn 9:29 ပူးပေါင်းရင်းမြစ်များ

Matyò 12:24

Kə ghɨə Falàsîə tè zɨ ghɛ ətəyn, ə pìə nə, “È chûmə̀ fɨsə̂ tèpamə̂ tə satàyn nə tɨ̂nə̀ nyi ke kûmə̀ nə Peelzepùl, fɔ̀yn se pamə̂ tə satàyntè ə fo vəyn è tyaʼke nə è nəyn nyiə mə.”

Matyò 26:61

ə pìə nə, “Wùə vɨ̀nə tè pi nə, ‘È nyi pɨ̀ytè ə Ndɛ Ètsə̀mə ə fètə̀m m̀tuʼ mta, ə è kɛse pɛ kɔʼsê zɨ̂ynzè.”

Tom èchùŋ kè kə Lûk tè nyaʼ 23:2

ə zhə̀tə̀ se kwânə̀ vəyn piə nə, “Ghàs ə ko wùə ə vɨ̂yn, e kwîə lesə̂ ə̀ghɨ ghâsènì ghe ndaʼa pîə nə, kə̂ ghənə nə maʼà ŋwàʼlè sê fɔ̀yn e ghaʼa ə Lûm, fɨyn nyi nə ə nyi ke nâʼà zhi vɛ ə chɔʼ ndəm, nə zhi ə nyi fɔ̀yn.”

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 7:27

Pîza shîŋə̀ kɛ vɛ ə chɔʼ ndə̂m tə pə̂, ə wùə vîvè ə ke va luʼ vɛ ə è ndò ətəyn. Ghâsènì əkɨ̂m ke ndô luʼ vɛ ə wùə vɨ̀nə ndò ətəyn.”

Njɔyn 7:28

Kə Njisə̀s tè zaʼlə ə Ndɛ Ètsə̀mə, ə pìə è kyə̀ è tɛ nə, “Ghàyn lote ke ndò Mi è luʼ vɛ ə M ndô ə tə? M pâʼà pə̀yn fayn sə Mìə atyaʼa ngɨŋke. Vɛ ə è tom Mi, nyi ke səmɔʼ. Ghàyn ke va vəyn.

Njɔyn 8:14

Njisə̀s ə pìə sê ghənə nə, “Ngaŋ. Pî kə m wâmnə̀ kûmə̀ ngɨŋ Zɨ̂mzè, ghɛ zɛ ə M pîə nyi ke nâʼà səmɔʼ, kûmə̀ nə M ke ndô luʼ vɛ ə M ndô ətəyn, ke eluʼ vɛ ə M ndùə ətəyn. Ghàyn ke va luʼ vɛ M ndô ətəyn kɨ̀sə eluʼ vɛ M ndûə ətəyn.

Njɔyn 9:16

Ghɨə Falàsî yîghe ə pìə nə, “Wùə vɛ ə È nə̀yn zɨnə vayn kaʼa ə nyi wùə mə ə̀ tom Fèzhə̀, kûmə nə è paʼà kɔʼsê tuʼ endaʼve.” Pîza yîghe e pîə nə, wùə ə̀ghɛ piə vayn kàʼa è və nə̂ ə̀ghɛ ə kayntə nyi. Kè sə ashìŋə̀, chyâsè ewìynze ə fɨə ə ghənə ə fètəyn.

Njɔyn 9:24

Ghənə ə fɨnə tɔŋɔ wùə vɛ Njisə̀s tè tsuʼ nə ə nyi teshìŋə̀ tèpɛ̀, ə pìə sê vəyn nə, “Pì səmɔʼ ə Zhə̀fè ezə, ghàs nyîə ke nə wùə vɛ ə È tsuʼ ghô nyi wùə ə̀ghɛ epighe.”

Njɔyn 9:30

Wùə ətəyn ə pə̀ynsə̀ nə, “Ə̀ nyi eghɛ ekaynəze nə ghàyn ke va nə è ndò ghayn, pîza mə È və tsuʼ mi ə mìə afòf!

Ətefɨ̂aʼ 22:22

Nɔ̂yn ətəynke ə zɨtə̂ se Pɔ̂l se kɔʼɔ zaʼâ andiŋ kyîke, ghənə e puʼə m̀pɔ̂ŋ è kyə̀ se tɛse pîə nə, “Ghàyn ndo è vəyn! Ghàyn zhwi vəyn! È kwəynə̂ va se ndam.”

Ətefɨ̂aʼ 26:22

Pîza Zhə̀fè ə tsâmtə̀ mi se kɔʼɔ zaʼâ ndàyn, m tyəm fâyn tsâ èghɛ zɛ ə m tè fe mə ze nyi səmɔʼ. Kɨ̀sə ə̀ nyi əghɨ eshɨ̀ŋə̀ kɨ̀sə ə̀ va əghɨ eshɨ̀ŋghè. Ghɛ zɛ m pîə nyì kepî èghɨ kə fɨ̀aʼtèsè è Mosîs tè pi nə ze tə kyanə̀.

Ətefɨ̂aʼ 7:35

Ə̀ vɨ̀nə tè nyì kepî Mosîs vɛ ə ghɨə Isìlâyghè tè kwiynse, pfɨfə sê vəyn nə, ‹Ə̀ fo nde tyaʼa sê ghò nə o chisə̂, saʼa ghàs ə?› Ə̀ nyi vəyn vɛ ə Zhə̀fè tè tom nə è chise, ə è sɔzâ ghənə. Zɨnə tè kyayn kə tsì pə̀yn sê vəyn, wusve ə ko ə fekàʼ.

Ipilù 1:1

Ə̀ tè nyi sə mɨ, Zhə̀fè e wàmnə̀ sê ghə̀pɨ̀a ghasènìghe tɔynə̂ ə sèfɨ̀aʼtè. Fe tè wàmnə̀ kə ə tendom ə tendom, kə teshìŋə̀ teshìŋə̀.

Ipilù 1:2

Pîza, e sè nyi ə mtuʼ me kwùŋsə̂ mɨ̀yn mə Fə wàmnè sê ghâsènì tɔynə̂ ə Va vəyn. Zhə̀fè tè se nyi mə fə ndə̀m nə fe tə fo nâʼàpî ghè ə mbi sê Va vəyn, mə fe tè pom mbi è nâʼàpî è ghè ətəyn tɔynə̂ kə ə Va ə̀ vəyn nə vɨ̂yn.