Njɔyn 9:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ghənə ə fɨnə tɔŋɔ wùə vɛ Njisə̀s tè tsuʼ nə ə nyi teshìŋə̀ tèpɛ̀, ə pìə sê vəyn nə, “Pì səmɔʼ ə Zhə̀fè ezə, ghàs nyîə ke nə wùə vɛ ə È tsuʼ ghô nyi wùə ə̀ghɛ epighe.”

Njɔyn 9:24 ပူးပေါင်းရင်းမြစ်များ

Ŋwàʼlè ə̀ Mâk 15:27

Ə payntə̂ kəpî ə̀ghɨ ə chɔŋɔ yîghe əpɛ̀ ə Njisə̀s əngwùŋ: èmɔ̀ʼ e nyi ə vəyn ekɔyntwɔve, è və mɔ̀ʼɔ ekɔyn ekôvè.

Tom èchùŋ kè kə Lûk tè nyaʼ 15:2

Ghɨ Falàsî yîghe yî ghə̀ tyə̀ynsè sə alàŋsè ə fe za sè tɨmnə̂ zô, piə nə, “Wùə vɨ̀nə pomə̂ nə naʼapi əghɨ pighe ə pə̂ ə və ngwùŋ, fɨnə zhiə nâʼà yî ghə̀ ghənə.”

Tom èchùŋ kè kə Lûk tè nyaʼ 19:7

Ghɨghe ə fe sè tɨmnə̂ zɔ̂, piə nə, “È kotə̂ pìə wùə əghɛ piə, səʼə kə èmô ə və ndɛ.”

Tom èchùŋ kè kə Lûk tè nyaʼ 7:39

Wùə Falàsî nə vɛ ə è ndàm Njisə̀s ə fe eghɛ nə zɨ̂yn sè piə kə sê ngɨŋ ə̂ vəyn nə, “Ə wùə vɨ̀nə fè nyi ke nâʼà fɨ̀aʼtè èghaʼâ, mə è və kê kyiə wùzhɔyn vɛ ə è kə̀mnə̀ vəyn nyi, nə è nyi nyî, nyi ke nâʼà wùə əghɛ piə.”

Njɔyn 14:30

M nə̀ fɨnə wàmnə̀ va sê ghàyn zôyn sə aghaf kûmə̀ nə vɛ ə è chisə mbi zɨ̀nə̀ pə̀ ndò. È kyi va tyaʼ kyîke, ke tsɛ̂ kɨmke,

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Njɔyn 18:30

Ghənə pə̀ynsə̀ kə nə, “Ə È fe tàʼa pofse eghɛ mə ghàs paʼà njì pəyn è Vəyn sê ghò.”

Njɔyn 19:6

Kə ghɨkɔʼsə nə eshyə̀ ə ngaŋtə è ghɨə fɨaʼa Ndɛ Ètsə̀mə fe Vəyn, ghənə ə puʼlə̂ ndûə kə m̀pɔ̂ŋ nə, “Paynte Vəyn ə awâmnè! Paynte Vəyn ə awâmnè!” Paylɛ̀t ə pìə sê ghənə nə, “Ghàyn nji Vəyn ə ghàyn ndu payntê. M pâʼà fe ghɛ zɛ ə è pofse.”

Njɔyn 5:23

È nəyn nyi kə ghɨghe əkɨ̂m ə ngɨmnə̂ Vayn kè eghɨ kə ə ngɨmnə Pɨ̀a. Nâʼàpî ndè vɛ ə è ngɨmnə va Vayn, vayn kàʼa è ngɨmne Pɨ̀a vɛ ə È tom Vâ ə̀təyn.

Njɔyn 8:46

Ə̀ nyi nde ə ghàyn ə fètəyn ə è kàʼa è tyəyn nə Mə nə̀yn pi ə? Ə M tsâ səmɔʼ sê ghàyn, kûmə̀ ghè ə ghàyn pomə va sê Mi ə?

Njɔyn 8:49

Njisə̀s ə pìə sê ghənə nə, “M kyi va pamə̂ ə satàynzè. M ngɨmnə̂ Pɨ̀a Vɨm, pîza ghàyn ngɨmnə̂ va Mi.

Njɔyn 9:16

Ghɨə Falàsî yîghe ə pìə nə, “Wùə vɛ ə È nə̀yn zɨnə vayn kaʼa ə nyi wùə mə ə̀ tom Fèzhə̀, kûmə nə è paʼà kɔʼsê tuʼ endaʼve.” Pîza yîghe e pîə nə, wùə ə̀ghɛ piə vayn kàʼa è və nə̂ ə̀ghɛ ə kayntə nyi. Kè sə ashìŋə̀, chyâsè ewìynze ə fɨə ə ghənə ə fètəyn.

Njɔyn 9:25

È və fɨnə pə̀ynsə̀ kə nə, “M ke va nə È nyi wùə ə̀ghɛ piə mə È va: Ghɛ ze mɔ̀ʼ m ke nyi nə m tè nyi mə mə fòf sè fe zôyn.”

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Etyə̂yn ə paynsêzè 11:13

Chike ə nə̂ʼə̀ nâʼà sə ŋaŋ ə tɔ̂ŋ èghaʼâ, kè ashìŋə̀ nə kɛ ə pofsə̂ àpâs ə sendɛke amɔ̀ʼ fumə ə tɔ̂ŋ èghaʼâ ezhoghɛ ə chyâtè səynse shîŋə̀ teghɨm, ə zhwitə̂ ə̀ghɨ kamse esɛ̀mbɛ̂. Fâynzè ə ko ə̀ghɨ ghɛ ə ghe faŋ fu nâʼà sə ŋaŋ, ghənə ə nyaʼâ sə̂ pomsə, tsîtə̀ Fèzhə̀ fɛ ə fe nyi ekwùtwəyn.