Njɔyn 9:22 - Ŋwàʼlè ə̀ Fèzhə̀ Mkâyn Mə̂ Fèm

²² Pɨ̀a vəyn yî nyì ə̀ vəyn tè wàmnə̀ nyî kûmə̀ kə ghənə tè fànə ghɨə chisə ghɨə Njûsghè. Ghənə tè nyi mə ə ndə̀m nə ə̀ tɔ̀ʼ pi ndè nə Njisə̀s nyi wùə vɛ ə nyi mə chɔʼ ndəm, ə chum vəyn, ə è və fɨnə njiə va ə ndɛ̂ atsɨ̀ynte.

Njɔyn 9:22 ပူးပေါင်းရင်းမြစ်များ

Tom èchùŋ kè kə Lûk tè nyaʼ 6:22

Chùŋ nyi sê ghàyn ezhoghɛ ghɨ pânə̀ ghàyn, chûmə̀ ghàyn ə etsɨ̀ynte, sôylə̀ ghàyn fɨnə pofsə̂ əzə ghaynghe kè kûmə̀ kə Va Wùə.

Njɔyn 1:19

Ghɨ èghaʼâ ə Njûs ghɛ ə tè nyi ə Njèlusalɛ̀m tè tom əghɨ ə kɔʼsə nə eshyə̀ ndɛ̂ ètsə̀mə, è ghɨ esas ə ndɛ Levìghè nə ndu pfɨf sê Njɔyn Fo M̀mò nə, è nyi nde ə.

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Njɔyn 19:38

Ə pə̀ kə zɨnə tsɛ̂, Njosɛ̀f vɛ è ndò ə tɔ̂ŋ ə̀ Àlimàtiyà ə pìə sê Paylɛ̀t nə è fo zhi è tyaʼa kə zhi nji pfɨnə Njisə̀sè ə zhi pfɨ̂mə. Njosɛ̀f tè nyì kepî chùmtè epàm ə̀ Njisə̀s, pîza mə è nyaʼtə̂ chumtə̀ kə ndò kûmə̀ nə è tè fànə əghɨ ə Njûsə̀. Paylɛ̀t ə pomə̂, è və ke nduə njiə ndò è pfɨyn ətəynze.

Njɔyn 20:19

Ə̀ tè nyì ke fumə ə fetuʼ, ə Sɔndè ezhwikwɨləke, chùmtè èpàm sə Njisə̀sè ə zùŋtə̀ ə ndɛ ə fà ècho ə ndɛve kûmə̀ nə ghənə tè nyîə fânə̀ ə̀ghɨ Njûsə̀. Njisə̀s ə pfɨ̀ŋə̀ tyəmə̂ kə ə ghənə əfètəyn ə pìə nə, “Ə pɔ̂ynè ə nyi sê ghàyn.”

Njɔyn 7:13

Pîza wùə vîvè e wâmnə̀ va kûmə̀ vəyn ə ndayn, kûmə̀ nə ghənə tè fànə ə ghɨ ghaʼa ə Njûsə̀.

Njɔyn 9:18

Ghɨ chisə è ghɨə Njûsə̀ tè pomə̂ va nə wùə nə vɨ̂yn tè nyi mə è və tə fòf tsɔ̀fə kə è və kɛse fe zôyn. Zɨnə ə nə̂ nə ghənə tɔŋɔ pɨ̀a yî nyì ə̀ wùə èfòfə ə̀təyn.

Njɔyn 9:21

Pîza ke va nə, è kwì zayn sə̂ fe tèluʼ zôyn ə, ke va nə, ə̀ tsuʼ ndè vəyn ə. Ghàyn pfɨf sê vəyn, è fɨyn va vâyn èpɔ. Nâʼà vəyn kàʼa è tsayn ghɛ zɛ ə ze kyâyn.”

Njɔyn 9:34

Ghɨ ətəyn ghe ə pə̀ynsə̀ sə̂ vəyn nə, “Ə tè piə ghô ə pi ə njìə kɔʼsə̂ kə ghò ə fètə̂ təyn, ô sè kyiŋə se zaʼlə ghàs zo?” Ghənə ə ke chùmə fɨsə vəyn ə ndɛ atsɨ̀ynte.

Njɔyn 9:35

Kə Njisə̀s zɨ nə ə chùm fɨse wùə vɛ ə è tè tsuʼ za ə ndɛ̂ atsɨ̀ynte, È və kyiŋə wùə ə̀təyn. Ə pə̀ kə È fe vəyn ə pfɨfə sê vəyn nə, “Ò pomə ndò sê Vâ wùə ə?”

Ətefɨ̂aʼ 4:18

Ghənə ə kɛsə̂ tɔŋɔ Pità yî Njɔyn ə kànə̀ nə kə ghənə nə̂ fɨyn mɔ̀msè se wàmnè kɨ̀sə ə̀ nyì pî se zaʼle eghɛ ə Njisə̀s ezə.

Ətefɨ̂aʼ 5:13

Wùə vîvè tè paʼà mɔ̀msè se tsɨ̀yntè se ghənə, pî kə ghənə tè wàmnə̀ ghɛ kûmə̀ ə̀ ghɨətom ətəynghe ghe kɔʼnə̂ kə nyî.

Ətefɨ̂aʼ 5:40

ə tɔŋɔ ə̀ghɨtom ə Njisə̀sghè nə ghe kɛse nji ə ndɛ. Ə pusə ghənə, ə fɨnə kànə̀ nə kə ghɨətom nə ghɛ nə fɨyn tɔŋtê èzə Njisə̀szè. Ə ke zà ghənə, ghənə ə ndò.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”