Njɔyn 9:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ghɨə Falàsî yîghe ə pìə nə, “Wùə vɛ ə È nə̀yn zɨnə vayn kaʼa ə nyi wùə mə ə̀ tom Fèzhə̀, kûmə nə è paʼà kɔʼsê tuʼ endaʼve.” Pîza yîghe e pîə nə, wùə ə̀ghɛ piə vayn kàʼa è və nə̂ ə̀ghɛ ə kayntə nyi. Kè sə ashìŋə̀, chyâsè ewìynze ə fɨə ə ghənə ə fètəyn.

Njɔyn 9:16 ပူးပေါင်းရင်းမြစ်များ

Matyò 12:10

Wùə vîvè e nyi fu mə kɔyn ə vəynke ə kwu. Ghɨ yîghe nyi fumə kyiŋə se ghâmə̀ Njisə̀s nə È və nə̀yn pi, ghənə ə ke pfɨf sê vəyn nə, “Saʼ e pomə̂ ndò nə ə tsuʼ wùə etuʼ endaʼà?”

Matyò 12:2

Kə ghɨə Falàsîə tè fe zɨnə mə, ə pìə sê Njisə̀s nə, “Fe ghɛ zɛ ə chùmtè èpàm sɛse nə̂ etuʼ endaʼ, Saʼze pomə̂ va ə!”

Tom èchùŋ kè kə Lûk tè nyaʼ 13:14

Pîza tuə ndɛ̂ atsɨ̀ynte ə ghənə nə kɛ e sè nyɔ̂ʼsə̀ etɔŋ kûmə̀ nə Njisə̀s ə tsuʼ wùə etuʼ endaʼ ə ghənəu ə se pi sê ghɨə nə, “Tuʼ mə̂ èfɨàʼam nyi mtufə ə ngâm, ghàyn kyi se pə̀yn nə ə tsuʼ ghàyn ə mtuʼ nə mɨ̂yn, ə va chi etuʼ endaʼ.”

Njɔyn 10:19

Ghɛ ghɨ̀nə̀ ə Njisə̀s tè wàmne ghə tè pə̀yn èchyasèzè ə ghɨə Njûs ghə fètəyn.

Njɔyn 14:11

Ghàyn pomə kə m pi nə, Pɨ̀a vɨ̂m nyì ə Mì ewìyn, M nyi ə Pɨ̀a vɨ̂mvè ewìyn. Ə̀ va za, ghànə pomə̂ kûmə̀ ə̀ghɛ kayntə ghɛ ə ghàyn fe kə m nə̂.

Njɔyn 15:24

Ə̂ tè nyi nə m paʼà nə̀yn ghɛ nə ghɨ̂yn ə ghənə əfètəyn, ndɔ̀ʼɔ wùə tyəm nəyn, mə ze tyə̀nə̀ va nə ghənə ə nə̀yn pi kə ze tyə̀nə̀ zôyn. Ə̀ zô sè nyi mə ghənə ə fe ghɛ əkayntə nə ghɨ̂yn pîza fɨnə pànə̀ kə ndò mi, è kɨsè Pɨ̀a vɨm.

Njɔyn 2:11

Njisə̀s tè nə̀yn eghɛ e kaynte ə vəyn zə shi nə zɨ̂nə̀ endaʼ ə Kanà apàs endaʼ ə Ngalìlîkè. Ə̀ nyì fumə kə è tè tyə̀yn paynsê èpomsê ə vəynze, chùmtè èpàm sə vəynse ə pomə̂ sê vəyn.

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 5:10

Ghɨə chisə ghe è ghɨə Njûs yîghe ə fe za, ə ke pì sê wùə ə̀təyn nə, “Ə nda nyi etuʼ endaʼ, mə lâŋà pomə̂ va nə ò kwîə tsɛ̂ è ghâmfè.”

Njɔyn 5:36

Pîza, M kyi ndô tsɛ̀ èsaʼ è tsɨ̂ə tsɛ vɛ Njɔyn tè kyi. Fɨ̂aʼ tɛ M nə̂, mə nyi tefɨaʼ tɛ ə Pɨ̀a Vɨ̂mvè tè fo nə Mə nə̂, fɨ̂aʼ tə təynte wâmnə̀ ndò ə Mì azhəm chwîtə̀ nə ə̀ Mi tè tom Pɨ̀a.

Njɔyn 6:52

Kə ghɨ ghɛ tè zɨ zamə, ghənə ə zhə̀tə̀ efɨsə endwɔ̀zè sè saʼnə̂ è ngɨŋsə ə ghənə̂sè pîə nə, “Wùə vɨ̂nə kàʼa è fo zayn wiynə vəyn nə ghâsènì zhi ə?”

Njɔyn 7:12

Ə̀ tè nyîə tsɨ̂mtə̀ wâmnə̀ kûmə̀ Vəyn nâʼà sə ŋaŋ ə fètə̂ ànɔ̀yn. Yîghe pîə nə, “È nyi ke nâʼà wùə èchùŋ.” Yîghe pîə nə, “Ngaŋ, È kwìə lesə̂ kə əghɨ səndô.”

Njɔyn 7:23

Ə se nam ə wùə ndomə̀ etuʼ endaʼ endom se tàʼa kəm alâŋ Mosîskè, kûmə̀ ghè ə ghàyn nyɔ̀ʼsə̀ tɔŋ sê Mi kûmə̀ nə m tsuʼ wùə etuʼ endaʼ è ve tɛ?

Njɔyn 7:43

Chyâsèzè tè nyîə nyi ə fètə̂ ànɔ̀yn kûmə̀ Njisə̀s.

Njɔyn 9:24

Ghənə ə fɨnə tɔŋɔ wùə vɛ Njisə̀s tè tsuʼ nə ə nyi teshìŋə̀ tèpɛ̀, ə pìə sê vəyn nə, “Pì səmɔʼ ə Zhə̀fè ezə, ghàs nyîə ke nə wùə vɛ ə È tsuʼ ghô nyi wùə ə̀ghɛ epighe.”

Ətefɨ̂aʼ 14:4

Pîza ghɨ ghɛ ə ghe tè nyì fu endaʼ ə kyîə echyâsè ewìynze, ghɨə mɔ̀ʼɔghe e tɔ̀ʼɔ̀ ə̀ghɨ Njûsə̀, yîghe e tɔ̀ʼɔ̀ ə̀ghɨtomə.