Njɔyn 8:58 - Ŋwàʼlè ə̀ Fèzhə̀ Mkâyn Mə̂ Fèm

⁵⁸ Njisə̀s ə pə̀ynsə̀ sê ghənə nə, “M piə sê ghàyn səmɔʼ nə, ə tè piə piə Aplàghâm mə ‹M nyîə nyi!›”

Njɔyn 8:58 ပူးပေါင်းရင်းမြစ်များ

Njɔyn 10:25

Njisə̀s ə pə̀ynsə̀ nə, “M nyi mə mə kàynè tsayn sê ghàyn pîza ghàyn ghe tàʼa pomə̂. Ghɛ ə kayntə ghɛ ə M nə̂ ə Pɨ̀a Vɨm və ezə, nyi ghəynghe ə ghe tsâ kûmə̀ Mi.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 17:5

Pɛ̂! fo mi èpomsê ekayntəze zôyn, kèpî èpomsê ekayntə zɛ ə M tè kyi ghasè ghò tsɔ̀fə kə pom mbi.

Njɔyn 8:24

Mə pì sê ghàyn nə ghàyn nə̀ kwuə ə ghàyn ə sepi. Ghàyn kyi se kwu ə ghàyn tàʼa pomə nə, ‹M nyi wùə vɛ ə M nyi Vəyn.›”

Njɔyn 8:28

Njisə̀s ə pìə sê ghənə nə, “Ghàyn tə kɔʼsə̂ Va wùə ə awâmnè, ə paynte Vəyn, ə ke nə, ‘M nyi wùə vɛ M pîə nə M nyi Vəyn,’ Ə fɨyn kê nə M nə̂ va ghɛ sə mìə ngɨŋ, pîza piə kə èghɛ zɛ Pɨ̀a nyi mə È və pì nə M pi.

Njɔyn 8:34

Njisə̀s ə pìə sê ghənə nə, “M tsâ se ghàyn səmɔʼ nə, nâʼàpî ndè vɛ è nə̀ pi nyi àkɔ̂s sê pi.

Njɔyn 8:51

M pîə sê ghàyn səmɔʼ nə, nâʼàpî ndè vɛ ə è nə̀ ghɛ zɛ M zaʼlə, kwuə va.”

Kòlosè 1:17

Tsɔ̀fə kə pom fɨave ekɨ̂m ekwùtwəyn, è kɨsè əchi, Klâys tè kàyne nyi ndò. Ə̀ nyi Vəyn vɛ ə è nə̂ nə nâʼàpi àkè ə nyi elùʼ vɛ ə ke kyi sə̂ nyi ətəyn.

Ipilù 13:8

Njisə̀s Klâys kwiynə̂ tsɛ̂ va, è nyì ke èghɨ kə è va nyi zhɔynghɛ, è ndàyn, nyi sə̂ nyi ke zamə nâʼà kə ghè tə ghayn.

Etyə̂yn ə paynsêzè 1:11

ə pìə nə, “Nyàʼ ghɛ ghɨnə ə ò fe nyi ə tiynsə̂ ŋwàʼlè ə̀təyn sê ndɛ sə Fezhə̀sè esɛ̀mbɛ sɛ ə se nyi ə setɔ̂ŋ seghaʼâsè esɛ̀mbɛ mə za nyi Ɛfesùs, è Sɨ̀minà, è Pengamùm, è Tyàtilà, è Sandìs, è Fìlàndefìyà, è Làndisyà.”

Etyə̂yn ə paynsêzè 1:8

Pɛ̂ Zhə̀fè pi nə, “M nyi zhə̀te fɨyn nyi kwùŋse. Ə̀ nyi fəynfe ə fe nyi, mə fe tè nyiə nyi, nyi se tə pə̀yn, ə pɛ̀ àtyaʼ akɨ̂m.”

Etyə̂yn ə paynsêzè 2:8

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sɨ̀minà nə: ‹Tom zɨnə ndò sê mi vɛ ə m nyi Zhə̀te fɨyn nyi kepî Kwùŋse, ə mi vɛ ə m tè kwu ə kɛsə̂ pə̂ endam.