Njɔyn 8:55 - Ŋwàʼlè ə̀ Fèzhə̀ Mkâyn Mə̂ Fèm

⁵⁵ Pî kə ghàyn ke va Vəyn, pîza M ke Vəyn. Ə M pi nə M ke va Vəyn, ə Mə nyi kepî wùə àkaŋ kə ghàyn. Pîza M ke ndô Vəyn nə̂ ə̀ghɛ ghɛ ə È pìə.

Njɔyn 8:55 ပူးပေါင်းရင်းမြစ်များ

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Tom èchùŋ kè kə Lûk tè nyaʼ 10:22

Kə è wàmnè zâ ə ke pi sê chùmtè epàm sə vəynse nə, “Pɨ̀a vɨm ə fo fɨave ekɨ̂m sê mi. Wùə fɛtə kê va wùə vɛ ə Vayn nyi vəyn, ə tsɛ̂ kəva Pɨ̀a. Wùə e fɛtê ke va wùə vɛ ə Pɨ̀a nyi vəyn ə tsɛ̂ kəva Vayn, è ghɨ ghɛ ə Vayn chɔʼ se tyə̀nə paynsê ə Pɨ̀a sê ghənə.”

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 10:15

Kèpî èghɨ kə Pɨ̀a Vɨ̂m ke Mi, M ke ndô Vəyn. M kaʼa M kwu kûmə̀ sè ndzè sɨmse.

Njɔyn 15:10

Ə ghàyn ndə̀mə̀ lwɔ̂ŋ vɨmve, M mə pa kɔ̂ŋɔ̀ kə ndò ghàyn. E nyi kepî èghɨ kə M ndəmə̀ lwɔ̂ŋ ə Pɨ̀a vɨ̂mvè, è pa kɔ̂ŋɔ̀ kə ndò Mi.

Njɔyn 15:21

Ə nə nə̂ ə̀ghɛ nə ghɨ̂yn sê ghàyn nâʼà ə̀kɨ̂m ə Mì ezə, kûmə̀ nə ghənə ke va wùə vɛ ə è tom Mi.

Njɔyn 16:3

Ghɨ tə nə̂ ə̀ghɛ nə ghɨyn sê ghàyn kûmə̀ nə ghənə paʼà kê Pɨ̀a Vɨ̂m ə tàʼa ke Mi.

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 6:46

Wùə vîvè paʼà fe Pɨ̀a; ə̀ tsɛ kə va vɛ È ndò sê Zhə̀fè; ə nyì ke Vəyn Vɛ ə è nyi mə è və fe Pɨ̀a.

Njɔyn 8:19

Ghɨ ə Falàsî ghə ke pfɨf sê Vəyn nə, “Pɨ̀a Vɛ̂ vàyn?” Njisə̀s ə pə̀ynsə̀ sê ghənə nə, “Ghàyn ke va Mi, ke va Pɨ̀a vɨm. Ə ghàyn fe ke Mi, mə ghàyn ke kepî ndò Pɨ̀a vɨ̂mè.”

Njɔyn 8:29

Vɛ ə È tom Mi nyi ghasè Vəyn, È paʼà zà Mi Mî nɨŋ kûmə̀ nə M zâŋsə̀ nə̂ kə èghɛ zɛ ə È kɔ̀ŋə̀.”

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Njɔyn 8:51

M pîə sê ghàyn səmɔʼ nə, nâʼàpî ndè vɛ ə è nə̀ ghɛ zɛ M zaʼlə, kwuə va.”

Njɔyn 8:52

Ghɨ Njûs nə ghɛ ə pìə sê Vəyn nə, “Zôyn ghàs lote ke ndò nə ò nyiə kyi èpamə̂ ə satàynzè! Aplàghâm ə tè kwu, fɨ̀aʼtèsè ə kwuə, pîza Ò pîə nə nâʼàpî ndè vɛ ə è nə̀ ghɛ zɛ ə Ò zaʼlə, ə è tə taʼa kwu.

Ətefɨ̂aʼ 17:23

kûmə̀ nə kè kə m fe kwìə ka fayn endaʼ, ə fe tèluʼ tɛ ə ghàyn ngɨmnə zhə̀m mâynmè ətəyn, te tsɨ̂ə kə nyi, ə fe kəpî àlaŋ efo kyîke mə ə nyàʼ ətəyn nə, ‘Kɨnə nyi sê Zhə̀ fîfe, mə wùə keva fəynfe.’ Zhə̀ nə fɨ̂nə̀ ə ghàyn ngɨmnə nyî, keva Fəynfe, nyi Fezhə̀ fɛ m wamnə̀ sê ghàyn zôyn kûmə̀ Fəynfe.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

1 Njɔyn 1:6

Ə ghâsènì sè piə nə ghasènìə ghə̀ Zhə̀fè nyì sə afɨa àmɔ̀ʼ pîza fɨnə kwîə alɨm, ə ze ə tyə̂nə̀ nə ghâsènì wamə àkaŋ, nə̂ va ghɛ zɛ ə ze nyi səmɔʼ.

1 Njɔyn 2:22

Wùə àkaŋ nyi nde? Ə̀ nyi wùə vɛ ə è pì nə Njisə̀s vachi vɛ ə Zhə̀fè chɔʼ ndə̂m. Nâʼàpî ndè vɛ ə è kwiynse Pɨ̀a è Vayn, nyi pàyn sê vɛ ə Zhə̀fè nyi mə fə kɨmnê ndəm.

1 Njɔyn 2:4

“Ə wùə pìə nə e ke ndô Zhə̀fè”, pîza ndə̂mə̀ va lwɔ̂ŋ ə Vəynve, ə è və nyi wùə àkaŋ, səmɔʼ e va ə vəyn ətəm.

1 Njɔyn 5:10

Naʼapi ndè vɛ ə è pomə sê Va Fèzhə̀ nyîə ke èghɛ nə zɨ̂nə̀ ə və ətəm. Naʼapi ndè vɛ ə è tàʼa pomə se Va Fèzhə̀ njìə Fèzhə̀ sə wùə àkaŋ kûmə̀ nə è pâʼà pomə ghɛ zɛ ə è pì kûmə̀ Va vəyn.

Etyə̂yn ə paynsêzè 3:9

Ke nə m nə̀ nə̂ ə ghɨ anɔ̀yn ə Satàyn kɛ ə ke wamə pìə nə ghənə nyi əghɨ Njûsə̀, pəyn ə ngwuʼte ə ghò əshi ə pi ə ndayn nə mə tə kɔ̀ŋ ghò.