Njɔyn 8:48 - Ŋwàʼlè ə̀ Fèzhə̀ Mkâyn Mə̂ Fèm

⁴⁸ Ghɨ Njûs ghè ə ke pì sê Njisə̀s nə, “Ghàs tè paʼà nə̀yn àchûŋ se pì nə Ò nyi wùə Sàmalyà, kyi èpamə̂ ə satàynzè ə?”

Njɔyn 8:48 ပူးပေါင်းရင်းမြစ်များ

Matyò 10:25

E tyə̂nə̀ nə wùə ezaʼlə kyi va sə̂ kyiŋə èkɔʼsê ze tsɨə tsɛ zə wûə vɛ è zaʼlə vəyn. Wùə vɛ è fɨ̀aʼà kyi kepî va sə̂ kyiŋə èkɔʼsê ze tsɨ̂ə tsɛ zə wûə vɛ ə è fɨ̀aʼà se vəyn. Ə tɔŋtə tu esas ə ndɛke nə Peelzepùl, ə tɔŋtə̂ ə̀ ghɨə vəynghe sas ə ndɛghe tsɨ̂ə tsɛ̂ za mə.

Matyò 10:5

Ə̀ tè tom fɨsê Njisə̀s è chùmtè èpàm sɨ̂nə̀ njò sepɛ̀ ə fo ghənə è lwɔ̂ŋvè nə, “Kə ghàyn ndu sê wùə endaʼ àtum; kə ghàyn ndu sê wùə ə̀ tɔ̂ŋ ə Sàmalìtâyn nâʼà èmɔ̀ʼ.

Matyò 11:18

Kə Njɔyn Fo M̀mò tè pəyn, zhiə va fɨake, mɨə va lɨ̀m, ə piə kə ə̀kɨ̂m nə, ‘E kyi epamə̂ ə satàynzè ə və fètəyn.’

Matyò 12:24

Kə ghɨə Falàsîə tè zɨ ghɛ ətəyn, ə pìə nə, “È chûmə̀ fɨsə̂ tèpamə̂ tə satàyn nə tɨ̂nə̀ nyi ke kûmə̀ nə Peelzepùl, fɔ̀yn se pamə̂ tə satàyntè ə fo vəyn è tyaʼke nə è nəyn nyiə mə.”

Matyò 12:31

Kûmə̀ zɨnə mə, M tsâ se ghàyn nə, Zhə̀fè tə lɛsə̀ fo ə̀ghɨ nâʼàpî ə pi èkè zɛ ə ghənə nyi mə nə̀yn è nâʼàpî èsôylè èkè zɛ ə ghənə nyi mə ə sòylè Zhə̀fè. Pîza ə pì nâʼàpî ndè ghɛ epi kûmə̀ sèzuʼ se Ŋwaʼase, ə tə tàʼa lɛ̀sə fo vəyn.

Matyò 15:7

Ghàyn ghɨ ekaŋkaŋa nə ghɨ̂yn! Fɨ̀aʼtè Èsayà tè nyi achûŋ kə è tè pì ghɛ zɛ ə Zhə̀fè tè tom vəyn nə,

Njɔyn 1:19

Ghɨ èghaʼâ ə Njûs ghɛ ə tè nyi ə Njèlusalɛ̀m tè tom əghɨ ə kɔʼsə nə eshyə̀ ndɛ̂ ètsə̀mə, è ghɨ esas ə ndɛ Levìghè nə ndu pfɨf sê Njɔyn Fo M̀mò nə, è nyi nde ə.

Njɔyn 10:20

Ghɨə tsɨəghe e pîə nə, “È nyîə kyi èpamə̂ ə satàynzè, È ndɨŋə zhya kə nâʼà ndò! kûmə̀ ghè ə ghàyn zɨtə sè və?”

Njɔyn 13:13

Ghàyn tɔŋtə̂ mi nə tyə̀ynsè, fɨnə tɔŋtə̂ nə Pɛ̂pɛ, e nyi ke nâʼà səmɔʼ kûmə̀ nə ə̀ lote nyi àfɨa kɛ m nyi kəynke.

Njɔyn 4:9

Wùzhɔyn ə̀təyn ə pə̀ynsə̀ sê Njisə̀s nə, “Ò nyi wùə ə Njû, m nyi wùə zhɔyn ə̀ Sàmalyà, Ò kwì zayn sə̂ ndɔnə m̀mo sê mi ə?” (Wùə Njûs tè vayn kàʼa è tomne wà kɨ̀sə tɔ̀yn yî wùə Sàmalyà.)

Njɔyn 7:20

Nɔ̂yn ətəynke ə pə̀ynsə̀ Vəyn nə, “Ò nyîə kyi èpamə̂ ə satàynzè ə ghò ewìyn! Ə̀ kyiŋə ndè se zhwiə ghò ə?”

Njɔyn 8:22

Ghɨə Njûs ə chisəghe e sè pîə nə, “È pi nə ghâsènì vayn kàʼa ə ndu elùʼ vɛ È ndùə, ze kaʼa zə nyi nə è kyiŋə se zhwiə ngɨŋə̂ Vəyn mə?”

Njɔyn 8:52

Ghɨ Njûs nə ghɛ ə pìə sê Vəyn nə, “Zôyn ghàs lote ke ndò nə ò nyiə kyi èpamə̂ ə satàynzè! Aplàghâm ə tè kwu, fɨ̀aʼtèsè ə kwuə, pîza Ò pîə nə nâʼàpî ndè vɛ ə è nə̀ ghɛ zɛ ə Ò zaʼlə, ə è tə taʼa kwu.

Ŋwàʼlè ə̀ Pɔ̂l sê ghɨə Lûmghè 15:3

Nâʼà Klâys paʼà tîəm nəyn ghɛze sə̂ saŋnə̂ kə è ngɨŋ Vəyn. Pîza è nə̂ kə nyi mə ə nyàʼ ə Ŋwàʼlè ə Fèzhə̀ nə, “Nâʼà tèsoylè tèkɨ̂m tɛ ə ghɨ tè sòylə ghàyn ə pfɨ̀ ə mì ə tu.”

Ipilù 13:13

Ə ghâsènì pɔŋ fɨ ndo elùʼ vɛ ə ghɨə ndamə, ə ndu kotê vəyn ə pɨaʼa kəpî èghomə̂ kə vəyn.

Njə̂m 2:19

E tsɔ̂fə̀ kə ò pomə nə Zhə̀fè nyì ke fèmɔ̀ʼ! Nâʼàpî tèpamə̂ tə Satàyntè nyîə pomə̂ kə pîza fɨnə tsɨŋtə̂ è fâynzè.