Njɔyn 8:47 - Ŋwàʼlè ə̀ Fèzhə̀ Mkâyn Mə̂ Fèm

⁴⁷ Nâʼàpî ndè vɛ ə è ndò sê Zhə̀fè, zɨə ndò wâmnè ə Fezhə̀zè. Ghɛ zɛ ə ze nə̂ nə kə ghàyn ə zɨə nyi kûmə̀ nə ghàyn va əghɔ Fezhə̀.”

Njɔyn 8:47 ပူးပေါင်းရင်းမြစ်များ

Njɔyn 12:48

Ghɨ ghɛ ə tə Mi, ə tàʼa pomə tom zɨ̂mzè, nyîə kyi wùə vɛ ə è tə saʼa ghənə. Ghɛ ghɛ M nyi mə mə wàmnè tə pə ə nyi ə̀ghɛ ghɛ ə tə saʼa ghənə ətəyn etuʼ ekwuŋsəve.

Njɔyn 18:37

Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

Njɔyn 5:25

M pîə sê ghàyn səmɔʼ nə shîŋə̀ kè pə̀ ndò, mə kə kàynè kwəyn, kə ghɨə ekwuəghe tə zɨə wâmnè ə Va Fèzhə̀zè, ə ghɨ ghɛ ə zɨ zəyn ə ndamə.

Njɔyn 6:65

È və kwəynsə̂ nə, “Ə̀ zɨnə nyì kepî èghɛ zɛ M tè tsàyn sê ghàyn kə M tè pi nə, ghɨ yîghe vayn kaʼa ə ghe pəyn se Mi ə̀ tsɛ̂ kə va mə Pɨ̀a Vɨ̂m və nə̀yn nə ghənə pəyn sê Mi.”

Njɔyn 8:37

M ke ndò nə ghàyn nyi fe ghâŋfə Aplàghâmfè, pîza kyiŋə se zhwiə Mi kûmə̀ nə ghàyn kɔ̂ŋɔ̀ va se zɨə ezaʼlê Zɨme.

Njɔyn 8:43

Kûmə̀ ghè ə ghàyn zɨə ke va ghɛ zɛ ə M piə ə? Ə nyi kûmə̀ nə ghàyn kɔ̀ŋɔ̀ va se zɨ ewâmnè Zɨmze.

Njɔyn 8:45

Pîza kûmə̀ nə M wâmnə̀ kə səmɔʼ sê ghàyn, ə̀ za nyi eghɛ zɛ ə ghàyn kɔ̀ŋɔ̀ va se pomə̂ sê Mi.

1 Njɔyn 3:10

Zôyn ghàs kàʼa tsayn ghɨ ghɛ ə̀ nyi ə ghɔ Fezhə̀ghè, è ghɛ ə nyi ə ghɔ ndə̂plèghè. Nâʼàpî ndè vɛ ə è ndamə va chichi, kɔ̂ŋə̀ va ghɨ epomə̂ ə mɔ̀ʼɔghe, è paʼà ndò pəyn chi se Zhə̀fè.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

2 Njɔyn 1:9

Nâʼàpî ndè vɛ ə è ndamə va kə zaʼlê ə Klâyszè tyə̀ynə̀, è va yî Zhə̀fè, pîza nâʼàpî ndè vɛ ə è chùmtè zaʼlê ə Klâyszè nyì ndô yî pɨ̀a è kɨsè vayn.

3 Njɔyn 1:11

Kə ò tə səyne èghɛ epi ə soyn vɨm ve èkɔ̂ŋ, ò pɨlə səynə kə ze chûŋzè. Nâʼàpî ndè vɛ ə è nə̂ ghɛ e chuŋè nyi vayn sê Zhə̀fè. Vɛ ə è nə̂ ghɛ ə pighe ke va Zhə̀fè.