Njɔyn 8:46 - Ŋwàʼlè ə̀ Fèzhə̀ Mkâyn Mə̂ Fèm

⁴⁶ Ə̀ nyi nde ə ghàyn ə fètəyn ə è kàʼa è tyəyn nə Mə nə̀yn pi ə? Ə M tsâ səmɔʼ sê ghàyn, kûmə̀ ghè ə ghàyn pomə va sê Mi ə?

Njɔyn 8:46 ပူးပေါင်းရင်းမြစ်များ

Matyò 21:25

Njɔyn tè fo mmo mə è njì ghayn tyaʼke ə? Ə̀ tè fo Fèzhə̀ sê vəyn mə, mə əghɨ ə?” Ghənə zhə̀tə̀ se saʼnê è ngɨŋ sə ghənə̂sè pîə nə, “Ə ghâsènì pì nə, ‘Ə fo Fèzhə̀ tyaʼa sê vəyn,’ ə è pfɨf nə, ‘Kûmə̀ ghè ə ghàyn tè tàʼa pomə̂ se Njɔyn ə?’

Ŋwàʼlè ə̀ Mâk 11:31

Ghənə ə zhə̀tə̀ sə̂ shwinə̂ ə ghənə əfètəyn pîə nə, “Ə ghâsènì pì nə, ‘Ə fo Fezhə̀ tyaʼa sê vəyn ə è pfɨf nə, ‘Ghàyn se polə̂ se pomə̂ eghɛ zɛ ə è fe piə kûmə̀ ghè?’

Njɔyn 14:30

M nə̀ fɨnə wàmnə̀ va sê ghàyn zôyn sə aghaf kûmə̀ nə vɛ ə è chisə mbi zɨ̀nə̀ pə̀ ndò. È kyi va tyaʼ kyîke, ke tsɛ̂ kɨmke,

Njɔyn 15:10

Ə ghàyn ndə̀mə̀ lwɔ̂ŋ vɨmve, M mə pa kɔ̂ŋɔ̀ kə ndò ghàyn. E nyi kepî èghɨ kə M ndəmə̀ lwɔ̂ŋ ə Pɨ̀a vɨ̂mvè, è pa kɔ̂ŋɔ̀ kə ndò Mi.

Njɔyn 16:8

Shîŋə̀ kɛ ə È nə̀ pə̂, ə Vəyn è ngɨŋə̂ Vəyn, tyəyn nə kwâʼtè tɛ ə ghɨ mbiə kyi kûmə̀ ə̀ghɛ ə piə, vachi za, ə è tyə̀yn ndom tə chichite, ə è fɨyn tyəyn èndom vɛ ə Zhə̀fè tə saʼa ghɨghe ətəyn.

Njɔyn 18:37

Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

Njɔyn 8:47

Nâʼàpî ndè vɛ ə è ndò sê Zhə̀fè, zɨə ndò wâmnè ə Fezhə̀zè. Ghɛ zɛ ə ze nə̂ nə kə ghàyn ə zɨə nyi kûmə̀ nə ghàyn va əghɔ Fezhə̀.”

Njɔyn 8:7

Ə pə̀ kə ghənə tyəm ke fu pfɨfə tèpfɨf sê Vəyn, È və ndwìə tyəmə̂ ə pìə se ghənə nə, “Ə wùə nyi ə ghàyn əfètəyn mə è paʼà tyə̂m nəyn pi, è və tɨmə vəyn è chi sə shi.”

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

1 Pità 2:22

Ə nyàʼ ə Ŋwàʼlè ə̀ Fèzhə̀ nə, “È tè paʼà nə̀yn ghɛ epi zhîze, ə tàʼa tyəmə wam akaŋ nâʼà səkɔs.”