Njɔyn 8:42 - Ŋwàʼlè ə̀ Fèzhə̀ Mkâyn Mə̂ Fèm

⁴² Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.

Njɔyn 8:42 ပူးပေါင်းရင်းမြစ်များ

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 12:49

Zɨnə nyì səmɔʼ kûmə̀ nə M tè paʼà wàmnè ə Mì atyaʼ pîza Pɨ̀a vɛ ə È tom Mi nyîə tsâ èghɛ zɛ M kyi se pì.

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Njɔyn 14:10

Ò pomə va ə Filìp nə M nyi ə̂ Pɨ̀a vɨ̂mvè ewìyn, Pɨ̀a vɨ̂mvè e nyi ə Mì ewìyn ə? Njisə̀s ə pìə sê chùmtè èpàm sə vəynse nə, ghɛ ghɛ ə m pîə sê ghàyn va ə ghɛ ghɨmghə ngɨŋə̂. Pîza ə̀ nyi Pɨ̀a vɨ̂m vɛ ə è nyi ə Mi èwiyn ə È nə̀ fɨaʼa Vəynze.

Njɔyn 16:30

Ghàs ke ndô zôyn nə Ò nyîə ke ə̀ghɛ əkɨ̂m, mə Ò fɨnə kyiŋə va nə wùə pfɨf ndô ghɛze se ghò. Zɨnə mə nə̂ nə ghàs pomə nə ò ndò sê Zhə̀fè.”

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 17:8

Mə fo tom zɛ ə Ò tè fo sê Mi sê ghənə, ghənə ə fiə zə̂ynzè ə pomə, ghənə nyîə ke nə ze nyi səmɔʼ nə M tè ndò sê ghò, ghənə pomə̂ kepî nə ə̀ tè tom ghô Mi.

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 5:23

È nəyn nyi kə ghɨghe əkɨ̂m ə ngɨmnə̂ Vayn kè eghɨ kə ə ngɨmnə Pɨ̀a. Nâʼàpî ndè vɛ ə è ngɨmnə va Vayn, vayn kàʼa è ngɨmne Pɨ̀a vɛ ə È tom Vâ ə̀təyn.

Njɔyn 5:43

M pəyn è tyaʼa Pɨ̀a Vɨ̂mkè pîza ghàyn ghe tàʼa fiə mi, mə shîŋə̀ kɛ ə wùə pə̀yn è kə vəynke nə atyaʼ, ghàyn ə fiə vəyn.

Njɔyn 8:14

Njisə̀s ə pìə sê ghənə nə, “Ngaŋ. Pî kə m wâmnə̀ kûmə̀ ngɨŋ Zɨ̂mzè, ghɛ zɛ ə M pîə nyi ke nâʼà səmɔʼ, kûmə̀ nə M ke ndô luʼ vɛ ə M ndô ətəyn, ke eluʼ vɛ ə M ndùə ətəyn. Ghàyn ke va luʼ vɛ M ndô ətəyn kɨ̀sə eluʼ vɛ M ndûə ətəyn.

1 Kɔlìŋ 16:22

Ə̂ nyì nâʼàpî ndè kɔ̂ŋɔ̀ va Zhə̀fè, ndi ə və tu!

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Etyə̂yn ə paynsêzè 22:1

Tsì ə̀təyn ə ke chwìtè ə tsò èghaʼâ m̀mò sê mi zɛ ə è fo ndamze, mô mə tə̂ynmè e nyaynə̂ kə anâynè ə ke panə tɔynə, mə m̀ fɨə pə̂ etyə̂ ə̂ fekyə̀ fə efɔ̀yn fɛ ə Zhə̀fè tsɨs ətəyn yî Vâ Ndzè,