Njɔyn 8:40 - Ŋwàʼlè ə̀ Fèzhə̀ Mkâyn Mə̂ Fèm

⁴⁰ Nâʼà ə̀ghɛ ə̀kɨ̂m ghɛ M nyi mə mə tyə̂m nəyn nyi nə m tsayn səmɔʼ sê ghàyn zɛ m zɨ sê Zhə̀fè, pîza ghàyn e mɔ̂msə̀ se zhwiə mi. Ə̀ zɨnə vachi èghɛ zɛ Aplàghâm tè nəyn.

Njɔyn 8:40 ပူးပေါင်းရင်းမြစ်များ

Njɔyn 7:1

Epàm əghɛ ghɨ̀nə̀ ə̀kɨ̂m, Njisə̀s e sè kwîə ka ə telùʼ ə telùʼ apàs endaʼa Ngalìlîkè, kɔ̀ŋɔ̀ va se kwiə ndu apàs endaʼa Njòdyâkè, kûmə̀ nə ghɨə Njûsə̀ fu tè kyiŋə se zhwiə Vəyn.

Njɔyn 8:26

Ghɛ tsɨ̀ə kə nyi kə M kàʼa ə M pi kûmə̀ ghàyn, fɨnə tsɨ̀ə kəpi kə M kaʼa M pi nə ghàyn ə nə̀yn pofsê. Vɛ ə È tom Mi nyi Wùə səmɔʼ. Ghɛ ghɛ M tsâ sê ghàyn fa mbi nyi ke ə̀ghɛ ghɛ M zɨ sê Vəyn.”

Njɔyn 8:56

Pɨ̀a vâyn Aplàghâm tè nyiə saŋnə̂ nə è tə fe fètuʼ fɛ M tə pə̂ ətəyn. Ə fe fəynfe sè saŋnə̂.”

Ŋwàʼlè ə̀ Pɔ̂l sê ghɨə Lûmghè 4:12

Zɨnə mə tè nyì kə è və nyi kepî pɨ̀a ə̀ghɨ̀ ghɛ ə nyi mə ə se nam ə ghənə̂ghè, mə ghənə ə pomə kepî Zhə̀fè eghɨ kə pɨ̀a ghâsènì tè pomə ndɔ̀ʼɔ nyiəm se ə̀nam ə vəynghe.

Ngàleshyà 4:16

Mə kɛse wùə epi zôyn se ghàyn kûmə̀ nə mə wàmnè səmɔʼ mə?

Ngàleshyà 4:29

Ə̀ tè nyì fumə ashìŋə̀, vayn vɛ ə tè piə kè nâʼà kə wùzhɔyn nə̂ è və pɔŋə vayn, è və piə, tè nyiə tsə̂fsə̀ vayn vɛ ə tè piə mə ə̀ nəyn Sezuʼ sə Fezhə̀sè. E kyânə̀ kəpi za zôyn.

Etyə̂yn ə paynsêzè 12:17

Ndlangɔ̀yn ə̀təyn ə nyɔʼsə̀ ètɔŋ sê wùzhɔyn ə̀təyn nâʼà sə ŋaŋ ə ndò ndùə ndwîsə̀ èghɔŋ sê tɔŋ ə ndɛ ə wùzhɔyn ətəyn vɛ ə ghənə tè faŋ, ə nyi ə̀ghɨ̀ ghɛ ə ghe tè ndə̀mə lwɔ̂ŋ ə Fezhə̀vè, fɨnə fɛtə kyiə səmɔʼ zɛ ə Njisə̀s tè tyə̀n paynsê.

Etyə̂yn ə paynsêzè 12:4

Kwiyn ə zə̂ynzè ə zə̂sə̀ àpâs mlìkè amɔ̀ʼ ə chi ezhoghɛ ə chyâtè lì mə təynmè pɨ̂as vetwɔ. Ndə̂plè zɛ ə tyəmə ə wùzhɔyn vɛ əshi ə è tè kyiŋə se piə za sè pfɨ̂tə̀ se kwɨlə va ə̀təyn, ashìŋə̀ kɛ è piə.