Njɔyn 8:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ Njisə̀s ə pìə sê ghənə nə, “M tsâ se ghàyn səmɔʼ nə, nâʼàpî ndè vɛ è nə̀ pi nyi àkɔ̂s sê pi.

Njɔyn 8:34 ပူးပေါင်းရင်းမြစ်များ

Matyò 5:18

M tsâ sê ghàyn səmɔʼ, kə kwutwəyn è chike tə ndamə zaʼâ pî zàyn, wùə tə kəʼsə̂ va nâʼàpî fèghɛlə̀ fɛ ə fe tətə kwûŋsə̀ əfètə̂ Àlâŋ nə kɛ, ə̀ tsɛ̂ kə va mə ghɛ ə̀kɨ̂m ə kyayn.

Njɔyn 3:3

Njisə̀s ə pə̀ynsə̀ sê vəyn nə, “M pîə sê ghò səmɔʼ nə, wùə vayn kàʼa è nji elùʼ efɔ̂yn ə Fezhə̀vè ə̀ tsɛ̂ kə va mə ə kɛsê pîə vəyn.”

Ətefɨ̂aʼ 8:23

Kûmə̀ nə mə ə fe nə ò kyi aghə̀ʼ a kaynəke, fɨyn nyi àkɔ̂s sê pi.”

Ŋwàʼlè ə̀ Pɔ̂l sê ghɨə Lûmghè 6:12

Kə ghàyn fɨyn za nə pi ə kyi àtyaʼ ə ghàyn etûə èwìyn achaʼ mchike. Zɛ mə nə̀ nə̂ ə ghàyn ə fɨyn va chùmtè əghɛ ghɛ njà ewìynse kyiŋə.

Ŋwàʼlè ə̀ Pɔ̂l sê ghɨə Lûmghè 6:16

Ghàyn keva nə ezhoghɛ ə wùə ndə̀m ngɨŋə̂ vəyn ə wùə mɔ̀ʼɔ etyə̀ kə akɔ̂s, ə è və nə̂ nâʼàpî èghɛ èkè zɛ ə wùə ətəyn pîə, kə è nyi akɔ̂s se wùə təyn ə? Ghɨ ghɛ ə nyi mə fo ngɨŋ sə ghənə̂sè se ə̀ nə̂ ə̀ghɛ ə pighe, ndâʼà ghənə̂zè nyi ekwu. Pîza wùə vɛ ə è fo ngɨŋə̂ vəyn se nə̀yn kə Zhə̀fè kyiŋə, è nyi wùə vɛ ə è nə̀ ghɛ ghɛ ə ghe nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

Ŋwàʼlè ə̀ Pɔ̂l sê ghɨə Lûmghè 7:14

Ghâsènì nyiə ke nə Lâŋ kɛ ə ghâsènì wàmnə̀ kûmə̀ kəynke nyi afɨa ə sezuʼ. Pîza m nyi wùə m̀sɔ̀ŋ. M nyi kə wùə ə pəʼle etyə̂ pi kə akɔ̂s.

Ŋwàʼlè ə̀ Pɔ̂l sê ghɨə Lûmghè 7:25

Zɔ̀ŋnèkè nyì sê Zhə̀fè. E və fi za ndam zɨmze tɔynə̂ ə Va Vəyn Pɛ̂pɛ ə̀ ghâsènì Njisə̀s Klâys. Təm ghɨmə tsâ se mi nə m chumte lâŋ ə Fezhə̀kè, pîza wiyn vɨm və wûə msɔ̀ŋve e chûmtə̀ pi zɛ ə è nyi ə mì əfètəyn.

Ŋwàʼlè ə̀ Pɔ̂l sê ghɨə Lûmghè 8:21

zhi nə̀ fɨsə̂ èfɨa nə vɨnə mə etyə̂ àtyaʼ kɛ ə ke nə̂ nə fɨave ə fîə, ə ghənə ə kyi kepî èndom se fiə kəpì epomsê zɛ ə Zhə̀fè nyi mə Fe ə fo sê ghɔ Vəynghe.

Ɛfesùs 2:2

Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

2 Pità 2:19

Ghənə tsɨ̂nə̀ se ghɨ nə ghɨ̂yn nə ghənə fɨyn va èkɔ̂s, pîza nyi èkɔ̂s è ngɨŋ sə ghənə̂sè sê ghɛ ghɛ ə njà sewìyn sə ghənə̂sè kyiŋə. E nyi nyî kûmə̀ nə nâʼàpî àkè kɛ ə ke chisə wùə, è nyi akɔ̂s se fɨa nə kɛ mə.