Njɔyn 8:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Ghɛ tsɨ̀ə kə nyi kə M kàʼa ə M pi kûmə̀ ghàyn, fɨnə tsɨ̀ə kəpi kə M kaʼa M pi nə ghàyn ə nə̀yn pofsê. Vɛ ə È tom Mi nyi Wùə səmɔʼ. Ghɛ ghɛ M tsâ sê ghàyn fa mbi nyi ke ə̀ghɛ ghɛ M zɨ sê Vəyn.”

Njɔyn 8:26 ပူးပေါင်းရင်းမြစ်များ

Njɔyn 15:15

M fɨnə tɔŋtə̂ va ghàyn zôyn nə ghɨ efɨaʼaghe kûmə̀ nə wùə èfɨ̀aʼa ke va ghɛ zɛ ə Pɛ̀ èfɨaʼ ə vəyn nə̂. M pɨlə tɔŋtə̂ ghàyn zôyn nə soyn sɨmse kûmə̀ nə mə tsàyn ghɛ ghɛ Pɨ̀a vɨ̂m tsàyn sê Mi nâʼà ə̀kɨ̂m sê ghàyn.

Njɔyn 16:12

M nyîə pa kyi ə̀ghɛ se pì sê ghàyn ghe tsɨ̀ə kə nyi, pîza mə ghàyn zɨ zôyn, ə ghə tsɨə tsɛ̂ ghàyn.

Njɔyn 17:8

Mə fo tom zɛ ə Ò tè fo sê Mi sê ghənə, ghənə ə fiə zə̂ynzè ə pomə, ghənə nyîə ke nə ze nyi səmɔʼ nə M tè ndò sê ghò, ghənə pomə̂ kepî nə ə̀ tè tom ghô Mi.

Njɔyn 18:20

Njisə̀s ə pə̀ynsə̀ ə pìə nə, “Mə wàmnè ə ndayn sê nâʼàpî ndè, zaʼlê Zɨmze kɨ̂m tè njiə eluʼ ə ndɛ àtsɨ̂ynte è kɨsè ə Ndɛ Ètsə̀mə, elùʼ vɛ ə ghɨgh əkɨ̂m tè pə kaʼke amɔ̀ʼ. M paʼà tyəmə̂ nyaʼtə̂ pîə èghɛ zhîze.

Njɔyn 3:11

M pîə sê ghàyn səmɔʼ nə, ghàs wàmnə̀ èghɛ zɛ ə ghàs ke, kɛsə̂ tsâ zɛ ə fe, pîza wùə vîvè ə ghàyn ə fèteyn e kɔ̂ŋə̀ va se pomə̂ tom zâszè.

Njɔyn 7:16

Njisə̀s ə pə̀ynsə̀ nə, “Ghɛ zɛ M zaʼlə vachi Zɨm nə ezaʼlê, pîza ze pə̂ se Zhə̀ Fɛ Fe tom mi.

Njɔyn 7:28

Kə Njisə̀s tè zaʼlə ə Ndɛ Ètsə̀mə, ə pìə è kyə̀ è tɛ nə, “Ghàyn lote ke ndò Mi è luʼ vɛ ə M ndô ə tə? M pâʼà pə̀yn fayn sə Mìə atyaʼa ngɨŋke. Vɛ ə è tom Mi, nyi ke səmɔʼ. Ghàyn ke va vəyn.

Njɔyn 8:25

Ghənə ə pfɨfə sê Njisə̀s nə, “Ò nyi nâʼà ndè?” Njisə̀s ə pə̀ynsə̀ nə, “M nyi wùə vɛ ə M fe tsàyn sê ghàyn ə zhə̀te nə M nyi Vəyn.

Njɔyn 8:27

Ghənə tè paʼà zɨ kê nə Njisə̀s wàmnə̀ se ghənə kûmə̀ Pɨ̀a ə̀ Vəyn.

Njɔyn 8:40

Nâʼà ə̀ghɛ ə̀kɨ̂m ghɛ M nyi mə mə tyə̂m nəyn nyi nə m tsayn səmɔʼ sê ghàyn zɛ m zɨ sê Zhə̀fè, pîza ghàyn e mɔ̂msə̀ se zhwiə mi. Ə̀ zɨnə vachi èghɛ zɛ Aplàghâm tè nəyn.

2 Kolìŋ 1:18

Kè kə Zhə̀fè nyi mə Fe wâmnə̀ tsɛ kə səmɔʼ, wâmnè zɨme sê ghàyn tè vachi zə “Eyn” è “Ngaŋze.”