Njɔyn 8:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Mə pì sê ghàyn nə ghàyn nə̀ kwuə ə ghàyn ə sepi. Ghàyn kyi se kwu ə ghàyn tàʼa pomə nə, ‹M nyi wùə vɛ ə M nyi Vəyn.›”

Njɔyn 8:24 ပူးပေါင်းရင်းမြစ်များ

Matyò 24:5

Ghɨ tə pə̂ se tsɨ̀ ə ghənə ə pîə nə, ‘Ə̀ nyi ghənə è vɛ ə chɔʼ ndə̂m.’ Ə ghənə kyiŋse tsɨ̀tsɨ̂ endom nə vɨ̂yn.

Ŋwàʼlè ə̀ Mâk 13:6

Ghɨə tə pə̂ se tsɨ̀ ə Mì ezə ə pîə nə ‘Ə̀ nyi Mi vɛ ə Zhə̀fè kɨmne!’ ə ghənə ə kyîŋsə̀ ə̀ghɨ tsɨə.

Ŋwàʼlè ə̀ Mâk 16:16

Ə̂ pomə pîndè, ə fiə m̀mo, ə è tə kyî esɔzaze. Ə̀ faŋa pîndè se pomə̂, ə è tə kyî èpɔynsê.

Tom èchùŋ kè kə Lûk tè nyaʼ 21:8

È və piə nə, “Ghàyn tɔ̂ʼnə̀, kə wùə nə̂ kyiŋsè ghàyn. Ghɨ tə nə̂ ə pə̂, tsɨ̀ə kə nyi, ghe nə nə̂ ə ghe ə pə̀ ə mi ezə. Ə pə̀yn pi ndè piə nə, ‘Ə̀ nyi ke nâʼà mi nə vɛ nyi!’ fɨnə piə nə, ‘Shîŋə̀kè ə kwəyn zôyn!’ Ghàyn zɨ za, kə wùə ndù ə ghənə epàm.

Njɔyn 13:19

M tsâ ə̀ghɛ nə ghɨ̂yn sê ghàyn zôyn, ze pa tsɨs se kyàyn, kə e nə̂ kyayn, ə ghàyn pomə nə, ‘M Nyi Wùə Vɛ M Nyi Vəyn.’

Njɔyn 3:18

Ghɨ ghɛ ə pomə sê Va ətəyn, tə pfɨ̂ə va saʼ, pîza ghɨ ghɛ ə tàʼa pomə kàyne nyi mə ə pfɨ̀ saʼ. Kûmə̀ nə ghənə paʼà pomə se Vâ Fèzhə̀ vɛ ə̀ nyì ke Vəyn.

Njɔyn 3:36

Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”

Njɔyn 4:26

Njisə̀s ə pə̀ynsə̀ nə, “Ə̀ nyi Mi nə vɛ m wamnə̀ sê ghò.”

Njɔyn 8:21

Njisə̀s ə pìə kwəynsə̂ se ghənə nə, “M nə̀ ndô, ə ghàyn ə kyiŋə mi, pîza ə ghàyn tàʼa fe Mi, ə ghàyn kwu ə ghàyn ə sepi. Luʼ vɛ M nə̀ nə̂ M mə nyi ətəyn, ghàyn vayn kàʼa ə pəyn fu.”

Njɔyn 8:25

Ghənə ə pfɨfə sê Njisə̀s nə, “Ò nyi nâʼà ndè?” Njisə̀s ə pə̀ynsə̀ nə, “M nyi wùə vɛ ə M fe tsàyn sê ghàyn ə zhə̀te nə M nyi Vəyn.

Njɔyn 8:28

Njisə̀s ə pìə sê ghənə nə, “Ghàyn tə kɔʼsə̂ Va wùə ə awâmnè, ə paynte Vəyn, ə ke nə, ‘M nyi wùə vɛ M pîə nə M nyi Vəyn,’ Ə fɨyn kê nə M nə̂ va ghɛ sə mìə ngɨŋ, pîza piə kə èghɛ zɛ Pɨ̀a nyi mə È və pì nə M pi.

Njɔyn 8:58

Njisə̀s ə pə̀ynsə̀ sê ghənə nə, “M piə sê ghàyn səmɔʼ nə, ə tè piə piə Aplàghâm mə ‹M nyîə nyi!›”

Ətefɨ̂aʼ 4:12

Ə̀ nyì ke Vəyn ènɨŋ ə È kàʼa ə È sɔza ə̀ghɨ, kûmə̀ nə Zhə̀fè pâʼà fɨyn fo wùə vîvè ə mbi kə è kàʼa ə è sɔza ghâsènì.”

Ipilù 12:25

Ghàyn e tɔ̂ʼnə̀ kə wùə sê ghàyn nə tə se zɨtê sê vəyn vɛ ə è wàmnə̀. Ghɔ Isìlây ghè ə tè tə se zɨtê sê wùə vɛ ə è tè pəyn è tom ə̀ Fèzhə̀ fa mbi, zamə ə tàʼa faŋ se tsosə ghənə. E za tyə̀nə̀ nə ə ghâsènì ke tə se zɨə kyə̀ wùə vɛ ə è ndo ekwùtwəyn, ə ghâsènì tə kyî ètsôs ə və tsɨə tsɛ̂ və ghənə̂vè.

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.