Njɔyn 8:23 - Ŋwàʼlè ə̀ Fèzhə̀ Mkâyn Mə̂ Fèm

²³ Njisə̀s ə pìə sê ghənə nə, “Ghàyn nyi əghɨ mə ghàyn ndò fa chi, pîza M ndo pə̂yn ekwùtwəyn. Ghàyn nyi əghɨ mə ə ndo pə̂yn fa mbi, pîza M vachi wùə ə̀ mbi zɨ̀nə̀.

Njɔyn 8:23 ပူးပေါင်းရင်းမြစ်များ

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 17:14

Mə tə tsàyn tom Zɛ sê ghənə, ghɨ ə mbighe e sè panə̀ ghənə kûmə̀ nə ghənə va kə ghɨ mbiə, kèpî eghɨ kə M va kə wùə mbi.

Njɔyn 17:16

Ghənə vachi ə̀ghɨ mbiə, kèpi eghɨ kə M vachi wùə mbi.

Njɔyn 3:13

Nâʼà wùə èmɔ̀ʼ pâʼà tyəmə̂ kɔʼɔ ekwùtwəyn, ə̀ tsɛ̂ kə va Va Wùə, kə È tè ndò ekwùtwəyn ə tso pə̂ ə chi.

Njɔyn 3:31

Vɛ ə è ndò pə̂yn ekwùtwəyn nyîə kɔʼnə̂ tsɛ̂ nâʼàpî ndè vɛ ə piə ə chi nyi ke kə wùə chi, wàmnə̀ kûmə̀ kə ə̀ghɛ ə chîə. Pîza vɛ ə è pə̀yn ekwùtwəyn nyîə ngaŋtə tsɛ nâʼàpî ndè.

Njə̂m 4:4

Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.