Njɔyn 8:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ghɨ ə Falàsî ghə ke pfɨf sê Vəyn nə, “Pɨ̀a Vɛ̂ vàyn?” Njisə̀s ə pə̀ynsə̀ sê ghənə nə, “Ghàyn ke va Mi, ke va Pɨ̀a vɨm. Ə ghàyn fe ke Mi, mə ghàyn ke kepî ndò Pɨ̀a vɨ̂mè.”

Njɔyn 8:19 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Njɔyn 1:10

È tè nyi ə mbi, pî kə Zhə̀fè tè fɛtè mbi yî Vəyn, mbi ə tàʼa fe kê ə Vəyn.

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 15:21

Ə nə nə̂ ə̀ghɛ nə ghɨ̂yn sê ghàyn nâʼà ə̀kɨ̂m ə Mì ezə, kûmə̀ nə ghənə ke va wùə vɛ ə è tom Mi.

Njɔyn 16:3

Ghɨ tə nə̂ ə̀ghɛ nə ghɨyn sê ghàyn kûmə̀ nə ghənə paʼà kê Pɨ̀a Vɨ̂m ə tàʼa ke Mi.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 7:28

Kə Njisə̀s tè zaʼlə ə Ndɛ Ètsə̀mə, ə pìə è kyə̀ è tɛ nə, “Ghàyn lote ke ndò Mi è luʼ vɛ ə M ndô ə tə? M pâʼà pə̀yn fayn sə Mìə atyaʼa ngɨŋke. Vɛ ə è tom Mi, nyi ke səmɔʼ. Ghàyn ke va vəyn.

1 Kɔlìŋ 15:34

Ghàyn kɛse pəyn ə ghàyn ə tetɔf ə kəmne ə ghàyn ə tendom tə pite. M pîə nyi kə ghàyn ghomə kûmə̀ nə ghàyn yîghe keva Zhə̀fè.

Ngàleshyà 4:9

Pîza ghàyn e sè ke Fèzhə̀ zôyn, me m kaʼa m pi nə ə̀ pɨl ndô fəynfe ə kê ghàyn. Ghàyn kàʼa ghàyn fɨyn kɛse zàyn sə fɨaʼà àkɔ̂s sê zuʼ sɛ se kyi va tyaʼke, va nâʼà eghɛ ə? Kûmə̀ ghè ə ghàyn kyiŋə se fɨnə kə̀mnè se ekɔ̀s sê zuʼ nə sɨ̂nə̀ ə?

Ɛfesùs 1:17

M pîə m tsə̀mə̀ nâʼàpî ashìŋə̀ àkè, m chyatə̂ Fèzhə̀ Pɛ̂pɛ ə ghâsènì Njisə̀s Klâys, mə za nyi Pɨ̀a vɛ ə è kyi tyaʼa nə è fo Zuʼsə vəyn sɛ ə se fo tɔfe fɨnə tyə̂nə̀ paynsə̂ ə̀ghɛ kayntə ə vəynghe kə ghe nəyn ə ghàyn ə fɛte ke vəyn.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

Kòlosè 1:15

Wùə vîvè paʼà tyəmə̂ fe Fèzhə̀ è shiə vəynghe. Pîza ghɨghə tə ke Zhə̀fè kə ghənə tè fe Klâys kûmə̀ nə è nyi afusè ə Fezhə̀kè.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

1 Njɔyn 2:23

Ə̂ kwiynse pîndè Vayn, ə nyi mə è və kwiynsê kepî Pɨ̀a. Pîza ə̂ pomə pîndè Vayn, ə nyi mə è və pomə kepî Pɨ̀a.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

2 Njɔyn 1:9

Nâʼàpî ndè vɛ ə è ndamə va kə zaʼlê ə Klâyszè tyə̀ynə̀, è va yî Zhə̀fè, pîza nâʼàpî ndè vɛ ə è chùmtè zaʼlê ə Klâyszè nyì ndô yî pɨ̀a è kɨsè vayn.