Njɔyn 8:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Ghàyn saʼa è tɔf ə wûə m̀sɔ̀ŋze, M saʼa va wùə vîvè.

Njɔyn 8:15 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:14

Pîza Njisə̀s ə piə sê vəyn nə, “Nə mbɛ̀ ə vɨ̀yn, ə tè pâʼà chɔʼ mi nə m tyəm ə ghàyn ə fètəyn sə wùə èchyàtə,”

Njɔyn 12:47

Ə ghɨə zɨ tom Zɨ̂mzè ə tàʼa ndə̀mə zɨ̂ynzè, M tə tàʼa saʼa ghənə. M tè paʼà pə̀yn chi se saʼa mbi, pîza se pɨlə sɔzà ə ghɨ mbighe.

Njɔyn 18:36

Njisə̀s ə pə̀ynsə̀ nə, “Fɔ̂yn vɨm va fa mbi. Ə fɔ̂yn vɨm fe nyì fa ə mbi, mə chùmtè èpàm sɨmse ə nò se nə̀yn nə kə fo tsɛsè Mi sê ghɨə Njûs ə ghaʼlə̂. Pîza fɔ̂yn vɨm va fa ə mbi.”

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 7:24

Kə ghàyn ə saʼa ghɨ kè kûmə̀ ə̀ghɛ ghɛ ə ghàyn naynə ndûə fe əpɨəyn, Ghàyn e saʼa endom səmɔʼ.”

Njɔyn 8:11

Wùzhɔyn ətəyn ə pə̀ynsə̀ nə, “Nâʼà wùə èmɔ̀ʼ pâʼà faŋ ə Pɛ̀ apɨəyn.” Njisə̀s ə pìə sê vəyn nə, “Nâʼàpî Mi nə̀ pɔŋɔ pîə va nə ə zhwi ghô. Ndo kwɨlə pîza kə ò kɛse nəyn pi.”

Ŋwàʼlè ə̀ Pɔ̂l sê ghɨə Lûmghè 2:1

E za tyə̀ nə nâʼàpî ndè vɛ ə è saʼa ghɨghe kɔ̀ŋə è və nyi pi ndè kiva ghɛ zhize se pì kə kaʼa lɛse fo ghənə, kûmə̀ nə shîŋə̀ kɛ ə ò saʼa ghɨghe mə ò nə̀ kəpi èghɛ zɛ ə ò saʼa ghənə sə təyn, ze tyə̂ nə nâʼà ghò ə nə̀yn ngɨŋ zɛ̂zè nə è pfɨ saʼ.

1 Kɔlìŋ 2:15

Nâʼàpî ndè vɛ ə è kyi Zuʼse zɨ kê kə ə̀ghɛ ə̀kɨ̂m, pîza mə wùə vîvè vayn kaʼa è zɨ kê èghɛ kûmə̀ vəyn,

2 Kolìŋ 5:16

Se zhə̀tè zôyn, ghàs nə fɨnə njìə va wùə endom vɛ ə ghɨ mbi njìə ətəyn. E nyi ke nâʼà səmɔʼ nə, ə tè nyi ə shɨŋ zhîzè, ghàs e njiə Klâys zamə, pîza se zhə̀tè zôyn, ghàs fɨnə njîə va vəyn za.

Njə̂m 2:4

piə zɨnə mə tyə̂nə̀ nə ghàyn nyîə kɔ̂ŋə̀ ə̀ghɨ əmɔ̀ʼɔghe ə ghàyn əfètəyn tsɛ̂ yîghe ə? mə ghɛ zɛ ə ze nə̂ nə ghàyn ə nə̂ nyiəmə nyi pi.