Njɔyn 8:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Wùzhɔyn ətəyn ə pə̀ynsə̀ nə, “Nâʼà wùə èmɔ̀ʼ pâʼà faŋ ə Pɛ̀ apɨəyn.” Njisə̀s ə pìə sê vəyn nə, “Nâʼàpî Mi nə̀ pɔŋɔ pîə va nə ə zhwi ghô. Ndo kwɨlə pîza kə ò kɛse nəyn pi.”

Njɔyn 8:11 ပူးပေါင်းရင်းမြစ်များ

Tom èchùŋ kè kə Lûk tè nyaʼ 13:3

E va chi za nâʼà səkɔs, pîza m piə sê ghàyn nə, ə ghàyn tàʼa pə̀ynsè ə təm ghaynghe ghɛ ə pi ghaynghe, ə ghà əkɨ̂m tə njìsè kepî zâ.

Tom èchùŋ kè kə Lûk tè nyaʼ 13:5

e va chi zâ nâʼà səkɔs, pîza m piə sê ghàyn nə, ə ghàyn tàʼa pə̀ynsè ə təm ghaynghe ə ghɛ ə pi ghaynghe, ə ghàyn əkɨ̂m tə njìsè kèpi zâ.”

Tom èchùŋ kè kə Lûk tè nyaʼ 15:10

M piə sê ghàyn nə, ə wùə èpi emɔ̀ʼ pə̂ynsè təm ə vəynghe ə kɛse ndùə sê Zhə̀fè, tsì sə vəynse esaŋnə̂ kəpi zâ.”

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Tom èchùŋ kè kə Lûk tè nyaʼ 15:7

M piə sê ghàyn nə, e tə nə̂ ə ze ə nyi kepî za ekwùtwəyn. Saŋnêzè tə nə̂ ə ze ə nyi ekwùtwəyn kûmə̀ wùə èpi emɔ̀ʼ vɛ ə è pə̀ynsə̀ təm ə və, ə kɛsə̂ pə̀ sê Zhə̀fè tsɛ̂ kə ze nyi kûmə̀ ə̀ghɨ m̀ghɨm m̀pɔləmɔ̀ʼ njòse pɔləmɔ̀ʼ ghɛ ə ghe kwàʼtə̀ nə ghe fɨyn kyi va se pə̀ynsè ətəm.”

Tom èchùŋ kè kə Lûk tè nyaʼ 5:32

M pâʼà pə̀yn se chi sê ghɨ ghɛ ə tyəm chichi, m pə̀yn kûmə̀ ə̀ghɨ piə se nə̀yn nə ghənə kwiyne təmə ə ghənə̂ghè.”

Tom èchùŋ kè kə Lûk tè nyaʼ 9:56

Nyi, Njisə̀s yî chùmtè èpàm sə vəynse ə ndò ə ndùə ə tə̀ʼ zhize.

Njɔyn 18:36

Njisə̀s ə pə̀ynsə̀ nə, “Fɔ̂yn vɨm va fa mbi. Ə fɔ̂yn vɨm fe nyì fa ə mbi, mə chùmtè èpàm sɨmse ə nò se nə̀yn nə kə fo tsɛsè Mi sê ghɨə Njûs ə ghaʼlə̂. Pîza fɔ̂yn vɨm va fa ə mbi.”

Njɔyn 3:17

Zhə̀fè tè paʼà tom Vâ vəyn ə mbi nə è pəyn saʼ ə̀ghɨ. Pîza È tè tom Vəyn nə È pəyn Sɔza ə̀ghɨ.

Njɔyn 5:14

Ə mòtə̀ tso, Njisə̀s ə fɨnə fe vəyn ə Ndɛ Ètsə̀mə ə pìə sê vəyn nə, “Zɨte, o tɛ zôyn. Kə ò fɨyn nəyn pi, ə va za ə ghɛ e kyayn sê ghò, ə zə kwûəmnə̀ kə nyi.”

Njɔyn 8:15

Ghàyn saʼa è tɔf ə wûə m̀sɔ̀ŋze, M saʼa va wùə vîvè.

Ŋwàʼlè ə̀ Pɔ̂l sê ghɨə Lûmghè 2:4

Kə ghàyn nə nji nə təm ə əchûŋ ə Fezhə̀ èghaʼâ ghè, è wəynsê ewìynze va eghɛ zhîze. Shîŋə̀ etyâ kɛ ə Zhə̀fè nyi mə fə fo sê ghàyn nyì se nə̀yn nə ghàyn maʼa pi saynse.

1 Kɔlìŋ 5:12

Nâʼàpî sə kàyn, mi kə̂ wùə èpomə kyi va sə̂ saʼa ə̀ghɨ, ghənə e va ə ghâsènì anɔ̀yn. Ghàyn kyi sə̂ saʼa kə ə̀ghɨ ghɛ ə ghe nyi ə ghâsènì anɔ̀yn.

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,