Njɔyn 7:37 - Ŋwàʼlè ə̀ Fèzhə̀ Mkâyn Mə̂ Fèm

³⁷ Ə tè nyi etuʼ azhi ə kwuŋsəke, mə za nyi nâʼà etuʼe kɔʼnəve, Njisə̀s ə ndwìə tyəmə ə pìə è kyə̀ ètɛ nə, “Ə pfɨ̀ŋ m̀mò zuʼsə nâʼàpî ndè è və pə̀ sê Mi kə M fo môm, ə è mɨ.

Njɔyn 7:37 ပူးပေါင်းရင်းမြစ်များ

Matyò 11:28

Ghàyn pəyn sê mi, ə ghàyn əkɨ̂m ghɛ ə ghàyn nyi mə pɔ se pɨàʼà ekyə̀yn etɨlə ve ə M fo zɨ̀tèkè sê ghàyn.

Matyò 3:3

Njɔyn tè nyi wùə vɛ ə fɨ̀aʼtè Èsayà tè wàmnə̀ kûmə̀ vəyn kə è pì nə: “Wùə viu ndàʼà elùʼ ashəshəe nə, ‹Ghàyn pɨaʼte sê pə̂yn ə Pɛ̂pɛze. Ghàyn nəyn ə ndom mə vəynve ə nânə̀.›”

Matyò 5:6

Pɔsê nyì sê ghɨ ghɛ ə chɨ̀ŋ zafə ghənə sə̂ nə̂ ə̀ghɛ ghɛ Zhə̀fè kyiŋə. Zhə̀fè tə fo sê ghənə kè kə ghənə kyiŋə.

Njɔyn 1:23

Njɔyn ə pə̀ynsə̀ ghənə ə tsà kə fɨ̀aʼtè Èsayà tè pi nə, “M nyi kyə̀ wùə vɛ ə è tɔŋə pîə elùʼ ashishive za nə, ‹Ghàyn nəyn ə ndom ə Pɛ̂pɛve ə nâynə̀ kə È kwi ətəyn.›”

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 4:10

Njisə̀s ə pə̀ynsə̀ sê vəyn nə, “Ə ò fè ke fɨa vɛ Zhə̀fè fo sê ghɨə fɨyn ke wùə vɛ è ndɔnə mô nə mɨ̂yn sê ghò, ə ò ndɔyn sê Vəyn, ə È fo ghô è môm mɛ m̀ fo ndamze.”

Njɔyn 4:11

Wùzhɔyn ə̀təyn ə pìə nə, “Pɛ apɨəyn, Ò kyi va fɨa kɛ ə tuə mômè ətəyn, puʼ mmò kɨ̂nə̀ e lɔŋɔ. Ò nə̀ njìə ghayn mô mɛ ə m̀ fo ndam zə?

Njɔyn 4:14

Pîza, ghɨ ghɛ ə mɨ mô mɛ m nə̀ fo sê ghənə tə fɨnə kyîə va pfɨ̀ŋ ə̀ m̀mò. Mo mɛ M nə̀ fo sê ghənə nə̀ nə̂ mə nyi ə ghənə ə fètəyn kə tɔŋ m̀mò zɛ ə è zomə tsɛ̂ va. Mo mə təynmè nə̀ fo ghənə èndam zɛ ə ze tə mîə va.”

Njɔyn 5:40

Pîza, ghàyn e kɔ̂ŋə̀ va se pə̀yn se Mi kə ghàyn ə kyî èndam zɛ ə ze tə mîə va.

Njɔyn 6:35

Njisə̀s ə pìə sê ghənə nə, “M nyi apayn ə kwaŋ kɛ ə ke fo ndam zɛ ə ze tə mîə va. Ghɨ ghɛ ə ghe pə̂yn sê Mi, chɨ̀ŋ tə fɨnə zafə va ghənə, ghɨ ghɛ ə pomə sê Mi, ə tɔŋə pfɨŋve tə tàʼa zaf ə ghənə.

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Njɔyn 6:55

Kûmə̀ nə wiyn vɨm nyi kàyntè àpayn ə kwaŋke, ndə̂m mə̂m me nyi kàyntè afɨa ə mɨəke.

Njɔyn 7:28

Kə Njisə̀s tè zaʼlə ə Ndɛ Ètsə̀mə, ə pìə è kyə̀ è tɛ nə, “Ghàyn lote ke ndò Mi è luʼ vɛ ə M ndô ə tə? M pâʼà pə̀yn fayn sə Mìə atyaʼa ngɨŋke. Vɛ ə è tom Mi, nyi ke səmɔʼ. Ghàyn ke va vəyn.

1 Kɔlìŋ 10:21

Ghàyn vayn kàʼa ə mɨə ə Pɛ̂pɛ ə wà fɨnə mɨə kəpî ə pamə̂ tə satàyntə wà. Ghàyn vayn kaʼa ə zhiə ə Pɛ̂pɛ etuə alaŋ fɨnə zhiə kəpî etûə àlaŋ ə tepamə̂ tə satàyntè.

1 Kɔlìŋ 10:4

ə mɨə kəpî m̀mo mə Sèzuʼ mè m̀mɔ̀ʼ mə m̀ ndò awulə. Ghənə tè mɨ mmo mə təynmè mə m̀ fɨ anayn mə ke ndo awulə, nayn ətəynke ə ndùə yî ghə̀ ghənə mə nayn ətəynke tè nyî Klâys è ngɨŋə̂ Vəyn.

1 Kɔlìŋ 11:25

Ə pə̀ kə ə zhi mɨsè, È və nə̂ kəpî zâ è wà, ə pìə nə, “Wà zɨ̀nə nyi wà m̀kàyn me fêm mə ə zhɔyn è ndə̂m mîəm̀. Nâʼàpî ashìŋə̀ àkè kɛ ə ghàyn mɨ zə̂ynzè, ə è zə nə̂ nə ghàyn ə kwaʼtə̀ Mi.”

1 Kɔlìŋ 12:13

Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.

Ɛfesùs 5:18

Kə ghàyn nə mɨ mlɨ zâ m̀ ko ghàyn kûmə̀ nə lɨ̀m pə̀ kə è ndamə nyâmfèkàʼè. Ghàyn pɨl za ə Zuʼse Ŋwaʼase lwiynse təm ghaynghe.

Etyə̂yn ə paynsêzè 21:6

È və pìə kəpi sê mi nə, “Mə nə̀yn ghɛ ghɨ̀nə̀ ə̀kɨ̂m! M nyi Alfà fɨyn nyi Òmengà, ə zhə̀te, è kwùŋse. Nâʼàpî ndè vɛ ə pfɨ̀ŋ m̀mò zuʼsə vəyn, m nə̀ fo èndom nə è mɨ môm ə tɔŋ m̀mò zɛ ə è fo mô mɛ ə m̀ fo ndamze ndɔ̀ʼɔ è ndaʼ.

Etyə̂yn ə paynsêzè 22:1

Tsì ə̀təyn ə ke chwìtè ə tsò èghaʼâ m̀mò sê mi zɛ ə è fo ndamze, mô mə tə̂ynmè e nyaynə̂ kə anâynè ə ke panə tɔynə, mə m̀ fɨə pə̂ etyə̂ ə̂ fekyə̀ fə efɔ̀yn fɛ ə Zhə̀fè tsɨs ətəyn yî Vâ Ndzè,

Etyə̂yn ə paynsêzè 22:17

Zuʼse yî Zhwìə ndom pi nə, “Pə.” Naʼapi ndè vɛ ə è zɨ ghɛ zɨ̂nə̀ kyi kepî ndò se pì nə, “Pə.” Ə pfɨ̀ŋ m̀mò zuʼsə nâʼàpî ndè e kyiŋə se mɨ mmo, è və pə̀ fiə m̀mo mɛ ə m̀ fo ndamze, ə mɨə səndô.