Njɔyn 7:36 - Ŋwàʼlè ə̀ Fèzhə̀ Mkâyn Mə̂ Fèm

³⁶ È pi nə ghâsènì nə̀ nə̂ ə kyiŋə Vəyn, pîza fe va è kɨsè nə ghâsènì vayn kaʼa ndu elùʼ vɛ ə È nə̀ nə̂ ə È və nyi ətəyn. È tyə̂nə̀ nə ghe famə ewàmnè ə?”

Njɔyn 7:36 ပူးပေါင်းရင်းမြစ်များ

Njɔyn 12:34

Nɔ̂yn əghɨ̀ kɛ ə ke tè nyì fu ə pə̀ynsə̀ vəyn nə, “Saʼ zasze zaʼlə̂ nə vɛ ə chɔʼ ndə̂m kyi se ndamə faŋ, Ò kwì zayn sə̂ pîə nə, ə kyi se kɔʼsê ə Vawùə ekwùtwəyn ə? Va Wùə nə vɨnə nyi nâʼà ndè?”

Njɔyn 13:33

Ghɔnyì ghɨmə, M fɨyn va sə̂ nyi ghâsènì sə aghaf. Ghàyn nə̀ kyiŋə mi mɔŋ, pîza M tsâ sê ghàyn zôyn, kè eghɨ kə m se nyi mə mə tsàyn sê ghɨ atyaʼa Njûsə̀, ə̀ nyì kepî za kə M tsâ sê ghàyn nə ghàyn vayn kaʼa ndu elùʼ vɛ ə M ndûə ətəyn

Njɔyn 3:4

Nìkòndemùs ə pfɨfə sê vəyn nə, “Ə nyi kàʼa kɛse pîə zàyn wùə èghaʼâ? È vayn kaʼa è fɨyn nji ə nyì endwɔ̀ kə ə piə vəyn nə ndu shîŋə̀ tepɛ̀!”

Njɔyn 3:9

Nìkòndemùs ə pfɨfə nə, “Ze kaʼa e kyayn zayn zə?”

Njɔyn 6:41

Ghɨ ə Isìlây ətəynghe ə zhə̀tə̀ se tɨ̀mnə zɔ̀ kûmə̀ Njisə̀s kə È pì nə, “Ə̀ nyi Vəyn payn ə kwaŋ kɛ ə ke ndô pə̂yn ekwùtwəyn.”

Njɔyn 6:52

Kə ghɨ ghɛ tè zɨ zamə, ghənə ə zhə̀tə̀ efɨsə endwɔ̀zè sè saʼnə̂ è ngɨŋsə ə ghənə̂sè pîə nə, “Wùə vɨ̂nə kàʼa è fo zayn wiynə vəyn nə ghâsènì zhi ə?”

Njɔyn 6:60

Chùmtè èpàm sə Vəyn se tsɨəse ə zɨə èzaʼlê nə zɨ̂nə̀ ə pìə nə, “Zaʼlê zɨ̀nə nyiə tɛ se chùmtè. Ə̀ kàʼa zɨte nde zəyn zə ə?”

Njɔyn 7:34

Epàm ətəyn ə ghàyn ə kyiŋə Mi, fɨnə fe va Mi, mə luʼ vɛ M nyi ətəyn, ghàyn vayn kàʼa ghàyn pəyn fɨ fu.”

Njɔyn 8:21

Njisə̀s ə pìə kwəynsə̂ se ghənə nə, “M nə̀ ndô, ə ghàyn ə kyiŋə mi, pîza ə ghàyn tàʼa fe Mi, ə ghàyn kwu ə ghàyn ə sepi. Luʼ vɛ M nə̀ nə̂ M mə nyi ətəyn, ghàyn vayn kàʼa ə pəyn fu.”

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.