Njɔyn 7:33 - Ŋwàʼlè ə̀ Fèzhə̀ Mkâyn Mə̂ Fèm

³³ Njisə̀s ə pìə sê ghənə nə, “M pa nyi ghâsènì kè sə fendiŋə̀ fə ashìŋə̀fè nyi, ə M kɛse ndu se vɛ ə è tom Mi.

Njɔyn 7:33 ပူးပေါင်းရင်းမြစ်များ

Ŋwàʼlè ə̀ Mâk 16:19

Ə pə̀ kə Pɛ̂pɛ Njisə̀s wàmnè mɨ̂sè sê chùmtè èpàm sə vəynse, Zhə̀fè ə nə̀ è və kɔʼɔ ekwùtwəyn, ə tsɨsə̂ ə Fəynfe ekɔyntwɔve.

Njɔyn 13:1

Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Njɔyn 13:33

Ghɔnyì ghɨmə, M fɨyn va sə̂ nyi ghâsènì sə aghaf. Ghàyn nə̀ kyiŋə mi mɔŋ, pîza M tsâ sê ghàyn zôyn, kè eghɨ kə m se nyi mə mə tsàyn sê ghɨ atyaʼa Njûsə̀, ə̀ nyì kepî za kə M tsâ sê ghàyn nə ghàyn vayn kaʼa ndu elùʼ vɛ ə M ndûə ətəyn

Njɔyn 14:12

M pîə sê ghàyn səmɔʼ nə, ghɨ ghɛ ə pomə sê Mi nə̀ nə̂ ə̀ghɛ ghɛ M nə̂. Ə nə̂ piə ə̀ghɛ ghe tsɨ̂ə tsɛ ghɛ m nə̂ kûmə̀ nə M ndûə se pɨ̀a

Njɔyn 14:19

Ə môtə̀ kə nyi, ə mbi ə fɨnə fe va Mi, pîza ə ghànə fe Mi. Kûmə̀ kə m tə ndamə, ghàyn tə pɔŋɔ ndamə ndò.

Njɔyn 14:28

Ghàyn ə zɨ kə m pî nə, ‘M ndô zâ ghàyn ə m ndu kɛse pəyn sê ghàyn.’ Ə ghàyn kɔ̀ŋɔ̀ Mi, ə ghàyn ə nyi èsaŋnêzè nə m ndùə se Pɨ̀a kûmə̀ nə Pɨ̀a nyîə ngaŋtə̂ tsɛ̂ Mi.

Njɔyn 16:10

Ə è tyəyn ndom tə chichite, kûmə̀ nə m sè ndùə ə Pɨ̀a vɨ̂mvè ə ngwùŋ, ə ghàyn tə tàʼa fɨnə fe mi nâʼà səkɔs.

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 16:5

Pîza zôyn, M kɛsə ndûə se vɛ ə è tom Mi, pîza wùə se ghàyn e pfɨfə va sê Mi nə, ‘Ò ndûə ghayn zə?’

Njɔyn 17:11

M nə̀ fɨnə faŋə va ə mbi pîza ghənə pa nyi ə mbi, M pə se ghò zôyn. Pɨ̀a vɨ̂mve èŋwaʼa tɔ̀ʼne è ghənə è tyaʼ Kɛke zəke, ezə zɛ ə ò tè fo sê Mi, kə ghənə nyi sə eghɛ èmɔ̀ʼ kè kə ghâsè ghò nyì sə eghɛ èmɔ̀ʼ.

Njɔyn 17:13

M pə̂ se Ghò zôyn, pîza M pîə ə̀ghɛ ghɨ̀yn mə M pa nyi ə mbi, kə ghənə tə kyî èsaŋnê Zɨm zɛ ə ze nyi mə zə lwiyn ə ghənə ə fètə̂ ə̀təm.

Njɔyn 20:17

Njisə̀s ə pìə sê vəyn nə, “Kə ò kom mi kûmə̀ nə m pâʼà nyìəm ndu sê Pɨ̀a Vɨ̂mvè. Pɨl ndù sê chùmtè èpàm sɨmse, ə ghɔnyì ghɨmə ə tsà se ghənə nə M kɛsə̂ ndùə sê Pɨ̀a Vɨ̂m vɛ ə̀ nyì kepî Pɨ̀a vâynvè. È nyi Fèzhə̀ fɨmfe, ə̀ nyi kepî Fèzhə̀ faynfe.”

Njɔyn 9:4

Kè kə tuʼve pa panə, ghâsènì kyi se nə̀yn efɨaʼa ə Vɛ zə È tom Mi; tuʼe chîə pə̂ ndò mə wùə vayn kàʼa è fɨyn fɨ̂aʼ.