Njɔyn 7:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ə zhiə tə̂mnə̀ èzhi ətəyn, Njisə̀s ə njiə ndûə ə Ndɛ Ètsə̀mə, sè zaʼlə̂ ə̀ghɨ fu.

Njɔyn 7:14 ပူးပေါင်းရင်းမြစ်များ

Matyò 21:12

Epàm ətəyn, Njisə̀s ə njiə ə Ndɛ Ètsə̀mə sè chûmə̀ fɨsə̂ ə̀ghɨ ghɛ ə ghe tè zhɔnə, pəʼlə̂ nâʼà ə̀kɨ̂m. È və pɨŋsə̂ maʼà èlwɔ̂ŋ əghɨ̀ ghɛ ə ghe tè kwiynə kɛve ə pɨŋsə̂ maʼà kəpî mkyə̂ mə ghɨ̀ ghɛ ə tè pəʼlə kwɨ̀lə̂m.

Matyò 26:55

Njisə̀s ə kɛsə̂ pfɨfə sê nɔ̂yn kɛ nə, “Ghàyn nyiə fɨ pə̂yn è fɛ̂tè è mbàŋsè nyiə kə ə nyiŋə ə wùə èchɔŋɔ epàm kɨ̀se kyîə miə? Tuʼmè m̀kɨ̂m m tè nyì ə Ndɛ Ètsə̀mə zaʼlə̂ ə̀ghɨ pîza ghàyn ə tàʼa kyiə mi.

Tom èchùŋ kè kə Lûk tè nyaʼ 19:47

Njisə̀s ə zhə̀tə̀ sè zɨsə̂ zaʼlə̂ ə Ndɛ Ètsə̀mə kè tuʼmè m̀kɨ̂m. Ngàŋ sə ndɛ Fèzhə̀ seghaʼâsè yî tyə̀ynsè sə esaʼse è chəʼ sə endaʼse e sè kyiŋə endom se zhwiə vəyn,

Njɔyn 18:20

Njisə̀s ə pə̀ynsə̀ ə pìə nə, “Mə wàmnè ə ndayn sê nâʼàpî ndè, zaʼlê Zɨmze kɨ̂m tè njiə eluʼ ə ndɛ àtsɨ̂ynte è kɨsè ə Ndɛ Ètsə̀mə, elùʼ vɛ ə ghɨgh əkɨ̂m tè pə kaʼke amɔ̀ʼ. M paʼà tyəmə̂ nyaʼtə̂ pîə èghɛ zhîze.

Njɔyn 5:14

Ə mòtə̀ tso, Njisə̀s ə fɨnə fe vəyn ə Ndɛ Ètsə̀mə ə pìə sê vəyn nə, “Zɨte, o tɛ zôyn. Kə ò fɨyn nəyn pi, ə va za ə ghɛ e kyayn sê ghò, ə zə kwûəmnə̀ kə nyi.”

Njɔyn 7:2

Shîŋə zhiə nə Mpfɨ̀ə əghɨ̀ Njûskè tè se paʼsə̂ pə ndò.

Njɔyn 7:28

Kə Njisə̀s tè zaʼlə ə Ndɛ Ètsə̀mə, ə pìə è kyə̀ è tɛ nə, “Ghàyn lote ke ndò Mi è luʼ vɛ ə M ndô ə tə? M pâʼà pə̀yn fayn sə Mìə atyaʼa ngɨŋke. Vɛ ə è tom Mi, nyi ke səmɔʼ. Ghàyn ke va vəyn.

Njɔyn 7:37

Ə tè nyi etuʼ azhi ə kwuŋsəke, mə za nyi nâʼà etuʼe kɔʼnəve, Njisə̀s ə ndwìə tyəmə ə pìə è kyə̀ ètɛ nə, “Ə pfɨ̀ŋ m̀mò zuʼsə nâʼàpî ndè è və pə̀ sê Mi kə M fo môm, ə è mɨ.

Njɔyn 8:2

Nâʼà pɨsə̀pɨsə̀ ə fetuʼ fəmɔ̀ʼɔfe, È və fɨnə ndûə ə Ndɛ Ètsə̀mə. Ghɨ ghəkɨ̂m ə zùŋtə̀ kyîŋə̀ nga Vəyn, È və tsɨsə̂ əchi ə zhə̀tə̀ se zaʼlə ghənə.

Njɔyn 8:20

Njisə̀s tè piə əghɛ nə ghɨ̂yn ə̀kɨ̂m mə è zaʼlə̂ ə Ndɛ Ètsə̀mə, etipì elùʼ vɛ ə tè ndə̀mə kɛve ətəyn. Nâʼà wùə vîvè ə tàʼa ko Vəyn kûmə̀ nə shîŋə̀ Vəynke tè nyi ndɔ̀ʼɔ ke kwəyn.