Njɔyn 6:71 - Ŋwàʼlè ə̀ Fèzhə̀ Mkâyn Mə̂ Fèm

⁷¹ È tè wàmnə̀ kûmə̀ Njondàs, ə va Shimùyn Èskalɔ̀t. Njondàs, pi kə è tè nyi wùə èmɔ̀ʼ əfètə̂ sèchùmtè èpàm njòsepɛ̀, nyi vəyn vɛ ə è tè pəʼle Njisə̀s.

Njɔyn 6:71 ပူးပေါင်းရင်းမြစ်များ

Matyò 10:2

Ə̀ ghɨnə nyi əzə əghɨ̀tomə njò sepɛ̀: Wùə shi tè nyi Shimùyn vɛ ə tè tɔŋtə kəpî nə Pità, è ànyìə vəyn Andɨ̀lò. È Njə̂m yî ànyìə vəyn Njɔyn, ə ghɔ Zepɛ̀ndîə;

Matyò 10:4

ə fɨyn nyi Shimùyn ə wùə vɛ ə è kyi ndaʼə vəynze ətəm (àlwù), è Njondàs Èskalɔ̀t vɛ ə è tè kɛse pəʼle Njisə̀s.

Ŋwàʼlè ə̀ Mâk 14:10

Njondàs Èskalɔ̀t, ə wùə èmɔ̀ʼ əfètə̂ sèchùmtè èpàm sə Njisə̀sè njò sepɛ̀ ə ndò ə ndùə fe ə̀ghɨ kɔʼsə nə eshyə̀ ngaŋtəghe, se pəʼlê ə Njisə̀s sê ghənə.

Njɔyn 12:4

Chùmtè èpàm ə̀ Njisə̀s zhî zɛ ə tè tɔŋtə nə Njondàs Èskalɔ̀t, ə nyi kepî vəyn vɛ è tè nyì se pəʼlə Njisə̀s, ə pìə nə,

Njɔyn 13:2

Ə nə̀ kwɨlə̂ sè zhiə ashìŋə̀ ezhwikwɨləke, ə̀ nyi zâ mə ndə̂plè ə fo kwâʼtè epize sê Njondàs Èskalɔ̀t, ə va Shimùyn, nə è pəʼle Njisə̀s.

Njɔyn 13:26

Njisə̀s ə pìə nə, “M nə̀ tsɨ̂ə àpayn ə kwaŋ kɨ̂yn e mbàs ə m fo sê wùə vɛ ə m wàmnə̀ kûmə̀ vəyn.” È və wàmnə̀ zâ ə tsɨ̀ə fo sê Njondàs, ə vâ Shimùyn Èskalɔ̀t.

Njɔyn 2:2

Njisə̀s è chùmtè èpàm sə vəynse e nyi mə ə tɔŋə̂ kepî ghənə fumə ə malə̂.

Njɔyn 20:24

Chùmtè èpàm emɔ̀ʼ əfètə̂ sèchùmtè èpàm njòse pɛ̀, mə nyi Tɔ̀mɔ̂s e tɔŋtə̂ kəpî nə, Apɨaʼsè, tè va yîghə̀ ghənə shîŋə̀ kɛ ə Njisə̀s tè pəyn.

Njɔyn 6:64

Pîza ghàyn yîghe pomə̂ va.” (Njisə̀s tè piə È zhə̀tè se zaʼlê mə È ke ndô ghɨ ghɛ ə nə̀ pomə va sê Vəyn, è wùə vɛ ə è nə̀ pəʼlə Vəyn.)

Njɔyn 6:70

Njisə̀s ə pə̀ynsə̀ sê ghənə nə, “Ə̀ tè chɔʼ mi ghàyn njòse pɛ̀, mə va zamə? Pîza wùə èmɔ̀ʼ ə ghàyn ə fètəyn nyi ndə̂plè.”

Ətefɨ̂aʼ 2:23

Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.