Njɔyn 6:70 - Ŋwàʼlè ə̀ Fèzhə̀ Mkâyn Mə̂ Fèm

⁷⁰ Njisə̀s ə pə̀ynsə̀ sê ghənə nə, “Ə̀ tè chɔʼ mi ghàyn njòse pɛ̀, mə va zamə? Pîza wùə èmɔ̀ʼ ə ghàyn ə fètəyn nyi ndə̂plè.”

Njɔyn 6:70 ပူးပေါင်းရင်းမြစ်များ

Njɔyn 13:18

M wàmnə̀ va kûmə̀ ghàyn ə̀kɨ̂m. M ke ndô ghàyn ghɛ ə m chitê ndə̂m. Pîza, ghɛ zɛ ə nyâʼ ə Ŋwàʼlè ə̀ Fèzhə̀ kyi se pə̀yn səmɔʼ. Ə və nyaʼ nə, ‘Wùə vɛ ə è zhiə kɨŋnə ghasè vəyn, nyi mə è və fɨ̀l tsɨ̀m sê mi.

Njɔyn 13:2

Ə nə̀ kwɨlə̂ sè zhiə ashìŋə̀ ezhwikwɨləke, ə̀ nyi zâ mə ndə̂plè ə fo kwâʼtè epize sê Njondàs Èskalɔ̀t, ə va Shimùyn, nə è pəʼle Njisə̀s.

Njɔyn 13:21

Ə pə̀ kə Njisə̀s pì ghɛ nə ghɨnə nyi, kwàʼtè ə vəynze e fo ètsôs sê vəyn nâʼà sə ŋaŋ. È və ke piə paynsê sê chùmtè èpàm sə Vəynse nə, “M pîə sê ghàyn səmɔʼ nə wùə èmɔ̀ʼ nyîə nyi ə ghà əfètəyn, nyi se pəʼlə mi.”

Njɔyn 13:27

Kè kə Njondàs fi mɨ̂sə̀ pə̂yn payn ə kwaŋ ətəynke nyî, Satàyn ə njiə mɨ̀sə̀ kə ndò ə vəyn ewìyn. Njisə̀s ə pìə sê vəyn nə, “Zàŋse nə̀yn ghɛ zɛ ə ò kyiŋə se nə̀yn.”

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 15:19

Ə ghàyn fè nyi kə əghɨ mbiə mə ghənə kɔ̂ŋɔ̀ ndò ghàyn kə ghɨə ghənə̂ghè. Ə̀ zo se nyi mə mə tə chitê fɨse ghàyn ə mbi, ghàyn e sè fɨyn va ə̀ghɨə mbiə. Ə̀ za nyi eghɛ zɛ ə ghɨ mbiə panə̀ ghàyn sətəyn.

Njɔyn 17:12

Kə M tè pa nyi ghasè ghənə, M tè nyîə tɔ̂ʼnə̀ è ghənə atyaʼ ezə kɛ Ò tè fo sê Mi. Mə tə tɔ̀ʼnè è ghənə nâʼà wùə èmɔ̀ʼ ə ghənə fètəyn ə tàʼa njìsè ə̀ tsɛ̂ kə va vɛ ə è tè kyi ke se njìsè kə ghɛ zɛ ə tè nyàʼ ə ŋwàʼlè Fèzhə̀ pəyn səmɔʼ.

Njɔyn 2:2

Njisə̀s è chùmtè èpàm sə vəynse e nyi mə ə tɔŋə̂ kepî ghənə fumə ə malə̂.

Njɔyn 20:24

Chùmtè èpàm emɔ̀ʼ əfètə̂ sèchùmtè èpàm njòse pɛ̀, mə nyi Tɔ̀mɔ̂s e tɔŋtə̂ kəpî nə, Apɨaʼsè, tè va yîghə̀ ghənə shîŋə̀ kɛ ə Njisə̀s tè pəyn.

Njɔyn 6:64

Pîza ghàyn yîghe pomə̂ va.” (Njisə̀s tè piə È zhə̀tè se zaʼlê mə È ke ndô ghɨ ghɛ ə nə̀ pomə va sê Vəyn, è wùə vɛ ə è nə̀ pəʼlə Vəyn.)

Njɔyn 6:67

Njisə̀s ə ke pfɨf se chùmtè èpàmse njòse pɛ nə, “Ghàyn pɔŋɔ kyiŋə kəpî se kɛse mə?”

Njɔyn 6:71

È tè wàmnə̀ kûmə̀ Njondàs, ə va Shimùyn Èskalɔ̀t. Njondàs, pi kə è tè nyi wùə èmɔ̀ʼ əfètə̂ sèchùmtè èpàm njòsepɛ̀, nyi vəyn vɛ ə è tè pəʼle Njisə̀s.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ətefɨ̂aʼ 1:17

Njondàs vâ nyi wùə ə ghâsènì anɔ̀yn. Njisə̀s tè chɔʼ vəyn nə è və nə̂ èfɨaʼ zɨ̀yn kèpî kə È tè chɔʼ ghâsènì.”

Ətefɨ̂aʼ 13:10

ə piə sê vəyn nə, “Ə ghô vâ ndə̂plè vɨ̀yn! Ò nyi pàyn sê nâʼà pi èghɛ èkè zɛ ə ze nyi achûŋ. Ò nyi mə o lwiyn è kyì tə tepi tekɨ̂m. Mɔ̂msə̀ kə shîŋə̀ tekɨ̂m se kɨ̀mnè ə səmɔʼ ə̀ Pɛ̂ nə ə nyi àkaŋ.

1 Timotì 3:11

Zəyn ghɛ ə ghe fɨaʼà ə ndɛ Fèzhə̀ pɔŋ kyi sə̂ kyi èndam e chûŋzè, ndə̀mə̀ va kôghɔ̀ŋ, nə̂ va ghɛghe tsɨə tsɛ̂ àndiŋ, nə̂ nâʼà pîghè kè səmɔʼ.

Taytùs 2:3

Kèpî famə endom, zaʼle zəyn ə ndumnə nə ghənə kyi se ndam endam zɛ ə ze fo ngɨmnêzè sê Zhə̀fè, piə va ghɛ ə pighe kûmə̀ ə̀ghɨ mɔ̀ʼɔ, mɨə tsɛ̂sə̀ va lɨ̀m. Ghənə pɨl kyi sə̂ zaʼlə̂ ə̀ghɨ èghɛ zɛ ə ze nyi achûŋ,

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.