Njɔyn 6:51 - Ŋwàʼlè ə̀ Fèzhə̀ Mkâyn Mə̂ Fèm

⁵¹ M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Njɔyn 6:51 ပူးပေါင်းရင်းမြစ်များ

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Tom èchùŋ kè kə Lûk tè nyaʼ 22:19

È və njiə kəpiə àpayn ə kwaŋke ə fo àzɔ̀ŋnè sê Zhə̀fè ə pɨalə ə fo sê ghənə ə piə nə, “Ə̀ vɨ̂nə nyi ewiyn vɨm (kə m fo sê ghàyn. Ghàyn nə nə̂ zɨnə mə se kwaʼtə mi.”

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 1:29

Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!

Njɔyn 11:26

Mə ghɨ ghɛ ə ndamə ə pomə̂ sê mi, ə tə tàʼa kwu nâʼà səkɔs. Ò pomə̂ ndò zɨ̂nə mə ə?”

Njɔyn 3:13

Nâʼà wùə èmɔ̀ʼ pâʼà tyəmə̂ kɔʼɔ ekwùtwəyn, ə̀ tsɛ̂ kə va Va Wùə, kə È tè ndò ekwùtwəyn ə tso pə̂ ə chi.

Njɔyn 3:14

Kə Mosîs tè paynte fûsè ə mbamke ə mbàŋ ə ndwìsə̀ tyəmsə̂ elùʼ ashəshəve, ə̀ nyì kepî èghɨ kə kyi se tə ndwîsə̀ tyəmsə Vâ wùə.

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Njɔyn 3:36

Ə̀ ndə̀m pîndè təmə və sê vayn nə vɨ̂yn, ə è kyi ndam zɛ ə ze tə mîə va, mə ə̀ tə pîndè se nə̀yn eghɛ zɛ ə è pì, ə è tə tàʼa kyî endam zɛ ə ze tə mîə va, pîza ə Zhə̀fè tə pa poynsê Vəyn.”

Njɔyn 5:24

M pîə sê ghàyn səmɔʼ nə nâʼàpî ndè vɛ ə è zɨə ghɛ zɨme ə pomə̂ sê Vəyn vɛ ə È tom Mi, kyi ndam zɛ ə ze tə mîə va. Ə tə saʼa va vəyn, pîza mə e və kàynè tsɛ elùʼ ekwu ə njiə elùʼ endam.

Njɔyn 6:33

Kûmə̀ nə M nyi kàyntè àpayn ə kwaŋ kɛ ə Zhə̀fè fo mə ke ndo ekwùtwəyn fo ə̀ghɨ mbiə èndam zɛ ə ze tə mîə va.”

Njɔyn 6:35

Njisə̀s ə pìə sê ghənə nə, “M nyi apayn ə kwaŋ kɛ ə ke fo ndam zɛ ə ze tə mîə va. Ghɨ ghɛ ə ghe pə̂yn sê Mi, chɨ̀ŋ tə fɨnə zafə va ghənə, ghɨ ghɛ ə pomə sê Mi, ə tɔŋə pfɨŋve tə tàʼa zaf ə ghənə.

Njɔyn 6:41

Ghɨ ə Isìlây ətəynghe ə zhə̀tə̀ se tɨ̀mnə zɔ̀ kûmə̀ Njisə̀s kə È pì nə, “Ə̀ nyi Vəyn payn ə kwaŋ kɛ ə ke ndô pə̂yn ekwùtwəyn.”

Njɔyn 6:47

M tsâ se ghàyn səmɔʼ nə, vəyn vɛ è pomə kyi endam mə ze tə mîə va.

Njɔyn 6:48

M nyi apayn ə kwaŋ kɛ ə ke fo ndamze.

Njɔyn 6:50

Pîza payn ə kwaŋ kɛ ə ke ndô pə̂ ekwùtwəyn nyi kɛ ə zhi nâʼàpî ndè kəynke, ə è tə tàʼa kwu.

Njɔyn 7:38

‘Ə pomə pîndè sê Mi, ŋwàʼlè ə̀ Fèzhə̀ pi nə, ‘Ə tso sɛ ə se fo ndamze ə sɨ̂sə̀ fɨə ə və fètəyn.’”

2 Kolìŋ 5:19

Ghɛ zɛ ə ghàs pìə nyi nə Zhə̀fè tè kɛse njî pəyn ə̀ghɨ ə̀kɨ̂m se ngɨŋ ə vəyn tɔynə̂ ə Klâys. È lɛ̀se fo sèpi sə ghɨ̀sè ə fɨnə fo tom sê ghàs, nə ə ndàʼà èndom vɛ ə ghɨə kaʼa kɛse pəyn sê vəyn ətəyn.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

Ɛfesùs 5:25

Ghàyn e kɔ̂ŋɔ̀ ə̀zəyn ghaynghe ə ndômnə̀ kèpî èghɨ kə Klâys tè kɔŋ ndɛ ə̀ Fèzhə̀ ə fo ngɨŋ ə̂ vəyn se kwu kûmə̀ zə̂ynzè.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 10:20

È və chwìə èndom efeve sê ghâsènì mə za nyi endom vɛ ə ve kyi ndamze tɔynə̂ apàŋ ə sendzɨske; mə za nyi ewiyn ə vəynve.

1 Pità 2:4

Ghàyn pə̀yn sê Pɛ̂pɛ Njisə̀s Klâys, È nyi echi zɛ ə ze ndamə mə ghɨghe ə tə làŋ mâʼà nə e tsɔ̂fə̀ va pîza Zhə̀fè ə fe nə e nyîə kɔʼnə̂ kwəynə̂, ə chɔʼɔ nə ze nyîə kwəynə̂.

1 Njɔyn 2:2

Ə̀ nyi vəyn vɛ ə tè fo sə efo kûmə̀ sèpi sɛ ə ghâsènì tè nəyn, È və kwuə se zhɔyn atu ə ghasènìke, ə̀ va ke ə ghâsènì ə tu, pîza sê ghɨghe ə kɨ̂m ə mbi.

1 Njɔyn 4:10

Ndom vɛ ə ghâsènì kàʼa kê kûmə̀ èkɔ̂ŋ nyi nə, Ə̀ vachi nə ghâsènì tè kɔ̀ŋə ndô Zhə̀fè, pîza nə è tè kɔ̀ŋə ndô ghâsènì ə tomə Va Vəyn nə è pəyn kwu ə ghâsènì ə tu kûmə̀ sèpi sə ghasènìse.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.