Njɔyn 6:41 - Ŋwàʼlè ə̀ Fèzhə̀ Mkâyn Mə̂ Fèm

⁴¹ Ghɨ ə Isìlây ətəynghe ə zhə̀tə̀ se tɨ̀mnə zɔ̀ kûmə̀ Njisə̀s kə È pì nə, “Ə̀ nyi Vəyn payn ə kwaŋ kɛ ə ke ndô pə̂yn ekwùtwəyn.”

Njɔyn 6:41 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:2

Ghɨ Falàsî yîghe yî ghə̀ tyə̀ynsè sə alàŋsè ə fe za sè tɨmnə̂ zô, piə nə, “Wùə vɨ̀nə pomə̂ nə naʼapi əghɨ pighe ə pə̂ ə və ngwùŋ, fɨnə zhiə nâʼà yî ghə̀ ghənə.”

Tom èchùŋ kè kə Lûk tè nyaʼ 19:7

Ghɨghe ə fe sè tɨmnə̂ zɔ̂, piə nə, “È kotə̂ pìə wùə əghɛ piə, səʼə kə èmô ə və ndɛ.”

Tom èchùŋ kè kə Lûk tè nyaʼ 5:30

Ghɨə Falàsî əmɔ̀ʼɔ è tyə̀ynsè sə alàŋ sə ghənə̂sè e sè zɔ̂, pfɨfə sê chùmtè èpàm sə Njisə̀sè nə, “Kûmə̀ ghè ə ghàyn zhiə fɨnə mɨə ghayn ghə̀ ghɨ ghɛ ə ghe tənə tâksè è ghɨ piə mɔ̀ʼɔ ghə?”

Njɔyn 1:19

Ghɨ èghaʼâ ə Njûs ghɛ ə tè nyi ə Njèlusalɛ̀m tè tom əghɨ ə kɔʼsə nə eshyə̀ ndɛ̂ ètsə̀mə, è ghɨ esas ə ndɛ Levìghè nə ndu pfɨf sê Njɔyn Fo M̀mò nə, è nyi nde ə.

Njɔyn 6:33

Kûmə̀ nə M nyi kàyntè àpayn ə kwaŋ kɛ ə Zhə̀fè fo mə ke ndo ekwùtwəyn fo ə̀ghɨ mbiə èndam zɛ ə ze tə mîə va.”

Njɔyn 6:43

Njisə̀s ə pə̀ynsə̀ nə, “Kə ghàyn fɨyn tɨmnê zɔ̂ sə ghàyn ə ngɨŋ.

Njɔyn 6:48

M nyi apayn ə kwaŋ kɛ ə ke fo ndamze.

Njɔyn 6:58

Ə̀ za nyi nə M nyi apayn ə kwaŋ kɛ ə ke ndô pə̂ ekwùtwəyn, M vachi kə apayn ə kwaŋ kɛ pɨ̀a əpɨ̀a ghaynghe tè zhi, pîza ghənə ə kwuə. Pîza nâʼàpî ndè vɛ ə è nə̀ zhi wiyn Vɨmve nə̀ ndamə faŋə.”

Njɔyn 6:60

Chùmtè èpàm sə Vəyn se tsɨəse ə zɨə èzaʼlê nə zɨ̂nə̀ ə pìə nə, “Zaʼlê zɨ̀nə nyiə tɛ se chùmtè. Ə̀ kàʼa zɨte nde zəyn zə ə?”

Njɔyn 6:66

Kûmə̀ zɨnə mə, chùmtè èpàm sə Njisə̀s se tsɨəse ə kɛsə kəmnə̀ ə tàʼa fɨnə ndù yighə̀ Vəyn.

Njɔyn 7:12

Ə̀ tè nyîə tsɨ̂mtə̀ wâmnə̀ kûmə̀ Vəyn nâʼà sə ŋaŋ ə fètə̂ ànɔ̀yn. Yîghe pîə nə, “È nyi ke nâʼà wùə èchùŋ.” Yîghe pîə nə, “Ngaŋ, È kwìə lesə̂ kə əghɨ səndô.”

1 Kɔlìŋ 10:10

Ghâsènì kiva pî sə̂ shwinə̂ kə ghənə yîghe tè shwinə̂, ghɛ ətəynze ə nə̀, tsì ə̀ Fezhə̀ zɛ ə è pə̀ èkwuze ə zhwitə̂ ghənə.

Njût 1:16

Ghɨ ghɨnə zàŋsə̀ shwinə̂ wamnə̀ kə ndò, kɔŋə̀ sə ghâmə̀ ə̀ghɨ mɔ̀ʼɔghe, ghənə chûmtə̀ ə̀ghɛ ghɛ ə təm ə ghənə̂ghè kyiŋə nə ghənə ə nə̂, ghaŋsə̂ èwiyn kûmə̀ sèngɨŋ sə ghənə̂sè, wamnə̀ èwâmnè efɔməze sê ghɨghe se kyî afɨa kɛ ə ghənə kyiŋə.